Evi lyomagumbo onkene li na ondilo
E yo pombanda lyompumbwe yomagumbo moshilongo oshowo ewapaleko lyevi otali tsikile nokutula pombanda oondando dhevi moshilongo.
ELLANIE SMIT
OVENDUKA
Otashi pula oshimaliwa shooN$522 320 okutunga egumbo lyoondunda ndatu dhokulala mOvenduka okuyeleka nonando yooN$332 040 moKeetmanshoop.
Evi lyuunene woosquare metre 375 mOvenduka momudhingoloko gwaKhomasdaal, olya talikako onga evi li li momudhingoloko gwaantu mboka ye na iiyemo yopokati, na oli na ondando yi vule niikando 11 evi lyomoKeetmanshoop ndyoka lya talikako kutya olyaantu mboka ye na iiyemo yopokati. Uuyelele mboka owa hololwa molopota yoFirst Capital, ndjoka ya kondolola onkalo yomagumbo moNamibia. Olopota ndjoka oya yelekanitha oondando dhetungo lyomagumbo moondoolopa ngaashi Ovenduka, Keetmanshoop, Swakopmund, Ondangwa, Rundu oshowo Katima Mulilo.
Olopota oya holola kutya iifuta yetungo lyegumbo lyoondunda ndatu dhokulala oyi li pooN$390 200 moSwakopmund, omanga yi li pooN$332 040 moondoolopa ngaashi Rundu, Ondangwa oshowo Katima Mulilo.
Iitungithi okwa dhidhilikwa kutya oyimwe yomwaambyoka tayi tulitha pombanda ondando yomagumbo, sho kwa hololwa ya kalela po oopresenda 63 dhoondando moondoolopa ngaashi Keetmanshoop, Rundu, Katima Mulilo oshowo Ondangwa.
Konyala iitungithi yapumbiwa mokutunga egumbo lyoondunda ndatu moondoolopa ngaashi Katima Mulilo, Ondangwa oshowo Rundu oyongushu yooN$213 992, pe na eyooloko lyooN$1 363, moKeetmanshoop, Ovenduka oshowo Swakopmund. Kwiikwatelelwa kolopota ondando yiitungithi moKeetmanshoop oyi li pevi noshimaliwa shooN$1 753 moKatima Mulilo.
Ondando yewapaleko lyevi lyoosquare metres 375 moKeetmanshoop, oli na ombiliha, kwa hololwa oyili pooN$18 700, ya landulwa koRundu kondando yooN$27 900.
Ondando yevi lyuunene mboka otayi pula oshimaliwa shooN$208 700 momahala ngaashi Khomasdaal mOvenduka, tayi landulwa koSwakopmunda moka tali adhika kondando yooN$76 300.
Olopota oya holola kutya ondando yevi ya kala nokushuna pevi muule woomvula ntano ihe nonando ongaaka oyi li pombanda unene moshilandopangelo oshowo koondoolopa dhokomunkulofuta. Olopota oya tsikile kutya omwaalu gwiimaliwa yepangelo gwanuninwa ewapaleko lyevi lyomagumbo gaamboka haya mono iiyemo yili pevi, ogwa shunithwa pevu okuza poobiliyona 1.3 mo 2018/19 okuya poomiliyona 418 momumvo gwoshimaliwa nguka tuli.
Okuza moshimaliwa shoka sha gandjwa, omwaalu gwoomiliyona 24 ogwa nuninwa ewapaleko lyevi mOvenduka, Ombaye noSwakopmund.
“Ovenduka otayi pewa oomiliyona 10, Ombaye noSwakopmund otayi pewa oomiliyona 7. Okutala kompumbwe yomagumbo moondoolopa dhoka, omwaalu ngoka oguli pevi noonkondo nokukandulapo ompumbwe ndjoka,” olopota ya holola. Olopota oya tsikile kutya epangelo olya tula miilonga opoloyeka yoomvula mbali ndjoka taku tengenekwa tayi ka pula oshimaliwa shoomiliyona 139, opo ku tungwe omagumbo ga thika pe 1 200 gaamboka haya mono iiyemo yili pevi.
