Geingob tuulike okomitiye yokukandula po iikolokosha mOndonga
Omupresidende Hage Geingob ota pangele okuulika okomitiye ya nuninwa okuhulitha po iikolokosha nomananathano melelo lyoshilongo shaNdonga.
Mokomitiye ndjoka otamu kwatelwa aalandulwa ye omukokoli presidende, Sam Nujoma oshowo omupresidende nale Hifikepunye Pohamba.
Shoka osha hololwa polweela sha landula oombaapila ndhoka dha gandjwa mOmpangulilo yOpombanda mOshakati moka Omukwaniilwa gwaNdonga Immanuel Kauluma Elifas oshowo, Elia Shikongo, ya pataneke etokolo ndyoka lya Ii lya ningwa kOmpangu ndjoka, opo omukwaniilwa a ka gandje uumbangi mompangu.
Ompangu otayi kwatele komeho epwaakeno lyoshipotha shoka, moka ookansela nale yelelo lyaNdonga taya pataneke etidho lyawo miilonga, muJuli gwomvula ya za ko.
Etokolo opo omukwaniilwa a ka gandje uumbangi olya etitha eidhopo mo lyaNujoma oshowo Geingob, mboka ya ningi oonkundwa noombinga mbali dhelelo lyaNdonga ndhoka tadhi nanathana.
Momukanda gwompangu ngoka a gandja, Shikongo okwa popi kutya Geingob ota longekidha opo iidhopemo moshikumungu shoka pakuulika okomitiye ye gandjo lyomayele komupresidende ndjoka tayi ka pewa oshinakugwanithwa shokuhulitha po omananathano ngoka. Momasiku 9 gaAguste, Omupanguli, Maphios Cheda okwa ningi etokolo opo Elifas a ye kompangu a ka gandje uumbangi we wopakana ngele oye tuu shili a tidha ookansela mboka. Shikongo ngashiingeyi ota pataneke etokolo ndyoka ta popi kutya nali kalekwe manga sigo epataneko lyawo ndyoka ya ningi lya pu okupulakenwa.Elifas pamwe nookansela ye aape mboka ayehe ye li aayamukuli moshipotha shoka, ka ya li ko kompangu pethimbo kwa ningwa eindilo lyepataneko ndyoka.
Shikongo okwa pula ompangu yi kuthe mo oshipotha shoka momusholondondo gwiipotha mbyoka tayi pulakenwa mompangu, nenge shi undulilwe komeho opo omukwaniilwa a vule okupula uuthemba we.
Shikongo okwa yeleke kutya oshipotha osha pumbwa manga okukalekwa omolwa omupresidende ngoka a hala okuya pokati koongundu ndhoka opo ku kuthwepo iikolokosha nomananathanao ngoka ga yi sigo okompangu. Ta gwedha po kutya omupresidende okwa yelitha kutya ina hala okuya moshipala iilonga yompangu ihe okwa hala owala okuhulitha po omananathanao ngoka ge li po.
“Pethimbo lyomutumba, omupresidende okwa gandja omayele kutya otaka ulika okomitiye yegandjo lyomayele ndjoka tayi ka kwatela mo aaleli nale yoshilongo, Sam Nujoma oshowo Hifikepunye Pohamba, opo ya kandule po iikolokosha mbyoka nokwaahauvathana. Shoka inashi manithwa natango.”
Ookansela mboka ya tidhwa miilonga okupitila momukalelipo gwawo gwopaveta, Elize Angula, oya yamukula kutya Shikongo ota longitha pambambo ompangu, paku enditha kashona oshipotha shoka.
“Etokolo lyompangu itali vulu okukalekwa. Omukwaniilwa oye omukomeho gwoshigwana na okwa pumbwa okugandja uumbangi kombinga yetokolo lye nomaihumbato ge ngoka ga e ta etopoko nuutondwe mokati kaakwashigwana yaNdonga. Aakwaniilwa yakwawo yalwe oya gandja omaumbangi mompangulilo nale, na ye ke li pombanda yompango. Shikongo na yelithe owala kutya omukwaniilwa ita vulu okugandja uumbangi mompangu ihe ina kala ta gandja omaipopilo ogendji paku pataneka omatokolo gompangu opo iinima yuundulilwe komeho. Ngame otandi pataneke eundulilo komeho lyoshipotha neundulilo ndyoka tandi ka popila oondyoka owala tali utha kutya omukwaniilwa ote ya okugandja uumbangi uunake.”
