Helao Nafidi a hala Ipinge
TUYEIMO HAIDULA
OSHAKATI
Elelo lyondoolopa yaHelao Nafidi otali kondjitha okulelepeka okondalaka yiilonga yaInge Ipinge onga omunambelewa omukomeho gwondoolopa ndjoka nonando ye okwa yi moomvula dhuukokele omimvo ntano dha piti.
Ominista yomayambulepo goondoolopa, Erastus Uutoni okwa li a tindi egwedhelo lyokondalaka ndjoka.
Okondalaka yaIpinge otayi hulu momasiku ga6 gaAguste nuumvo ihe elelo olya hala okugwedhela okondalaka ndjoka sigo okomasiku gaheyali gaAguste omvula yo 2022. Ipinge oku na oomvula 65.
Uutoni okwa shangele omukanda elelo lyondoolopa ndjoka ta popi kutya okwa tindi omagwedhelepo gokulelepeka okondalaka ndjoka molwaashoka itaga endele pamwe nompango yomalelo goondooloa onti 23 yomomvula yo 1992.
Mayola gwondoolopa oshowo omunashupundi gwelelo oya tindi okupopya sha kombinga yoshikumungu shoka ihe oNamibian Sun oya mono uuyelele kutya elelo lyondoolopa ndyoka otali pangele okwiidhimbika elombwelo lyaUutoni, na otali lelepeke okondalaka ndjoka.
Omunashipundi gwelelo lyondoolopa ndjoka, Sakaria Haimbili okwa lombwele oNamibian Sun kutya mayola ote ke ya tseyithilwa ngele etokolo lya ningwa na opo owala ta ka vula okutya sha. Okwa popi kutya konima nkene ya mono omukanda ngoka okuza kuUutoni inaya kuutumba ya kundathane.
Mayola Darius Shaalukeni, okwa popi kutya oshikumungu shoka inashi manithwa natango. Okwa tsikile kutya elelo otali ka kuutumba momasiku 29 opo li kundathane.
Mayola okwa tsikile kutya ita vulu okukundathana ompito yiilonga yaIpinge molwaaashoka oyi li oshinima shopaumwene.
Okwa tsikile kutya ookansela yaheyali yoSwapo otaya ka popila etokolo lyokukaleka Ipinge nokuyamukula kombaapila yaminista. Ipinge oku li omumwayinakadhona omushona gwomupevi presidende gwoSwapo, Netumbo Nandi-Ndaitwah.
Uutoni sho a ningilwa omapulo okwa popi kutya oku li moshigongi na otaka yamukula komapulo lwanima ihe ine shi ninga sigo onkundana ndjika tayi nyanyangithwa.
Omutseyinawa gwiikumungu yaaniilonga, Herbert Jauch okwa popi kutya paveta kape na uupyakadhi nelelo lyondoolopa ndjoka okulelepeka ompito yiilonga yaIpinge molwaashoka Namibia ke na ompango ndjoka tayi utha aantu ya thigepo iilonga konima ya yi moshipundi shevululuko.
Okwa ti kehe ehangano otali landula omulandu gwalyo gu na noomvula dhokuthiga po iilonga.
“Uuna omuntu a gwanitha oomvula 60 na okwa tsikile okulonga, oya pumbwa okufutwa iifuta yawo momvula dho 65 ngaashi Ompango yAaniilonga tayi ti, Namibia ke na ompango ndjoka tayi ti omuntu na thigepo iilonga moomvula dhoka. Iilongo yimwe oyi na ompango ndjoka,” Jauch a popi.
– [email protected]
OSHAKATI
Elelo lyondoolopa yaHelao Nafidi otali kondjitha okulelepeka okondalaka yiilonga yaInge Ipinge onga omunambelewa omukomeho gwondoolopa ndjoka nonando ye okwa yi moomvula dhuukokele omimvo ntano dha piti.
Ominista yomayambulepo goondoolopa, Erastus Uutoni okwa li a tindi egwedhelo lyokondalaka ndjoka.
Okondalaka yaIpinge otayi hulu momasiku ga6 gaAguste nuumvo ihe elelo olya hala okugwedhela okondalaka ndjoka sigo okomasiku gaheyali gaAguste omvula yo 2022. Ipinge oku na oomvula 65.
Uutoni okwa shangele omukanda elelo lyondoolopa ndjoka ta popi kutya okwa tindi omagwedhelepo gokulelepeka okondalaka ndjoka molwaashoka itaga endele pamwe nompango yomalelo goondooloa onti 23 yomomvula yo 1992.
Mayola gwondoolopa oshowo omunashupundi gwelelo oya tindi okupopya sha kombinga yoshikumungu shoka ihe oNamibian Sun oya mono uuyelele kutya elelo lyondoolopa ndyoka otali pangele okwiidhimbika elombwelo lyaUutoni, na otali lelepeke okondalaka ndjoka.
Omunashipundi gwelelo lyondoolopa ndjoka, Sakaria Haimbili okwa lombwele oNamibian Sun kutya mayola ote ke ya tseyithilwa ngele etokolo lya ningwa na opo owala ta ka vula okutya sha. Okwa popi kutya konima nkene ya mono omukanda ngoka okuza kuUutoni inaya kuutumba ya kundathane.
Mayola Darius Shaalukeni, okwa popi kutya oshikumungu shoka inashi manithwa natango. Okwa tsikile kutya elelo otali ka kuutumba momasiku 29 opo li kundathane.
Mayola okwa tsikile kutya ita vulu okukundathana ompito yiilonga yaIpinge molwaaashoka oyi li oshinima shopaumwene.
Okwa tsikile kutya ookansela yaheyali yoSwapo otaya ka popila etokolo lyokukaleka Ipinge nokuyamukula kombaapila yaminista. Ipinge oku li omumwayinakadhona omushona gwomupevi presidende gwoSwapo, Netumbo Nandi-Ndaitwah.
Uutoni sho a ningilwa omapulo okwa popi kutya oku li moshigongi na otaka yamukula komapulo lwanima ihe ine shi ninga sigo onkundana ndjika tayi nyanyangithwa.
Omutseyinawa gwiikumungu yaaniilonga, Herbert Jauch okwa popi kutya paveta kape na uupyakadhi nelelo lyondoolopa ndjoka okulelepeka ompito yiilonga yaIpinge molwaashoka Namibia ke na ompango ndjoka tayi utha aantu ya thigepo iilonga konima ya yi moshipundi shevululuko.
Okwa ti kehe ehangano otali landula omulandu gwalyo gu na noomvula dhokuthiga po iilonga.
“Uuna omuntu a gwanitha oomvula 60 na okwa tsikile okulonga, oya pumbwa okufutwa iifuta yawo momvula dho 65 ngaashi Ompango yAaniilonga tayi ti, Namibia ke na ompango ndjoka tayi ti omuntu na thigepo iilonga moomvula dhoka. Iilongo yimwe oyi na ompango ndjoka,” Jauch a popi.
– [email protected]
Comments
Namibian Sun
No comments have been left on this article