Hungry Lion moNamibia keli moshiponga shomukithi gwocholera

Ookefe dhiikulya dhoHungry Lion moNamibia dha thika po 19, odhi na ekondololo lyuundjolowele lya kwata miiti, onkene dho kadhi li moshipotha shomukithi gwocholera, ngaashi iitayi yostola ndhoka itatu moZambia, mbyoka ya patwa oshiwike sha piti konima sho mwa monika ombakitelia yocholera. Oolopota dha zilile moshilongo shoka odha popi kutya, ominista yepangelo lyaZambia, Vincent Mwale, oya koleke kutya omakonaakono guundjolowele ngoka ga ningilwa oostola ndatu dhoHungry Lion, moLusaka, oga holola oshizemo shombakitelai yomukithi ngoka, sha etitha opo oostola dhoka dhi patwe meendelelo.Zambia ota kondjo opo a vule okuya moshipala omukithi gwocholera ngoka gwa dhipaga aantu ya thika po 51 moshilongo ashihe, naantu oyendji mboka ya hulitha komukithi ngoka okwa lopotwa kutya aakalimo yomoLusaka, omanga aantu ya thika po 2000, ya kwatwa komukithi ngoka.Molopota ndjoka ya pitithwa mEtine lya piti, elelo lyostola dhoHungry Lion, moZambia, olya popi kutya olya zimina okutula miilonga oonkatu dha gwedhwa po, opo ya kwathele aaniilonga nookastoma dhawo mokukondjithwa omukithi gwocholera.MoNamibia, Hungry Lion mEtitano okwa lombwele oshifokundaneki shoNamibian Sun kutya shoka sha holoka moZambia itashi tula moshiponga oostola ndhoka, moNamibia.“Iitayi yetu otayi kondololwa nawa na otayi iyutha koompango adhihe dhuundjolowele,” Elelo lyoHungry Lion moNamibia, lya holola.Etaatendelo lyomukithi gwocholera mostola dhoka moZambia, otali pelwa uusama onkalo yuuyogoki yankundipala mokefe dhoka dhiikulya oshowo omukalo moka aaniilonga mookefe ndhoka, mboka ya za kiitopolwa ya gumwa komukithi ngoka taya ihumbata mekwato lyiikulya, palopota ndjoka ya pitithwa koAfrican News Agency.Elelo lyoostola ndhoka moZambia olya holola kutya olya kutha ko oshikumungu shoka onga onkalo yopaulumomhumbwe, naaniilonga otaya ka pewa omadheulo melongelokumwe noshikondo shuundjolwele moshilongo shoka, nostola okwa tegelelwa dhi kale dha patuluka ishwe muule womasiku omashona.Omukithi ngoka unene otagu taandele okuza momalukanda ngoka kaage na uuyogoki moshilandopangelo shaZambia, Lusaka.Omupresidende gwaZambia, Edgar Lungu oshiwike sha piti okwa gandja elombwelo koshikondo shegameno lyoshilongo opo shi kwathele mokukondjitha omukithi ngoka.Malawi okwa lopota iipotha yomukithi ngoka yi li 157 oshowo omaso ga ne. Omukithi gwoCholera ohagu dhipaga meendelelo ngele inagu pangwa.JANA-MARI SMITH

Hungry Lion moNamibia keli moshiponga shomukithi gwocholera

Comments

Namibian Sun 2025-07-08

Please login to leave a comment

Hungry Lion moNamibia keli moshiponga shomukithi gwocholera

Comments

Namibian Sun 2025-07-08

Please login to leave a comment

Login