Ewanda lyokupulumuthila mOnandjokwe li li monkalo yanayipala

Konima sho epangelo lya kuthako oshipangelo shaNandjokwe momvula yo 2015, olya kuthako woo iilonga yetungo lyewalanda lyokupulumuthila moshipangelo moka omolwa ompumbwe yi li pombanda, ihe opoloyeka yetungo lyewalanda ndyoka inayi pwa natango, nonando aapangwa oya taalea onkalo odhigu omolwa etungo ekulu lya kulupa oshowo ewalanda ndyoka ekulu eshona.Sha landula okavideo hoka ka holola onkalo moka mu na ewalanda ndyoka, uuministeli wuundjolowele owa yamukula meendelelo nokugandja omauvaneko kutya otawu manitha meendelelo etungo lyewalanda ndyoka tali tungwa uule woomvula ntano monena.Minista Kalumbi Shangula, ngoka a li kefumbiko monooli yoshilongo okwa ningi omalunduko molweendo lwe noku ka wayimina omunambelewa omukomeho guuministeli, Ben Nangombe mokutala konkalo yoshipangelo shoka shuudha noonkondo oshowo uumbishi tawu adhika moshipangelo shoka.Okavideo hoka otaku fekelwa ka kwatwa komuniilonga moshipangelo shoka.Uuministeli wa popi kutya oya ningwa ekwatathano noCentral Procurement Board opo ku talike kokondalaka yehangano ndyoka li na oshinakugwanithwa shokutunga ewalanda ndyoka muSepetemba gwomvula yo 2019 na owa tegelela natango eyamukulo.Epangelo olya kutha ko oshinakugwanithwa shoshipangelo okuza kongeleka yoEvangelical Lutheran Church in Namibia (Elcin) momvula yo 2015 nehangano lyoAmupolo Building Construction olya pewa otendela yokutunga ewalanda lyokupulumuthila moshipangelo shoka yongushu yoomiliyona 59, netungo olya li lya tegelelwa li manithwe momwedhi Aguste momvula yo 2016.Etungo ndyoka inali manithwa omolwa okwaahauvathana pokati komutungi oshowo omwiindjinia omolwa iilonga yofulula, ndjoka ya longwa kaayina iitenda.Pethimbo lyomutumba gwiikundaneki ngoka gwa ningwa, Nangombe okwa popi kutya ekateko metungo lyewalanda ndyoka otali limbilike.“Aakiintu yetu oya taalela onkalo ondhigu. Ope na ompumbwe yoombete oshowo omatalashe naapangwa oyeli owala momikala omolwa ompumbwe yehala,” Nangombe a popi.Okwa popi kutya ekateko ndyoka itali tindile owala aantu uundjolowele wongushu ihe otali gandja woo onkalo ondhigu kaaniilonga.Ngoka ta longo pehala lyomukomeho gwoshipangelo shoka, Dr Siraji Saad Rwehumbiza okwa popi kutya oshipangelo shoka ohashi lopota omapulumuthilo ga thika po 8 000 komvula nonando ewalanda ndyoka oli na owala oombete 70, omanga tali vulu owala nokukala naapangwa ya thika pe 110.Ewalanda ndyoka ohali yakula aapangwa konyala okuza monooli ayihe yaNamibia.Opoloyeka ompe ndjoka tayi tungwa, ewalanda otali ka kala noombete 150.Nangombe okwa popi kutya opoloyeka ndjoka oya katekwa omolwa uutekinika niiyemo, nomutungi okwa futwa owala oomiliyona 22. Mwene gwehangano lyoAmupolo Building Construction, Erasmus Amupolo okwa li a popi kutya oya li yiipyakidhila nale nokutula ko oombuli sho aanambelewa yomakonaakono gomatungo okuza kuuministeli ye ya pula ya kankameke iilonga molwaashoka inaya nyanyukilwa iilonga yofulula yetungo ndyoka.“Otwa longo iilonga ayihe shiikolelela kompangela yetungo ndjoka twa pewa komwiindjinia. Pampangela ndjoka twa pewa inatu pulwa tu tulemo iitenda mofulula yetungo. Konima sho twa mana otwa ithana aanambelewa yomakonaakono gomatungo na oya holola kutya inaya nyanyukilwa iilonga na oya pula tu kaleke iilonga.”“Katu na shoka twa ningi sha puka molwaashoka iilonga ayihe olya longwa twiikwatelela kompangela yetungo ndjoka twa pewa. Otwa tegelela ngashiingeyi elombwelo okuza kuuministeli wiilonga. Shoka shi li po okutya iilonga oya pumbwa okulongululwa naashoka otashi tu pe iilonga ya gwedhwa po na katu shi kutya olye teke yi futila.”ILENI NANDJATO

Ewanda lyokupulumuthila mOnandjokwe li li monkalo yanayipala

Comments

Namibian Sun 2026-06-03

Please login to leave a comment

Ewanda lyokupulumuthila mOnandjokwe li li monkalo yanayipala

Comments

Namibian Sun 2026-06-03

Please login to leave a comment

Subscription Required to Access Content ×

Login

Subscription Required to Access Content