Geingob a popile Noa

Geingob okwa popi kutya omuleli gwokomisi ndjoka okwa taalela omanyano molwaashoka oshigwana natango inashi mona omunenentu ta pewa egeelo omolwa uuingilingi.“ACC ota kondemwa ethimbo alihe molwaashoka inaku pewa natango egeelo omunenentu. Noa ota nyanwa na kashi li mondjila okukondema aantu. Natu ninge iinima yi li mondjila,” Geingob a popi mEtitatu omanga ta popitha iikundaneki kombinga yaashoka sha longwa kepangelo muule womvula ya piti. Epopitho ndyoka olya ningilwa pEgumbo lyEpangelo.Muule woomwedhi dha piti, ongeyo yoshigwana oya londo pombanda nounyenyeta, shoo ACC ya ndopa okupangula iipotha inene yuulingilingi, mbyoka ya longwa mepangelo unene kaakomeho.Omwedhi gwa piti, Ominista yEmona, Calle Schlettwein okwa nyana woo iilonga yoACC oshowo endopo lyokakomisi hoka okukonaakona iipotha yuulingilingi.Schlettwein okwa li a holola omaiyuvo ge kutya ACC okwa pumbwa okunkondopekwa , nokupewa oonkondo dhokugandja omageelo ngele okakomisi hoka kake na oonkondo dhokugeela mbyoka taya pogola oompango dhokukondjitha uulingilingi.Omuleli okwa popi kutya okakomisi hoka otaka longo okukondjitha iilonga yuulungilingi nepangelo oli na omulandu guli miilonga mokukondjitha uulingilingi mboka.Geingob ina nyanyukilwa omapulo ngoka a ningilwa opo ku tulwe miilonga omakonaakon gokutala ngele aanambelewa yepangelo otaya hupu tuu shiikwatelela kiiyemo yawo, ngaashi oondjambi yokomwedhi. Pethimbo a li a ningilwa oonkundathana noshikundaneki shomoUnited States omvula ya piti, Geingob okwa li a popi kutya omulandu ngoka ogu na ondilo okutula miilonga, na otagu vulu owala okutulwa miilonga kaanawino. Omupresidende okwa popi kutya epangelo olye olya longa mokukondjitha uulingilingi sho lya kaleke egandjo lyotendela yokulongulula Okapale kOodhila kaHosea Kuutako, konima sho sha monika mo kutya omwaalu gwiimaliwa gotendela yiilonga mbyoka ogwa tulwa pombanda noonkondo okuza poobiliyona 3 okuya poobiliyona 7.Otendela ndjoka oya li ya sindanwa po kehangano lyaChina lyokutunga lyedhina, Auhui Foreign Economic Construction Corporation ihe osha fala sigo okompangu yopombanda oshikumungu shoka, naasho epangelo olya kanitha oshipotha shoka mompangu yopombanda olya pataneke etokolo ndyoka lya ningwa, noshikumungu osha falwa kompangu yopombandambanda moshilongo.Natango oshikumungu shimwe elongitho lyiimaliwa oyindji metungo lyoompungulilo dhomahooli mOmbaye.Aanambelewa yatatu yepangelo oshowo oohamushanga yoNational Planning Commission (NPC) nomugandjimayele miikwaveta mombelewa yaHahende ndaji oya pangulila ekuthombinga lyawo, sho ondando yopoloyeka ndjoka ya yi pombanda noonkondo okuza poobiliyona 3.7 mo 2014, okuya poobiliyona 5.5 omvulanya piti.Amushanga gwoshikondo shiiyemo Erica Shafudah okwa hupu mokumona ekunkililo lyahugunina omanga Leevi Hungamo naChris Nghaamwa ya mangululwa kiipotha mbyoka.Hungamo okwiikutha miilonga onga amushanga gwoNPC.Omuprima Saara Kuugongelwa-Amadhila okwa zimine kutya iilonga yaahena uuyuki oya dhimbululwa mopoloyeka ndjoka, naashoka osho sha etitha omakonaakono.Oompungulilo ndhoka odha tungwa kehangano lyoCBR, ndyoka li li uukumwe nongeshefa nehangano lyaVaino Nghipondoka lyoBabyface Civils oshowo ehangano lyoChina Harbour Engineering Company (CHEH). Iiwike ya piti, Hungamo okwa li a popi kutya epangelo lyaNamibia olya kanitha konyala oobiliyona 1, omolwa aantu melelo lyoshilongo mboka inaya hala okupewa omayele kaanambelewa mboka ya pyokoka mokugandja omayele goludhi ndyoka. FESTUS NAKATANA

Geingob a popile Noa

Comments

Namibian Sun 2025-06-26

Please login to leave a comment

Geingob a popile Noa

Comments

Namibian Sun 2025-06-26

Please login to leave a comment

Login