Hage a hupitha Jerry
Omupresidende Hage Geingob okwa hogolola aahogololwa ye omulongo mboka taya ningi oshitopolwa shiilyo yOmutumba gwOpashigwana kokatekete kongundu yoSwapo.
Metokolo lye ndyoka tali halutha, Omupresidende Hage Geingob okwa kwatelemo maahogololwa ye, Jerry Ekandjo, opo a vule okuninga oshilyo shopaliamende konima yomahogololo gopashigwana ngoka taga ningwa nuumvo.
Ekwatelemo lyaEkandjo, ngoka a li a tidhwa kuGeingob momvula yo 2018 sha landula omutumba gwomahogololo gwaaleli yoSwapo momvula yo 2017, olya talikako onga omukalo gwokukwatako aayambidhidhi yoTeam Swapo, mongundu yoSwapo.
Etopokauko otali dhana onkandangala mongundu yoSwapo sho mboka ya yambidhidha Ekandjo onga omuulikwa omupresidende pethimbo lyomahogololo gaaleli yongundu ya ndopa okuza mo momusholondondo gwiilyo yopaliamende gwongundu yoSwapo, sha landula omahogololo ngoka ga ningwa mehuliloshiwike lya piti.
Ekandjo pamwe naayambidhidhi ye oya li ya dhengwamo momahogololo kuGeingob, nopethimbo lyomahogololo ngoka Ekandjo ngoka e li omunamivo 72 okwa li ponomola onti 107, konima sho a ndopa okuya momusholondondo gwiilyo 96.
Ekandjo okwa popi kutya otaka popya sha owala kombinga yeuliko lye uuna ya ganithilwa miilonga muMaalitsa gwomvula twa taalela.
Geingob okwa ulike woo omupopi momutumba gwopashigwana, Peter Katjavivi, ngoka a li ponomola onti 89.
Omunamimvo 78 Katjavivi oshowo omupevi presidende Nangolo Mbumba oyo aakokele yoSwapo ye li momusholondondo ngoka.
Omupresidende okwa ulike woo omunashipundi gwoNational Council Margaret Mensah-Williams.
Mensah-Williams, okwa li ponomola onti 92 momusholondodo na osha e ta omalimbililo ngele otaka mona tuu oshipundi shoSwapo a li a sindana owala iipundi 77 momahogololo gomomvula yo 2014.
Omupresidende gwoSwapo, okwa ulike woo aaulikwa okuza miitopolwa iyali yaKavango, Kletus Karondo oshowo Bertha Dinyando-Nyambe.
Omuleli gwaanyasha nale moshitopolwa shaZambezi, Heather Sibungo naye okwa ulikwa.
Aahogololwa yalwe ongaashi, Hafeni Ndemula, Veno Kauaria, Vincent Mareka oshowo Nono Katjingisua.
Omunongononi gwonkalo yopolotika, Phanuel Kaapama okwa popi kutya epatelo pondje lyaanyasha otali gandja etumwalaka kutya aanyasha aawanawa owala mokuhogololwa ihe kaye shi aawanawa moompito dhelelo. Okwa pula woo egaluko lyaakokele ngaashi Katjavivi, Ekandjo oshowo Mensah-Williams.
“Epulo ondika kutya omupresidende okwali ta vulu okuninga nawa pakutala kaantu mboka inaya kala nale momutumba gwomahogololo. Okutala komulandu gwaanyasha moNamibia oomboka ye na oomvula sigo 35, na kandi weye pe na nando ogumwe. Etumwalaka ndyoka lya gandjwa mpoka okutya indeni mu ka hogolole ihe kamu na oshiloga opo omuhogololwe.”
Shaandre Finnies, ngoka a li nale omupopi moPaliamende yAanona okwa popi kutya Geingob okwali e na okuhogolola aanyasha onga iilyo yomutumba gwopaliamende, opo ya ka vule okukalelapo iikumungu mbyoka ya taalela aanyasha moshigwana.
JEMIMA BEUKES
Ekwatelemo lyaEkandjo, ngoka a li a tidhwa kuGeingob momvula yo 2018 sha landula omutumba gwomahogololo gwaaleli yoSwapo momvula yo 2017, olya talikako onga omukalo gwokukwatako aayambidhidhi yoTeam Swapo, mongundu yoSwapo.
Etopokauko otali dhana onkandangala mongundu yoSwapo sho mboka ya yambidhidha Ekandjo onga omuulikwa omupresidende pethimbo lyomahogololo gaaleli yongundu ya ndopa okuza mo momusholondondo gwiilyo yopaliamende gwongundu yoSwapo, sha landula omahogololo ngoka ga ningwa mehuliloshiwike lya piti.
Ekandjo pamwe naayambidhidhi ye oya li ya dhengwamo momahogololo kuGeingob, nopethimbo lyomahogololo ngoka Ekandjo ngoka e li omunamivo 72 okwa li ponomola onti 107, konima sho a ndopa okuya momusholondondo gwiilyo 96.
Ekandjo okwa popi kutya otaka popya sha owala kombinga yeuliko lye uuna ya ganithilwa miilonga muMaalitsa gwomvula twa taalela.
Geingob okwa ulike woo omupopi momutumba gwopashigwana, Peter Katjavivi, ngoka a li ponomola onti 89.
Omunamimvo 78 Katjavivi oshowo omupevi presidende Nangolo Mbumba oyo aakokele yoSwapo ye li momusholondondo ngoka.
Omupresidende okwa ulike woo omunashipundi gwoNational Council Margaret Mensah-Williams.
Mensah-Williams, okwa li ponomola onti 92 momusholondodo na osha e ta omalimbililo ngele otaka mona tuu oshipundi shoSwapo a li a sindana owala iipundi 77 momahogololo gomomvula yo 2014.
Omupresidende gwoSwapo, okwa ulike woo aaulikwa okuza miitopolwa iyali yaKavango, Kletus Karondo oshowo Bertha Dinyando-Nyambe.
Omuleli gwaanyasha nale moshitopolwa shaZambezi, Heather Sibungo naye okwa ulikwa.
Aahogololwa yalwe ongaashi, Hafeni Ndemula, Veno Kauaria, Vincent Mareka oshowo Nono Katjingisua.
Omunongononi gwonkalo yopolotika, Phanuel Kaapama okwa popi kutya epatelo pondje lyaanyasha otali gandja etumwalaka kutya aanyasha aawanawa owala mokuhogololwa ihe kaye shi aawanawa moompito dhelelo. Okwa pula woo egaluko lyaakokele ngaashi Katjavivi, Ekandjo oshowo Mensah-Williams.
“Epulo ondika kutya omupresidende okwali ta vulu okuninga nawa pakutala kaantu mboka inaya kala nale momutumba gwomahogololo. Okutala komulandu gwaanyasha moNamibia oomboka ye na oomvula sigo 35, na kandi weye pe na nando ogumwe. Etumwalaka ndyoka lya gandjwa mpoka okutya indeni mu ka hogolole ihe kamu na oshiloga opo omuhogololwe.”
Shaandre Finnies, ngoka a li nale omupopi moPaliamende yAanona okwa popi kutya Geingob okwali e na okuhogolola aanyasha onga iilyo yomutumba gwopaliamende, opo ya ka vule okukalelapo iikumungu mbyoka ya taalela aanyasha moshigwana.
JEMIMA BEUKES
Comments
Namibian Sun
No comments have been left on this article