Gridhawk Security Company ya tsukumwe nomuselekadhi gwomOtjiwarongo

JANA-MARI SMITHOVENDUKAMwene gwehangano lyoosekuriti oshowo omukomeho gwiilonga mboka taya tamanekelwa edhipago lyomukwashigwana gwaZimbabwe omuhongi gwiiti, oya zimine nomuselekadhi ngoka a li ta futitha ehangano ndyoka oshowo oosekuriti ndatu oshimaliwa sha thika poomiliyna 1.7.Hlaisanani Zhou (43) okwa hulitha konima sho a li a dhenga nayi momasiku gatatu ga Juni momvula yo 2020. Efutitho ndyoka olya kwatelwa mo ehangano lyoosekuriti lyedhina Gridhawk Security Company oshowo Savemore Supermarket.Aalumentu mboka oye li pondje yodholongo komboloha. Omuselekadhi gwaZhou, Betserai Moyo, muKotomba gwomvula ya piti okwa ningi oshipotha shefutilo lyomwaalu gwa tumbulwa, nomwedhi nguka ompangu oya tseyithilwa kutya Moyo otaka kutha mo oshipotha shefutilo shoka a tulilemo Myburgh, Gridhawk Security oshowo Jansen van Vuuren, konima sho ya tsukumwe pondje yohofa muSepetemba.Oohahende okuza koombinga mbali odha holola kutya okwa adhika etsokumwe ndyoka li li oshinima shopaumwene.Nonando ongaaka oshipotha shefutitho shoosekuriti dhehangano lyoGridhawk, Roberto Katjinamunene, Hendrick Simupureni oshowo Kefas Kuutondokua, mboka ya li ya tulilwa mo oshipotha pamwe nooyene yehangano inashi kuthwamo.Otaku popi kutya aalumentu mboka oya ponokele Zhou momasiku 3 Juni 2020 konima sho a lundilwa kutya okwa yaka onka yiiti mositola yedhina Etemba Savemore mOtjiwarongo.Mekwathelo lyoLegal Assistance Centre, Moyo moombaapila dhe dhompangu okwa popi kutya aalumentu mboka yatatu oya undulile Zhou mondunda yili konima yostola moka yemu dhengele nokumu undulila mopate yi li popepi mpoka aakwashigwana ye mu mono nkene ta kambadhala okuthikama eende andola.Omunangeshefa gumwe okwa ithana opolisi nombulansa, ihe Zhou okwa hulitha esiku lya landula. Omakonaakono geso oga ulike kutya okwa hulitha okuza kedhengo sho eehema momutse, montulo oshowo moshinena.Ayehe Myburgh omunamimvo 22 pethimbo ndyoka oshowo Jansen van Vuuren – omunamimvo 23 naye pethimbo ndyoka, oya kambadhala okuya ontuku na oya tulwa miipandeko momasiku gahamano gaJuni.Oombaapila dhompangu odha holola kutya Moyo oku na okanona kamwe nanakusa ngoka a li ha mono iiyemo yooN$10 000 komwedhi mbyoka a li ha longitha mokuyambidhidha ofamili ye. Konima yeso lyomusamane, Moyo ota popi kutya otaya hupu okuza owala meyambidhidhi lyaapambele.Okwa tsikile kutya okwa dhigwa woo muunkundi womadhilaadhilo, na kape na gumwe gwomaatamanekwa e mu yambidhidha mokufala olutu lwomusamane gwe koZimbabwe.Myburgh naJansen Van Vuuren oyiikongele oohahende dhopaumwe omanga oosekuriti sigo onena inadhi holola ngele otadhi mono omukalelipo gwopaumwene.Epulakeno moshipotha otali tameke mugatatu gaDesemba.

Gridhawk Security Company ya tsukumwe nomuselekadhi gwomOtjiwarongo

Comments

Namibian Sun 2025-07-04

Please login to leave a comment

Gridhawk Security Company ya tsukumwe nomuselekadhi gwomOtjiwarongo

Comments

Namibian Sun 2025-07-04

Please login to leave a comment

Login