Haufiku iiyogo koonyala
Ominista wuundjolowele nonkalonawa oya gandja uusama kaanapolotika monooli sho ye pamwe nuuministeli we kaye na we oonkondo mokutokola kutya oshipangelo oshinene shoka taku pangelwa shi tungwe monooli yoshilongo otashi tungwa peni.
Minista Bernard Haufiku okwa kaleke oompangela dhe okutalela po omahala ngoka ga tothwa mo opo putungwe oshipangelo shoka, sha landula sho a nongele kutya okomitiye yokabinete, ya kwatelwa komeho kOmupresidende Hage Geingob oya kuutumba nale kundathana oshikumungu shoka omanga minista ke po.
Haufiku okwa li a pangele okukwatela komesho osheendo shokukonaakona ehala mpoka tapu vulu okutungwa oshipangelo shoka mOngwediva nOndangwa, opo andola ya ngongepo olopota konima yetalelepo ndyoka.
Haufiku ngashiingeyi ota gandja uusama kelelo lyondoolopa yaNdangwa sho lya tula papolotika oshikumungu shoka.
Sho a gongala poNamibian Surgical Society mOndangwa ongulohi yOlyomakaya, Haufiku okwa holola okuuva nayi kwe ta popi kutya aantu yomonooli otashi vulika ya ka kale taya mono iihuna omanga aanapolotika taya dhana uudhano wawo.
Okwa popi kutya okuuva nayi sho oshikumungu shoka sha ningwa po opolotika na oku na einekelo kutya otaku ka adhika mbala ekandulepo lyuupyapadhi moshikumungu shoka.
Okwa popi kutya elelo lyaNdangwa, olya kala inali hala okulongela pamwe mopoloyeka ndjoka paampito ndatu, sho Haufiku a kambadhala okweeta ombili mokati kaakuthimbinga moshikumungu shoka.
Pankundathana ndhoka a ningilwa koshifokundaneki shoNamibian Sun, Haufiku okwa popi kutya ye pamwe nuuministei we kaye na we shoka taya vulu okuninga moshikumungu shoka ongele owala ya tseyithilwa kutya naya ninge ngiini.
MuNovemba gwomvula ya piti, amushanga nale guuministeli mboka, Andreas Mwoombola, okwa tseyithile elelo lyoshitopolwa shaShana kutya okabinete okwa pititha etokolo kombinga yopoloyeka ndjoka.
Osha lopotwa kutya okabinete otaka ka kala netokolo lyahugunina moshikumungu shoka.
Ngoka ta longo pehala lyamushanga muuministeli wuundjolowele ngashiingeyi, Petronella Masabane okwa li a tseyithile oNamibian Sun kutya uuministeli otawu longo neitulemo opo wu ningepo olopota ndjoka tayi ka pewa okabinete.
Metine nEtitano lya piti, Haufiku okwa li kwa tegelewa a ka kwatele komeho osheendo shaanambelewa mboka taya ka konaakona omahala ngoka ga tothwa mo kutya opo taku ka tungwa oshipangelo shoka. Omahala ngoka taga ka konaakonwa andola ogeli mondoolopa yaNdangwa naNgwediva.
Nonando ongaaka Haufiku okwa kalele etalelepo ndyoka konima sho a nongele kutya okwa ningwa omutumba nokomitiye ndjoka ya kwatelwa komeho kuGeingob, kombinga yoshikumungu shoshipangelo shoka naHaufiku ka li a hiwa opo a ka kuthe ombinga momutumba ngoka.
Elelo lyopapolotika mOndangwa olya li lya koleke kutya itali ka kutha ombinga nokuwayimina Haufiku pethimbo ta talelepo omahala ngoka, omanga omunashipundi gwelelo lyaShana, Gerson Hanu Kapenda, a popi kutya itaya ka kutha ombinga metalelepo ndyoka tali ningwa molwaashoka inaya hiwa.
Omwedhi gwa piti, Haufiku okwa shangele omukanda ngoloneya gwaShana, Clemens Kashuupulwa, te mu hiya pamwe nomalelo gondoolopa yaNdangwa oshowo Ongwediva, opo ye mu wayimine metalelepo ndyoka ta ningi momasiku 22 no 23 gaFebruali.
Sho a ningilwa omapulaapulo, Kashuupulwa okwa popi kutya ekaleko lyetalelepo ndyoka olya ningwa molwa omaipyakidhilo guuministeli.
Haufiku okwa ekelehi woo omapopyo kutya ota popile nokugama ombinga opo oshipangelo shoka shi tungwe mOngwediva.
Haufiku okwa gwedha po kutya epangelo kali na iimaliwa opo li pule komeho nokutunga oshipangelo shopashitopolwa shoka sha li sha nuninwa ondoolopa yaNdangwa, nongele nena opoloyeka yetungo lyoshipangelo shika oya ndopa, nena oshigwana otashi kala momukundu.
