Etokolo lyaShifeta kali li pauyuuki-Elelo lyUukwambi

Omupopiliko gwelelo lyUukwambi, Reinhold Iita okwa popi kutya Shifeta ina ninga etokolo li li pauyuuki na kali li muuwanawa waakwashigwana yoshilongo shUukwambi, ihe omuuwanawa waantu yamwe oohandimwe.Metitano Shifeta okwa gandja elombwelo lyokukutha oonkondo uunzapo mboka, omolwa omanyenyeto ga ningwa kaakwashigwana kutya inaku ningwa oonkundathana dha sha naakwashigwana yomomikunda moka tamu minwa evi. Shifeta ngoka a li ta kwatele komeho oshikumungu shoka melelo lyUukwambi, mompangu yopamuthigululwakalo pEmbandu popepi nOshakati okwa pulakene tango oshikumungu shoka momasiku 22 ga Februali omanga ina gandja etokolo lye mEtitano, kwiikwatelelwa kutya aakwashigwana inaya ningwa nayo oonkundathana omanga uunzapo mboka inawu gandjwa kelelo lyUukwambi. “Otatu tula miilonga etokolo ndyoka lya ningwa ihe otuuvike kutya Shifeta okwa gama ombinga. Otwa gandja omusholondondo gwomauwananawa ngoka aakwashigwana taya mono okuzilila memino lyevi ndyoka ihe okwa tothwamo owala yimwe po yomuyo sho a ningi etokolo lye. Pohamba ina hala okumona kutya aakwashigwana mboka oyo ya hala okumina evi na inaya hala tali minwa kelelo lyoshilongo,” Iita a popi.“Otwa kala tatu ithana Shifeta opo e ye kutse tu kundathane kombinga yomalambo ngoka ihe ineya ku tse. Ngashiingeyi sho aakwashigwana ya ningi eindilo okwa yamukula ta endelele. Otu wete kutya okwa gama kumwe noshigwana ihe ina gama kumwe nelelo lyoshilongo lyopamuthigululwakalo.” Iita okwa popi kutya oya shangela nale oombaapiloa oongeshefa ndhoka ya li ya pitika opo dhi mine evi okuza pomahala ngoka, nelelo lyUukwambi otali ka ninga omutumba nokukundathana kutya otaya pula komeho ngiini molwaashoka oongeshefa ndhoka inadhi nyanyukwa. Elelo lyUukwambi olya pewa uunzapo tawu pitika emino lyevi okuza pomalambo ngoka ge li po nale pIiheke yaNakele oshowo Onanime, ihe oshigwana kasha li sha nyanyukwa, tashi popi kutya uunzapo mboka owa gandjwa omanga inaku ningwa omutumba naaakwashigwana.Shoka osha etitha aakwashigwana mboka ya ninge eindilo kuShifeta, taya pataneke egandjo lyuunzapo mboka.Elelo lyUukwambi olya kalelwa po koshilyo shelelo ndyoka, Reinhold Iita.OnanimeAakwashigwana yomOnanime mboka ya gumwa kemino ndyoka oya yelitha nokuninga eindilo lyawo yiikwatelelwa kOmpango yEkwato nawa lyOmidhingoloko oEnvironmental Management Act (EMA), Act No.7 of 2007 oshowo omilandu dhawo, ontopolwa onti 25 (2)(b). Aakwashigwana oya popi kutya elelo lyUukwambi olya ndopa okuninga oonkundathana nayo na olya ningi eindio lyuunzapo mboka, mboka wa gandjwa kuKomufala gwOmidhingoloko momasiku 11 gaDesemba omvula ya piti.Aakwashigwana okupitila momukalelipo gwawo, Susan Herman, oya indile Shifeta opo a kuthe oonkondo uunzapo mboka.Sho a ningi etokolo lye mEtitano, Shifeta okwa popi kutya aakwashigwana yomOnamime oya yelitha oshipotha shawo shoka sha ningwa pethimbo, na inaku ningwa omutumba nayo omanga inaku ningwa eindilo lyuunzapo mboka. Shifeta okwa popi kutya elelo lyUukwambi olya pumbwa okulandula omilandu pwaahena omaipopilo gasha.Okwa popi kutya pethimbo lyomutumba gwaayehe gwa ningwa momasiku 22 gaFebruali nuumvo, Iita okwa popi kutya aakwashigwana mboka yomOnanime oya ningwa nayo oonkundathana momasiku 15 oshowo 18 gaDesemba na ita ipataneke idhewe sho a popi kutya omitumba ndhoka odha kalekwa.Iheke yaNakeleAakwashigwana ya gumwa kemino lyevi mIiheke ya Nakele okupitila momukalelipo gwawo, Lucas Nantanga, oya ningi eindilo kuShifeta ye li ompinge netokolo lyaningwa kuKomufala gwOmidhingoloko sho a gandja uunzapo tawu pitika emino lyevi kelelo lyUukwambi.Aakwashigwana mboka oya popi kutya ope na ompumbwe yoonkundathana dha manguluka pokati kayo nelelo opo nayo ya vule okumona uuwanawa okuza memino ndyoka.ILENI NANDJATO

Etokolo lyaShifeta kali li pauyuuki-Elelo lyUukwambi

Comments

Namibian Sun 2025-12-25

Please login to leave a comment

Etokolo lyaShifeta kali li pauyuuki-Elelo lyUukwambi

Comments

Namibian Sun 2025-12-25

Please login to leave a comment

Subscription Required to Access Content ×

Login

Subscription Required to Access Content