Cheda okwa gandja efudho komukwaniilwa meindilo ndyoka na okwa tothamo esiku moka ngele oshipotha shoka tashi ka tsikila mOmpangu yoPombandambanda moshilongo.
Shoka osha hololwa polweela sha landula oombaapila ndhoka dha gandjwa mOmpangulilo yOpombanda mOshakati moka Omukwaniilwa gwaNdonga Immanuel Kauluma Elifas oshowo, Elia Shikongo, ya pataneke etokolo ndyoka lya Ii lya ningwa kOmpangu ndjoka, opo omukwaniilwa a ka gandje uumbangi mompangu.
Ompangu otayi kwatele komeho epwaakeno lyoshipotha shoka, moka ookansela nale yelelo lyaNdonga taya pataneke etidho lyawo miilonga, muJuli gwomvula ya za ko.
Etokolo opo omukwaniilwa a ka gandje uumbangi olya etitha eidhopo mo lyaNujoma oshowo Geingob, mboka ya ningi oonkundwa noombinga mbali dhelelo lyaNdonga ndhoka tadhi nanathana.
Momukanda gwompangu ngoka a gandja, Shikongo okwa popi kutya Geingob ota longekidha opo iidhopemo moshikumungu shoka pakuulika okomitiye ye gandjo lyomayele komupresidende ndjoka tayi ka pewa oshinakugwanithwa shokuhulitha po omananathano ngoka. Momasiku 9 gaAguste, Omupanguli, Maphios Cheda okwa ningi etokolo opo Elifas a ye kompangu a ka gandje uumbangi we wopakana ngele oye tuu shili a tidha ookansela mboka. Shikongo ngashiingeyi ota pataneke etokolo ndyoka ta popi kutya nali kalekwe manga sigo epataneko lyawo ndyoka ya ningi lya pu okupulakenwa.Elifas pamwe nookansela ye aape mboka ayehe ye li aayamukuli moshipotha shoka, ka ya li ko kompangu pethimbo kwa ningwa eindilo lyepataneko ndyoka.
Shikongo okwa pula ompangu yi kuthe mo oshipotha shoka momusholondondo gwiipotha mbyoka tayi pulakenwa mompangu, nenge shi undulilwe komeho opo omukwaniilwa a vule okupula uuthemba we.
Shikongo okwa yeleke kutya oshipotha osha pumbwa manga okukalekwa omolwa omupresidende ngoka a hala okuya pokati koongundu ndhoka opo ku kuthwepo iikolokosha nomananathanao ngoka ga yi sigo okompangu. Ta gwedha po kutya omupresidende okwa yelitha kutya ina hala okuya moshipala iilonga yompangu ihe okwa hala owala okuhulitha po omananathanao ngoka ge li po.
“Pethimbo lyomutumba, omupresidende okwa gandja omayele kutya otaka ulika okomitiye yegandjo lyomayele ndjoka tayi ka kwatela mo aaleli nale yoshilongo, Sam Nujoma oshowo Hifikepunye Pohamba, opo ya kandule po iikolokosha mbyoka nokwaahauvathana. Shoka inashi manithwa natango.”
Ookansela mboka ya tidhwa miilonga okupitila momukalelipo gwawo gwopaveta, Elize Angula, oya yamukula kutya Shikongo ota longitha pambambo ompangu, paku enditha kashona oshipotha shoka.
“Etokolo lyompangu itali vulu okukalekwa. Omukwaniilwa oye omukomeho gwoshigwana na okwa pumbwa okugandja uumbangi kombinga yetokolo lye nomaihumbato ge ngoka ga e ta etopoko nuutondwe mokati kaakwashigwana yaNdonga. Aakwaniilwa yakwawo yalwe oya gandja omaumbangi mompangulilo nale, na ye ke li pombanda yompango. Shikongo na yelithe owala kutya omukwaniilwa ita vulu okugandja uumbangi mompangu ihe ina kala ta gandja omaipopilo ogendji paku pataneka omatokolo gompangu opo iinima yuundulilwe komeho. Ngame otandi pataneke eundulilo komeho lyoshipotha neundulilo ndyoka tandi ka popila oondyoka owala tali utha kutya omukwaniilwa ote ya okugandja uumbangi uunake.”
Cheda okwa gandja efudho komukwaniilwa meindilo ndyoka na okwa tothamo esiku moka ngele oshipotha shoka tashi ka tsikila mOmpangu yoPombandambanda moshilongo.
Comments
Namibian Sun
No comments have been left on this article