Gandjeni evi kaakwashigwana - Swanu

Swanu okwa gandja omagwedhelepo opo epangelo lyaNamibia li gandje uumwene wevi lyaayehe kaakwashigwana mboka yeli pomavi shi li paveta.Ongundu oya gandja omagwedhelepo ngoka kokomisi yomapulaapulo kombinga yuuthiga wevi, ndjoka tayi ningi iigongi yoshigwana moshitopolwa sha/Khomas.Ongundu ndjoka oya popi kutya omagwedhelepo gawo otaga endele pamwe nontopolwa onti 10 yEkotampango lyaNamibia ndjoka tayi gandja egameno kuumwene wevi lyopaumwene nolyaakwashigwana.Ongundu oya pula natango ku tulwe miilonga ompango moPaliamende ndjoka tayi ka longithwa mokukwatela komeho omukalo gwepulo lyevi lyuuthiga.Omagwedhelepo gwongundu yoSwanu ngoka ga shainwa komupresidende gwongundu ndjoka, Tangeni Iijambo, oga pula epangelo lyaNamibia ndyoka lya kutha ko elelo okuza kepangelo lyuukoloni lyaSouth Africa opo li ye moonkundathana dhomeendelelo nIigwana yaHangana kombinga yiifuta yomutumba gwa nuninwa egandjo neungaungo lyoshikumungu shoka shevi lyuuthiga.Oya gandja woo omayele getotepo lyokomisi yomuhanga kombinga yiiyemo meungaungo nevi lyuuthiga tayi kwatelwa komeho kuNamibia, Germany oshowo South Africa, nepulo lyuuthemba wevi lyuuthiga nali ningwe kwaamboka ya kuthwa omavi gawo pokati komvula yo 1884 sigo 1990. Ongundu oya pula woo omulandu gwedhiminathanopo gwopashigwana, ngoka ya popi kutya ogwa ningwa owala kuSwapo miikundaneki muMei gwo 1989.Iilyo yElelo lyoAfrikaner Traditional Authority, tayi kwatelwa komeho kuChief Edward Afrikaner, oya popi kutya kala taya lumbu pevi yeli hiila okuza koBondelswarts okuza omvula yo1978. Elelo olya popi kutya kali na evi lyawo oyene noonkambadhala okuya moonkundathana nepangelo lyaNamibia inadhi pondola sha.Elelo otali pula opo oohecta dhevi dhi li po 400 000 moshitopolwa sha /Khomas Region dhi pewe elelo ndyoka. Elelo olya popi natango kutya Erindi otali adhika mevi lyawo lyuuthiga. Erindi olya thikama po moofaalama dhi li heyali na olya kala momake gwehangano lyoBrigadoon (Pty) Ltd, nangashiingeyi otali landithwa po. Mboka oya popi kutya ngashiingeyi kaye na evi ndyoka taya vulu okupopya kutya olyawo molwaashoka evi lyawo olya ningwa po evi lyopaumwene, na olya gamenwa kEkotampango lyoshilongo, lya nuninwa oohandimwe aakengeli.Mboka natango oya pula oshihongwathano shomutotipo gwoVenduka, Jonker Afrikaner, shi tulwe pehala tali ka hogololwa kelelo, na oya hala iipongolo yaJonker mboka ya fumbikwa aniwa moJonkersgrab, pondje yaVenduka.Oya hala woo oondjila nomapandanda ngoka ga lukilwa Jan Jonker ga lukuluwe nokuningwa Jan Jonker Afrikaner. CATHERINE SASMAN

Gandjeni evi kaakwashigwana - Swanu

Comments

Namibian Sun 2025-09-16

Please login to leave a comment

Gandjeni evi kaakwashigwana - Swanu

Comments

Namibian Sun 2025-09-16

Please login to leave a comment

Login