Haufiku a hala ku tulwe miilonga elelo lyuundjolowele
Ominista yuundjolowele, Bernard Haufiku okwa pula aatotimpango opo ya kwashilipaleke kutya, ontotwaveta ndjoka tayi pitika etulo miilonga lyelelo lyuundjolowele oya kundathanwa momutumba gwopashigwana meendelelo.
Haufiku okwa popi kutya ekateko lyomalunduluko ngoka taga ningwa mompango ndjoka, otali etitha woo ekateko megandjo lyomayakulo gopaundjolowele gongushu moshigwana.
Minista okwa popi kutya omolwa omalunduluko ngoka inaga manithwa natango momutumba gwopashigwana , inaya vula okukuta miilonga oondokotola, aapangi , aaniilonga mboka haya gandja omiti oshowo aanashilonga yalwe moshikondo shuunamiti, omolwa oshikako shelelo lyoHealth Professions Councils of Namibia's (HPCNA) shoka sha thiki pehulilo momwedhi Maalitsa nuumvo.
Oshiwike sha piti, uuministeli mboka owa taambako ongundu yoondohotola dhomitima ndhoka dha manitha omailongo gadho. Oondohotola ndhoka itadhi vulu okumona iilonga omolwa olutu lyelelo lyuundjolwele ndoka kalu li miilonga pahapu dhaHaufiku.
“Ihe otu na omikweyo omileeleka dhaanona mboka ye na uupyakadhi womitima na oya pumbwa oondohotola ndhoka,” Haufiku a popi.
Minista okwa popi kutya uuministeli wawo mboka wa talela ompumbwe yiimaliwa otawu ka kambadhala okushunitha pevi iifuta, paku shunitha pevi omwaalu gwiilyo yelelo ndyoka.
Okwa gwedha po kutya otashi pula epangelo oshimaliwa sha thika pomiliyona yimwe, okuhogolola iilyo yomalelo.
Oshilyo shongundu yoPopular Democratic Movement (PDM) Vipua Muharukua, okwa popi kutya onkalo sho Haufiku a gandja momutumba gwopashigwana omalunduluko ngoka moshiwike sha hugunina omanga omutumba ngoka inagu ya mefudho otashi ulike kutya oshikondo shoka oshi li mehalakano.
Oshilyo shoUnited People's Movement (UPM) Jan van Wyk nasho osha pula kutya omolwashike ngashiingeyi oshikondo shahala okweendelelitha omakuto miilonga goondohotola omanga kwa kala taku ningwa omaindilo gomakuto miilonga ihe okwa popiwa kutya oshikondo kashi na iimaliwa.
Okwa popi woo kutya okwa hala okuuva kutya otaku ka ningwa uunake etseyitho lyomakuto miilonga ngoka goondohotola, ta popi kutya Swapo oku na omukalo gwokweetitha iifuta, pwaahena omakundathano gomondjila.
JEMIMA BEUKES
Minista okwa popi kutya omolwa omalunduluko ngoka inaga manithwa natango momutumba gwopashigwana , inaya vula okukuta miilonga oondokotola, aapangi , aaniilonga mboka haya gandja omiti oshowo aanashilonga yalwe moshikondo shuunamiti, omolwa oshikako shelelo lyoHealth Professions Councils of Namibia's (HPCNA) shoka sha thiki pehulilo momwedhi Maalitsa nuumvo.
Oshiwike sha piti, uuministeli mboka owa taambako ongundu yoondohotola dhomitima ndhoka dha manitha omailongo gadho. Oondohotola ndhoka itadhi vulu okumona iilonga omolwa olutu lyelelo lyuundjolwele ndoka kalu li miilonga pahapu dhaHaufiku.
“Ihe otu na omikweyo omileeleka dhaanona mboka ye na uupyakadhi womitima na oya pumbwa oondohotola ndhoka,” Haufiku a popi.
Minista okwa popi kutya uuministeli wawo mboka wa talela ompumbwe yiimaliwa otawu ka kambadhala okushunitha pevi iifuta, paku shunitha pevi omwaalu gwiilyo yelelo ndyoka.
Okwa gwedha po kutya otashi pula epangelo oshimaliwa sha thika pomiliyona yimwe, okuhogolola iilyo yomalelo.
Oshilyo shongundu yoPopular Democratic Movement (PDM) Vipua Muharukua, okwa popi kutya onkalo sho Haufiku a gandja momutumba gwopashigwana omalunduluko ngoka moshiwike sha hugunina omanga omutumba ngoka inagu ya mefudho otashi ulike kutya oshikondo shoka oshi li mehalakano.
Oshilyo shoUnited People's Movement (UPM) Jan van Wyk nasho osha pula kutya omolwashike ngashiingeyi oshikondo shahala okweendelelitha omakuto miilonga goondohotola omanga kwa kala taku ningwa omaindilo gomakuto miilonga ihe okwa popiwa kutya oshikondo kashi na iimaliwa.
Okwa popi woo kutya okwa hala okuuva kutya otaku ka ningwa uunake etseyitho lyomakuto miilonga ngoka goondohotola, ta popi kutya Swapo oku na omukalo gwokweetitha iifuta, pwaahena omakundathano gomondjila.
JEMIMA BEUKES
Comments
Namibian Sun
No comments have been left on this article