OVENDUKA
Otashi pula oshimaliwa shooN$522 320 okutunga egumbo lyoondunda ndatu dhokulala mOvenduka okuyeleka nonando yooN$332 040 moKeetmanshoop.
Evi lyuunene woosquare metre 375 mOvenduka momudhingoloko gwaKhomasdaal, olya talikako onga evi li li momudhingoloko gwaantu mboka ye na iiyemo yopokati, na oli na ondando yi vule niikando 11 evi lyomoKeetmanshoop ndyoka lya talikako kutya olyaantu mboka ye na iiyemo yopokati. Uuyelele mboka owa hololwa molopota yoFirst Capital, ndjoka ya kondolola onkalo yomagumbo moNamibia. Olopota ndjoka oya yelekanitha oondando dhetungo lyomagumbo moondoolopa ngaashi Ovenduka, Keetmanshoop, Swakopmund, Ondangwa, Rundu oshowo Katima Mulilo.
Olopota oya holola kutya iifuta yetungo lyegumbo lyoondunda ndatu dhokulala oyi li pooN$390 200 moSwakopmund, omanga yi li pooN$332 040 moondoolopa ngaashi Rundu, Ondangwa oshowo Katima Mulilo.
Iitungithi okwa dhidhilikwa kutya oyimwe yomwaambyoka tayi tulitha pombanda ondando yomagumbo, sho kwa hololwa ya kalela po oopresenda 63 dhoondando moondoolopa ngaashi Keetmanshoop, Rundu, Katima Mulilo oshowo Ondangwa.
Konyala iitungithi yapumbiwa mokutunga egumbo lyoondunda ndatu moondoolopa ngaashi Katima Mulilo, Ondangwa oshowo Rundu oyongushu yooN$213 992, pe na eyooloko lyooN$1 363, moKeetmanshoop, Ovenduka oshowo Swakopmund. Kwiikwatelelwa kolopota ondando yiitungithi moKeetmanshoop oyi li pevi noshimaliwa shooN$1 753 moKatima Mulilo.
Ondando yewapaleko lyevi lyoosquare metres 375 moKeetmanshoop, oli na ombiliha, kwa hololwa oyili pooN$18 700, ya landulwa koRundu kondando yooN$27 900.
Ondando yevi lyuunene mboka otayi pula oshimaliwa shooN$208 700 momahala ngaashi Khomasdaal mOvenduka, tayi landulwa koSwakopmunda moka tali adhika kondando yooN$76 300.
Olopota oya holola kutya ondando yevi ya kala nokushuna pevi muule woomvula ntano ihe nonando ongaaka oyi li pombanda unene moshilandopangelo oshowo koondoolopa dhokomunkulofuta. Olopota oya tsikile kutya omwaalu gwiimaliwa yepangelo gwanuninwa ewapaleko lyevi lyomagumbo gaamboka haya mono iiyemo yili pevi, ogwa shunithwa pevu okuza poobiliyona 1.3 mo 2018/19 okuya poomiliyona 418 momumvo gwoshimaliwa nguka tuli.
Okuza moshimaliwa shoka sha gandjwa, omwaalu gwoomiliyona 24 ogwa nuninwa ewapaleko lyevi mOvenduka, Ombaye noSwakopmund.
“Ovenduka otayi pewa oomiliyona 10, Ombaye noSwakopmund otayi pewa oomiliyona 7. Okutala kompumbwe yomagumbo moondoolopa dhoka, omwaalu ngoka oguli pevi noonkondo nokukandulapo ompumbwe ndjoka,” olopota ya holola. Olopota oya tsikile kutya epangelo olya tula miilonga opoloyeka yoomvula mbali ndjoka taku tengenekwa tayi ka pula oshimaliwa shoomiliyona 139, opo ku tungwe omagumbo ga thika pe 1 200 gaamboka haya mono iiyemo yili pevi.
Comments
Namibian Sun
No comments have been left on this article