Sho a ningilwa omapulo, amushanga gwokabinete, George Simataa, ina vula okuzimina nenge okutinda kutya okwa ningwa omutumba kokomitiye ya kwatelwa komeho komupresidende kombinga yopoloyeka ndjoka, naHaufiku ina hiwa opo a kuthe ombinga momutumba ngoka.
ILENI NANDJATO
Haufiku okwa li a pangele okukwatela komesho osheendo shokukonaakona ehala mpoka tapu vulu okutungwa oshipangelo shoka mOngwediva nOndangwa, opo andola ya ngongepo olopota konima yetalelepo ndyoka.
Haufiku ngashiingeyi ota gandja uusama kelelo lyondoolopa yaNdangwa sho lya tula papolotika oshikumungu shoka.
Sho a gongala poNamibian Surgical Society mOndangwa ongulohi yOlyomakaya, Haufiku okwa holola okuuva nayi kwe ta popi kutya aantu yomonooli otashi vulika ya ka kale taya mono iihuna omanga aanapolotika taya dhana uudhano wawo.
Okwa popi kutya okuuva nayi sho oshikumungu shoka sha ningwa po opolotika na oku na einekelo kutya otaku ka adhika mbala ekandulepo lyuupyapadhi moshikumungu shoka.
Okwa popi kutya elelo lyaNdangwa, olya kala inali hala okulongela pamwe mopoloyeka ndjoka paampito ndatu, sho Haufiku a kambadhala okweeta ombili mokati kaakuthimbinga moshikumungu shoka.
Pankundathana ndhoka a ningilwa koshifokundaneki shoNamibian Sun, Haufiku okwa popi kutya ye pamwe nuuministei we kaye na we shoka taya vulu okuninga moshikumungu shoka ongele owala ya tseyithilwa kutya naya ninge ngiini.
MuNovemba gwomvula ya piti, amushanga nale guuministeli mboka, Andreas Mwoombola, okwa tseyithile elelo lyoshitopolwa shaShana kutya okabinete okwa pititha etokolo kombinga yopoloyeka ndjoka.
Osha lopotwa kutya okabinete otaka ka kala netokolo lyahugunina moshikumungu shoka.
Ngoka ta longo pehala lyamushanga muuministeli wuundjolowele ngashiingeyi, Petronella Masabane okwa li a tseyithile oNamibian Sun kutya uuministeli otawu longo neitulemo opo wu ningepo olopota ndjoka tayi ka pewa okabinete.
Metine nEtitano lya piti, Haufiku okwa li kwa tegelewa a ka kwatele komeho osheendo shaanambelewa mboka taya ka konaakona omahala ngoka ga tothwa mo kutya opo taku ka tungwa oshipangelo shoka. Omahala ngoka taga ka konaakonwa andola ogeli mondoolopa yaNdangwa naNgwediva.
Nonando ongaaka Haufiku okwa kalele etalelepo ndyoka konima sho a nongele kutya okwa ningwa omutumba nokomitiye ndjoka ya kwatelwa komeho kuGeingob, kombinga yoshikumungu shoshipangelo shoka naHaufiku ka li a hiwa opo a ka kuthe ombinga momutumba ngoka.
Elelo lyopapolotika mOndangwa olya li lya koleke kutya itali ka kutha ombinga nokuwayimina Haufiku pethimbo ta talelepo omahala ngoka, omanga omunashipundi gwelelo lyaShana, Gerson Hanu Kapenda, a popi kutya itaya ka kutha ombinga metalelepo ndyoka tali ningwa molwaashoka inaya hiwa.
Omwedhi gwa piti, Haufiku okwa shangele omukanda ngoloneya gwaShana, Clemens Kashuupulwa, te mu hiya pamwe nomalelo gondoolopa yaNdangwa oshowo Ongwediva, opo ye mu wayimine metalelepo ndyoka ta ningi momasiku 22 no 23 gaFebruali.
Sho a ningilwa omapulaapulo, Kashuupulwa okwa popi kutya ekaleko lyetalelepo ndyoka olya ningwa molwa omaipyakidhilo guuministeli.
Haufiku okwa ekelehi woo omapopyo kutya ota popile nokugama ombinga opo oshipangelo shoka shi tungwe mOngwediva.
Haufiku okwa gwedha po kutya epangelo kali na iimaliwa opo li pule komeho nokutunga oshipangelo shopashitopolwa shoka sha li sha nuninwa ondoolopa yaNdangwa, nongele nena opoloyeka yetungo lyoshipangelo shika oya ndopa, nena oshigwana otashi kala momukundu.
Sho a ningilwa omapulo, amushanga gwokabinete, George Simataa, ina vula okuzimina nenge okutinda kutya okwa ningwa omutumba kokomitiye ya kwatelwa komeho komupresidende kombinga yopoloyeka ndjoka, naHaufiku ina hiwa opo a kuthe ombinga momutumba ngoka.
ILENI NANDJATO
Comments
Namibian Sun
No comments have been left on this article