Geingob okwa pula uukumwe moSwapo
Omupresidende Hage Geingob okwa popi kutya natango mongundu yawo omu na uutondwe netopokauko, lya zilile pethimbo lyomahwahwameko ga ningwa omolwa okongresa ndjoka ya ningwa kongundu yoSwapo omvula ya piti.
Sho a popi pethimbo a patululwa omutumba gwelelo lyoSwapo ano oSwapo Central Committee (CC) mEtitatno lya piti, Geingob okwa popi kutya okuuva natango kutya oongundu otadhi tsikile mongundu ndjoka tayi pangele na okwa pula opo dhi hulithwepo, ta popi kutya omahwahwameko oga pumbiwa ihe uuna iizemo ya piti, nena oga pumbwa okuhulithwa po.
Okwa pula mboka ya li taye mu konjitha pethimbo lyomahogololo mokongresa ndjoka opo ya taambeko iizemo.
“Omahogololo ngoka oga manithwa na otwa pumbwa okutaambako iizemo nongele hasho nena natu ye ni koompangu. Omahogololo oga pwa ngashiingeyi otwa taalela omahogololo gopashigwana.”
Amushanga gwongundu yoSwapo, Sophia Shaningwa okwa pula uukumwe mokati kongundu, ta popi kutya oongundu dhompilameno otadhi kongo omikalo dhokulwitha ongundu pethimbo lyomahogololo nAakwaSwapo oya pumbwa okukala onga ongundu yimwe.
Geingob okwa nyana woo ongundu yoAffirmative Repositioning oshowo Landless People's Movement, dhoka dhiiteka okukutha ombinga momutumba gwevi gwopashigwana omutiyali ngoka gwa ningwa, ta popi kutya omutumba ngoka ogwa ningwa ngaashi gwa longekidhwa, na inagu patela aantu pondje ngaashi sha li sha tegelelwa kuyamwe.
Okwa tsikile kutya aaleli nale, Hifikepunye Pohamba oshowo Sam Nujoma nonando omagwedhelepo gawo gamwe inaga taambulwa ko momutumba oya tsikile nokukutha ombinga momutumba ngoka.
Omuprima minista nale Nahas Angula okwa popi kutya ke na ontseyo yuungundu mboka tawu popiwa wu li mongundu yoSwapo.
Angula ngoka e li gumwe gwomwaamboka yali taya kondjitha Geingob momahogololo okwa popi kutya Geingob oku na uuthemba okupopya omaiyuvo ge nokugiitaala, ta popi kutya ye kali mo momutumba na ke shi kutya okwa hala okutya ngiini.
Helmut Angula, ngoka naye a li a kutha ombinga pompito yuupeha presidende, na okwa li yiimanga kumwe kongundu yoTeam Swapo, hoka woo kwa li Nahas okwa popi kutya ye ita kutha ombinga na iha kutha we ombinga miinima mbyoka, a popi omutumba gwelelo. Ongundu yaGeingob oya li tayi ithanwa Team Harambee.
OGONE TLHAGE
Okwa pula mboka ya li taye mu konjitha pethimbo lyomahogololo mokongresa ndjoka opo ya taambeko iizemo.
“Omahogololo ngoka oga manithwa na otwa pumbwa okutaambako iizemo nongele hasho nena natu ye ni koompangu. Omahogololo oga pwa ngashiingeyi otwa taalela omahogololo gopashigwana.”
Amushanga gwongundu yoSwapo, Sophia Shaningwa okwa pula uukumwe mokati kongundu, ta popi kutya oongundu dhompilameno otadhi kongo omikalo dhokulwitha ongundu pethimbo lyomahogololo nAakwaSwapo oya pumbwa okukala onga ongundu yimwe.
Geingob okwa nyana woo ongundu yoAffirmative Repositioning oshowo Landless People's Movement, dhoka dhiiteka okukutha ombinga momutumba gwevi gwopashigwana omutiyali ngoka gwa ningwa, ta popi kutya omutumba ngoka ogwa ningwa ngaashi gwa longekidhwa, na inagu patela aantu pondje ngaashi sha li sha tegelelwa kuyamwe.
Okwa tsikile kutya aaleli nale, Hifikepunye Pohamba oshowo Sam Nujoma nonando omagwedhelepo gawo gamwe inaga taambulwa ko momutumba oya tsikile nokukutha ombinga momutumba ngoka.
Omuprima minista nale Nahas Angula okwa popi kutya ke na ontseyo yuungundu mboka tawu popiwa wu li mongundu yoSwapo.
Angula ngoka e li gumwe gwomwaamboka yali taya kondjitha Geingob momahogololo okwa popi kutya Geingob oku na uuthemba okupopya omaiyuvo ge nokugiitaala, ta popi kutya ye kali mo momutumba na ke shi kutya okwa hala okutya ngiini.
Helmut Angula, ngoka naye a li a kutha ombinga pompito yuupeha presidende, na okwa li yiimanga kumwe kongundu yoTeam Swapo, hoka woo kwa li Nahas okwa popi kutya ye ita kutha ombinga na iha kutha we ombinga miinima mbyoka, a popi omutumba gwelelo. Ongundu yaGeingob oya li tayi ithanwa Team Harambee.
OGONE TLHAGE
Comments
Namibian Sun
No comments have been left on this article