Gawanas uulikwa onga omugandjimayele kIigwana yaHangana

Omugandjimayele gwowina kombinga yiikumungu yAfrika, kIigwana yaHangana, Bience Gawanas, ngoka opo uulikwa, okwa hala ondjokonona nomahokololo genenevi gepondolo ga hokololwe. UN secretary-general António Guterres oshiwike shika okwa ulike Gawanas nokumupa ompito yiilonga ndjoka yi na oshinakugwanithwa oshinene, na okwa pingenepo Maged Abdelaziz gwaEgypt. Gawanas, ngoka a longa onga komufala gwiipambele yopashigwana moAfrican Union Commission, okwa kala ta longo woo onga omugandjimayele gwowina kominista yekondjitho lyoluhepo, Zephania Kameeta. Okwa popi kutya omahokololo gaakiintu ya Afrika taya longo omapya opo yiipaluthe oshowo omithigululwakalo dhenenevi oyo tayi nana aatalelipo nashoka osha pumbwa okutyapulwa. Okwa popi kutya nonando iilongo ya Afrika otayi yambuka po pandjele ya yooloka, uuyuni nawu tseye shoka sha pondolwa po kenenevi ngele tashi ya komayambulepo. “Sho nda li koAU aluhe onda kala tandi ipula kutya omolwashike enenevi lyetu li shiwike owala kombinga yiita nomikithi. Natutaleni kombinga okwawo pehala lyokumona owala oluhepo niikolokosha.”Okwa popi kutya opwa pumbwa okukala eyooloko pokati kombili nomayambulepo , iita oshowo oluhepo.Gawanas okwa lombwele oNamibian Sun kutya ota faalele uuthiga womapangelo gaAfrika oshowo omitse dhiilongo kIigwana yaHangana.“Ondiinekela aluhe kutya omatompelo sho tu na iiputudhilo ngaashi AU oshowo UN okukwathela aantu. Oluhepo oshinima oshinene sha taalela enenevi lyetu. Ondi wete kutya omaso gaanona naakiintu pethimbo lyepulumutho oshinima shi li pombanda na itashi vulu okwiidhidhimilikwa momudhingoloko gwetu.”Gawanas okwa popi kutya otaka topolwa onkalo yegameno yaNamibia niilongo yilwe yaAfrika, mbyoka kayi na omusindalandu ngoka. Euliko lye olya tambiwako nawa menenevi oshowo muuyuni. Ominista yomakwatathano nelongelokumwe lyopaigwana, Netumbo Nandi-Ndaitwah, okwa hokolola kutya Gawanas oku na ontseyo yokukala nompito ndjoka yiilonga. Omunashipundi gwoAfrican Union Commission, Moussa Faki Mahamat, okwa pandula Gawanas omolwa euliko lye ndyoka, ta popi kutya Afrika otaka longelwa nawa.“Otandi gandja omahaleloyambeko kumumwamemekadhona Bience Gawanas sho uulikwa nokupewa ompito ndjoka yiilonga ya simana noonkondo. Ondi na einekelo kutya otaka longa neitulemo omolwa onteyo ye ndjoka e na nale onga komufala nale gwiipambele yopankalathano nomukalelipo guuyuuki wopankalathano moshilongo she Namibia.”JEMIMA BEUKES

Gawanas uulikwa onga omugandjimayele kIigwana yaHangana

Comments

Namibian Sun 2025-07-02

Please login to leave a comment

Gawanas uulikwa onga omugandjimayele kIigwana yaHangana

Comments

Namibian Sun 2025-07-02

Please login to leave a comment

Login