Gecko ta katuka aniwa oonkatu dhopaveta

Gecko Namibia okwa ningi omatilitho kutya otaka katukila oonkatu dhoveta komufala gwomidhingoloko, Teofilus Nghitila oshowo uuministeli womodhingoloko ngele ina pewa omulilo omuzizi opo a pule komeho nomina ye ndjoka, mekango lyomongwa tali ithanwa Otjivalunda monooli yEtosha.Reinhold Iita, omunashipundi gwEvi lyAayehe mOshana oshowo omukomeho gwoGecko's Otjivalunda Salt Mining and Soap Production company, okwa popi kutya oya kanitha iiyemo yoomiliyona 2, mbyoka ya longithwa molopota yoenvironmental impact assessment (EIA) kombinga yemono lyoshimongwa mekango ndyoka.“Otwa tegelela owala opo ya yamukule keindilo lyetu nongele oya ndopa nena otatu yi kompangu.”mo 2013 Gecko okwa kutu ehangano lyoEnviro Dynamics Consultancy opo li ngongepo olopota ndjoka yoEIA ndjoka pahapu dhaIita ya mono kutya olopoyeka ndjoka itayi vulu okweeta omukundu gwa sha momudhingoloko.Kuume kopangeshefa kaGecko, Ondonga-Uukwambi Mining Enterprises (Pty) Ltd, ya tseyika nedhina OUME, tayi lundilwa kutya oya hala okulanditha po ekango ndyoka lyomongwa, nokuminamo oonzo dhoshimongwa ndhoka tadhi adhika mekango ndyoka.Ekango lya Otjivalunda olimwe lyomomahala omashona muuyuni tamu adhika oonzo dhoshimongwa hadhi ithanwa 'trona'.Oshimongwa shoka ohashi longithwa mokunduluka iinima oyindji ngaashi omahalasa, oombaapila, oothewa niinima yilwe oyindji.Aakwashigwana yamwe oya ningi ekwatathano noNamibian Sun taya popi kutya Gecko okuliwe konima komupunguli omuGermany ngoka ke na ohokwe momongwa ihe okwa hala okumina otrona.Oya hwahwaeke kutya uuminiteli nawu tinde emino ndyoka molwaashoka uuna otrona ndjoka ya minwamo nena itapu kala we omongwa mekango ndyoka.Taya pula woo opo ku gamenenwe po uuthiga wopamuthigululwakalo gwaNamibia oshowo oonzo dhopaushitwe.Gumwe okwa popi kutya otrona ohayi kutha uule woomvula 20 okukoka ngele oya minwa pehala lyontumba.Otjivalunda oyi na omakango gomongwa gopaali ngoka ge na uunene woohecta 20 650. Gecko Namibia oku na mo mehangano ndyoka lyOtjivalunda Salt Mining and Soap Production iipambuliko yopresenda 95%, omanga omalelo gopamuthigululwakalo ge na mo 2.5% kehe. Omanga opoloyeka ndjoka yokulonga oothewa Gecko Namibia e na mo iipambuliko yoopresenda 50, omalelo ngoka gopamuthigululwakalo gen a mo 25 kehe limwe.Ekango lyomongwa lyaOtjivalunda otali adhika moIipumbu Ya Tshilongo Conservancy. Omakango ngoka gaali otaga adhika monooli yEtosha National Park.Pauyelele tawu adhika kepandja lyomauyelele lyoGecko, omakango ngoka oge na oshimongwa shoka hashi ithanwa sodium sulphate oshowo sodium carbonate shootona woomiliyona 5.3.Ofabulika yawo yokulonga oothewa otaku pangelwa tayi kala oshinano shookilometa 10 okuza mOshakati oshowo ookilometa 120 okuza momakango ngoka.Nghitila okwa tindi okugandja ezimino komina ndjoka, ta popi kutya otayi yonagulapo oonzo dhopaushitwe. ILENI NANDJATO

Gecko ta katuka aniwa oonkatu dhopaveta

Comments

Namibian Sun 2025-06-19

Please login to leave a comment

Gecko ta katuka aniwa oonkatu dhopaveta

Comments

Namibian Sun 2025-06-19

Please login to leave a comment

Login