Gecko Namibia a tindi omatilitho goonkatu dhopaveta

Ehangano Gecko Namibia olya popi kutya inali ninga omatilitho gokukatukila oonkatu dhopaveta komufala gwomidhongoloko, Teofilus Nghitila, oshowo uuministeli womidhingolongo sho wa tindi okugandja kehangano ndyoka omukanda ngoka tagu pitika ehangano ndyoka li mine oshimongwa mekango lyomongwa lyaOtjivalunda monooli yEtosha.Nonando ongaaka Gecko Namibia oku na omaiyuvo kutya omukanda gwoenvironmental impact assessment (EIA) ngoka ya gandja kuuministeli ogwa pwa na ogwanitha po omilandu adhihe. Momukanda ngoka omukomeho gwehangano lyoGecko Namibia, Pine van Wyk a pitithwa okwa popi kutya ehangano lye inali ninga omatilitho gokukatukila oonkatu dhopaveta, komufala gwomidhingooko nenge uuministeli womidhingoloko, ngaashi sha li sha popiwa omathimbo ga piti kuReinhold Iita. Iita okuli omupopiliko gwoUukwambi Traditional Authority, mboka yeli yamwe yomaaniipambuliko mehangano lyoGecko Otjivalunda Holdings (Pty) Ltd.“Omapopyo kutya Gecko Namibia ota ningile omatilitho gokukatuka oonkatu dhopaveta komufala gwomidhingoloko oshowo uuministeli, kage li mondjila na kage na uukwashili washa. Omaiyuvo ngoka oga Iita yemwene na kage shi goGecko Namibia,” Van Wyk a popi. Van Wyk okwa yelitha kutya Gecko Namibia (Pty) Ltd, okupitila mehangano ndyoka li li oshitopolwa shoGecko Otjivalunda Holdings (Pty) Ltd, oli na mo oopresenda 50 dhiipambuliko mehangano lyOndonga-Uukwambi Mining Enterprises (Pty) Ltd (OUME), ndyoka olyo li na omukandapitiko gwokumina gwoiexclusive prospecting licence (EPL) 4365.Iipambuliko yoopresenda 50 oyehangano lyOUME ndyoka li li ehangano lyomuhanga lyelelo lyaNdonga oshowo lyUukwambi. “Gecko Namibia pamwe nOUME, oya ya mbidhidhwa koEnviro Dynamics, opo yangonge po oEnvironmental Impact Assessment (EIA) mo 2013 yi na sha niilonga yokumina oshimongwa mekango ndyoka. EIA oya gandjwa kuuministeli womidhingoloko momasiku ga 6 gaDesemba mo 2013, na komufala gwomidhongoloko okwa li tindi eindilo ndyoka pambelelwa momasiku 24 gaJuli 2014.”Okwa gwedha po kutya Gecko Namibia okwa pataneke etokolo lyakomufala gwomidhingoloko momasiku ga 7 gaAguste 2014 na oya tegelela natango eyamukulo.Ngoloneya gwaShana Clemens Kashuupulwa naye okwali a pula uuministeli opo wu zimine omukanda gweindilo lyokumina oshimongwa gwehangano ndyoka, ta popi kutya opoloyeka ndjoka otayi ka tota po oompito dhiilonga mokati kaakwashigwana yomoshitopolwa.Kuume kopangeshefa kaGecko, Ondonga-Uukwambi Mining Enterprises (Pty) Ltd, ya tseyika nedhina OUME, tayi lundilwa kutya oya hala okulanditha po ekango ndyoka lyomongwa, nokuminamo oonzo dhoshimongwa ndhoka tadhi adhika mekango ndyoka.Ekango lya Otjivalunda olimwe lyomomahala omashona muuyuni tamu adhika oonzo dhoshimongwa hadhi ithanwa 'trona'. Oshimongwa shoka ohashi longithwa mokunduluka iinima oyindji ngaashi omahalasa, oombaapila, oothewa niinima yilwe oyindji.Aakwashigwana yamwe oya ningi ekwatathano noNamibian Sun taya popi kutya Gecko okuliwe konima komupunguli omuGermany ngoka ke na ohokwe momongwa ihe okwa hala okumina otrona. Oya hwahwaeke kutya uuminiteli nawu tinde emino ndyoka molwaashoka uuna otrona ndjoka ya minwamo nena itamu kala we omongwa mekango ndyoka. Taya pula woo opo ku gamenenwe po uuthiga wopamuthigululwakalo gwaNamibia oshowo oonzo dhopaushitwe.Gumwe okwa popi kutya otrona ohayi kutha uule woomvula 20 okukoka ngele oya minwa pehala lyontumba.Otjivalunda oyi na omakango gomongwa gopaali ngoka ge na uunene woohecta 20 650.Gecko Namibia oku na mo mehangano ndyoka lyOtjivalunda Salt Mining and Soap Production iipambuliko yopresenda 95%, omanga omalelo gopamuthigululwakalo ge na mo 2.5% kehe. Omanga opoloyeka ndjoka yokulonga oothewa Gecko Namibia e na mo iipambuliko yoopresenda 50, omalelo ngoka gopamuthigululwakalo gen a mo 25 kehe limwe.Ekango lyomongwa lyaOtjivalunda otali adhika moIipumbu Ya Tshilongo Conservancy. Omakango ngoka gaali otaga adhika monooli yEtosha National Park. Pauyelele tawu adhika kepandja lyomauyelele lyoGecko, omakango ngoka oge na oshimongwa shoka hashi ithanwa sodium sulphate oshowo sodium carbonate shootona woomiliyona 5.3.Ofabulika yawo yokulonga oothewa otaku pangelwa tayi kala oshinano shookilometa 10 okuza mOshakati oshowo ookilometa 120 okuza momakango ngoka.Nghitila okwa tindi okugandja ezimino komina ndjoka, ta popi kutya otayi yonagulapo oonzo dhopaushitwe.ILENI NANDJATO

Gecko Namibia a tindi omatilitho goonkatu dhopaveta

Comments

Namibian Sun 2025-06-19

Please login to leave a comment

Gecko Namibia a tindi omatilitho goonkatu dhopaveta

Comments

Namibian Sun 2025-06-19

Please login to leave a comment

Login