Etidho lyaaleli moNdonga kwa tegelelwa li pulakenwe mompangu
Ompangu yaShakati natango okwa tegelelwa yi tulepo esiku moka oshikumungu shaaleli yaNdonga ya tidhwa komukwaniilwa gwoshilongo shoka kwa tegelelwa shi ka pulakenwe.
Okutameka Omaandaha goshiwike shika, ongundu ndjoka ya kuthwa miilonga kOmukwaniilwa Immanuel Kauluma Elifas, otayi longele poombelewa tadhi adhika mOniipa, dhi li pooha noombelewa moka tamu longele mboka ye ya pingenepo, taa longele okuzilila moombelewa dhelelo lyaNdonga mOniipa mOndangwa.
Mboka oya Ii ya kongo ekwatho kompangu yopombanda, taya pataneke etidho lyawo miilonga muJuli gwomvula ya piti, na oyo omunashipundi nale Peter Kauluma, omupopiliko gwelelo lyaNdonga Joseph Asino, elenga nale lyoshikandjo shaNdangwa, John Walenga, ngoloneya nale gwoshitopolwa shaShikoto, Vilho Kamanya, Kashona kaMalulu, Tonata Ngulu oshowo Fillemon Nambili. Momaandaha omupanguli, Maphios Cheda, okwa pulakene oshipotha shoka na okwe shi undulile komasiku 14 gaMei nuumvo.
Hahende Elize Angula gwoAngula Incorporated, ota kalelepo aaleli mboka ya tidhwa, omanga Melvin Nyambe gwoShikongo Law Chambers ta kalelepo omukwaniilwa na oya holoka komeho yOmupanguli Cheda.
Angula okwa lombwele Namibian Sun kutya, konima opo otaku ka ningwa omutumba ko kutokolwe esiku moka oshipotha shoka tashi pulakenwa.
Okwa lopotwa kutya ookansela mboka ya tidhwa oya thigwa kaye na we shoka taya vulu okuninga, kakele kokuya kompangu sho oonkambdhala adhihe ya ningi opo ya kundathane nomukwaniilwa dha ndopa.
Oomananathano gomOndonga oga tameke sho ookansela mboka ya pataneke ekutho koshipundi lyamwene gwoshikandjo Uukwanambwa, Wilbard Lidker, ngoka a pingenwa poEster Gwashamba Nepando muFebruali gwomvula ya piti.
Mboka natango oya pula uukwahsili woshihako sheshaino sha longithwa kelelo lyoshilongo momukanda ngoka gwa tseyitha ekutho lyawo miilonga, nokutula miilonga ookansela aape.
ILENI NANDJATO
Mboka oya Ii ya kongo ekwatho kompangu yopombanda, taya pataneke etidho lyawo miilonga muJuli gwomvula ya piti, na oyo omunashipundi nale Peter Kauluma, omupopiliko gwelelo lyaNdonga Joseph Asino, elenga nale lyoshikandjo shaNdangwa, John Walenga, ngoloneya nale gwoshitopolwa shaShikoto, Vilho Kamanya, Kashona kaMalulu, Tonata Ngulu oshowo Fillemon Nambili. Momaandaha omupanguli, Maphios Cheda, okwa pulakene oshipotha shoka na okwe shi undulile komasiku 14 gaMei nuumvo.
Hahende Elize Angula gwoAngula Incorporated, ota kalelepo aaleli mboka ya tidhwa, omanga Melvin Nyambe gwoShikongo Law Chambers ta kalelepo omukwaniilwa na oya holoka komeho yOmupanguli Cheda.
Angula okwa lombwele Namibian Sun kutya, konima opo otaku ka ningwa omutumba ko kutokolwe esiku moka oshipotha shoka tashi pulakenwa.
Okwa lopotwa kutya ookansela mboka ya tidhwa oya thigwa kaye na we shoka taya vulu okuninga, kakele kokuya kompangu sho oonkambdhala adhihe ya ningi opo ya kundathane nomukwaniilwa dha ndopa.
Oomananathano gomOndonga oga tameke sho ookansela mboka ya pataneke ekutho koshipundi lyamwene gwoshikandjo Uukwanambwa, Wilbard Lidker, ngoka a pingenwa poEster Gwashamba Nepando muFebruali gwomvula ya piti.
Mboka natango oya pula uukwahsili woshihako sheshaino sha longithwa kelelo lyoshilongo momukanda ngoka gwa tseyitha ekutho lyawo miilonga, nokutula miilonga ookansela aape.
ILENI NANDJATO
Comments
Namibian Sun
No comments have been left on this article