Geingob a nyana aapolisi mboka taya longo iimbuluma
Omuleli gwoshilongo okwa pula oshigwana opo shi lopote aantu mboka taya longo iimbuluma nonando oya kale aakwanezimo yawo.
Omupresidende Hage Geingob okwa ningi eindilo ndyoka, na okwa kondema nomuthindo aanambelewa yopolisi mboka taya longo iimbuluma nokukwathela oongangala dhiiyake mondjedhililo konima dha tulwa miipandeko.
Geingob okwa popi kutya aanambellwa mboka oya pumbwa okukuthwa miilonga, nominista yoshikondo shopolisi oshowo omunambelewa omukuluntu goshikondo shoka oya pewa elombwelo opo ya vudhemo metanga lyopolisi iilyo yetanga ndyoka, mbyoka tayi longo iimbuluma nokulongela kumwe noongangala.
Omuleli gwoshilongo okwa popi ngaaka mEtitano, pethimbo a patulula pambelewa oombelelwa onene dhopolisi yaShikoto mOmuthiya, ndhoka dha tungwa kongushu yoshimaiwa shoomiliyona 280.
Omapopyo gaGeingob okwe ga ningi konima yomwedhi gumwe, sho Johanna Nekwiyu-Amateta, yina yomunamimvo 34 Sackeus 'Kablou' Amateta, a li a popi kutya aanambelewa yopolisi oya kala nokwiila megumbo omona opo a ka longe iimbuluma.
Kablou okwa yahwa okusa kopolisi sha ningilwa momudhingoloko gwaWanahenda moshilandopangelo.
Nekwiyu-Amateta okwa Ii a popi oohapu ndhoka pethimbo lyoshituthidhimbuluko shomona, shoka sha ningwa momasiku 19 gaMei, sho a popi kutya kuuviteko kutya omolwashike opolisi yi na okudhipaga omona, ngele oya kala ookume na oya kala taya longele kumwe.
Kablou okwa fumbikwa pomukunda gwaandjawo pEngoyi popepi nOnyaanya moshitopolwa shaShikoto.
Aanambelewa yopolisi mboka ya kutha ombinga medhipago lye, otaya konaakonwa, nopolisi otayi pula eyambidhidho lyoshigwana opo shi gandje uuyelele kopolisi kombinga yaanambelewa yopolisi mboka ya kala taya longele kumwe nanakusa, sha landula omapopyo gaNekwiyu-Amateta.
Omukomeho gwopolisi Sebastian Ndeitunga okwa kunkilile oongangala unene dhoka tadhi piyaganeke oshigwana mOvenduka nOshakati, kutya otadhi landula omuleli gwadho Kablou, kombila ngele itadhi hulitha po iilonga mbyoka yuungangala.
“Ngele itaya hulitha po iilonga yawo mbyoka, otaya landula omuhona gwawo.”
Omupresidende okwa pula oshigwana shi lopote aalongi yiimbuluma nonando aakwanezimo yawo.
“Otandi indile aakalimo yomoshitopolwa shaShikoto opo kaya holeke oongangala, nonando aamwayina yawo, nenge oyana yawo. Pehala ya shololitheni opo kaya tsikile nokulonga iimbuluma, yo ya kale oshitopolwa shaakwashigwana taya simaneke ooveta dhoshilongo,” Geingob a popi.
Oombelewa ndhoka odha tungwa kehangano lyokutunga lyaChina lyedhina China Jiangxi International Namibia niilonga yetungo oya tamekele momvula yo 2014.
Iilonga oya manithwa muSepetemba gwo 2016.
Nonando ongaaka otaku longululwa omatungo gamwe po, sha landula sho oombelewa ndhoka dha li dha yonagulwa po koshikungulu, nomutungi okwa li iithanwa ishewe opo a ka wapaleke eyonagulo ndyoka lya ningwa koshikungulu.
KENYA KAMBOWE
Geingob okwa popi kutya aanambellwa mboka oya pumbwa okukuthwa miilonga, nominista yoshikondo shopolisi oshowo omunambelewa omukuluntu goshikondo shoka oya pewa elombwelo opo ya vudhemo metanga lyopolisi iilyo yetanga ndyoka, mbyoka tayi longo iimbuluma nokulongela kumwe noongangala.
Omuleli gwoshilongo okwa popi ngaaka mEtitano, pethimbo a patulula pambelewa oombelelwa onene dhopolisi yaShikoto mOmuthiya, ndhoka dha tungwa kongushu yoshimaiwa shoomiliyona 280.
Omapopyo gaGeingob okwe ga ningi konima yomwedhi gumwe, sho Johanna Nekwiyu-Amateta, yina yomunamimvo 34 Sackeus 'Kablou' Amateta, a li a popi kutya aanambelewa yopolisi oya kala nokwiila megumbo omona opo a ka longe iimbuluma.
Kablou okwa yahwa okusa kopolisi sha ningilwa momudhingoloko gwaWanahenda moshilandopangelo.
Nekwiyu-Amateta okwa Ii a popi oohapu ndhoka pethimbo lyoshituthidhimbuluko shomona, shoka sha ningwa momasiku 19 gaMei, sho a popi kutya kuuviteko kutya omolwashike opolisi yi na okudhipaga omona, ngele oya kala ookume na oya kala taya longele kumwe.
Kablou okwa fumbikwa pomukunda gwaandjawo pEngoyi popepi nOnyaanya moshitopolwa shaShikoto.
Aanambelewa yopolisi mboka ya kutha ombinga medhipago lye, otaya konaakonwa, nopolisi otayi pula eyambidhidho lyoshigwana opo shi gandje uuyelele kopolisi kombinga yaanambelewa yopolisi mboka ya kala taya longele kumwe nanakusa, sha landula omapopyo gaNekwiyu-Amateta.
Omukomeho gwopolisi Sebastian Ndeitunga okwa kunkilile oongangala unene dhoka tadhi piyaganeke oshigwana mOvenduka nOshakati, kutya otadhi landula omuleli gwadho Kablou, kombila ngele itadhi hulitha po iilonga mbyoka yuungangala.
“Ngele itaya hulitha po iilonga yawo mbyoka, otaya landula omuhona gwawo.”
Omupresidende okwa pula oshigwana shi lopote aalongi yiimbuluma nonando aakwanezimo yawo.
“Otandi indile aakalimo yomoshitopolwa shaShikoto opo kaya holeke oongangala, nonando aamwayina yawo, nenge oyana yawo. Pehala ya shololitheni opo kaya tsikile nokulonga iimbuluma, yo ya kale oshitopolwa shaakwashigwana taya simaneke ooveta dhoshilongo,” Geingob a popi.
Oombelewa ndhoka odha tungwa kehangano lyokutunga lyaChina lyedhina China Jiangxi International Namibia niilonga yetungo oya tamekele momvula yo 2014.
Iilonga oya manithwa muSepetemba gwo 2016.
Nonando ongaaka otaku longululwa omatungo gamwe po, sha landula sho oombelewa ndhoka dha li dha yonagulwa po koshikungulu, nomutungi okwa li iithanwa ishewe opo a ka wapaleke eyonagulo ndyoka lya ningwa koshikungulu.
KENYA KAMBOWE
Comments
Namibian Sun
No comments have been left on this article