Etheni Swapo
Omakonaakono gemonitho lyiihuna uuthemba womuntu ngoka taku pangelwa opo ga ningilwe ongundu yoSwao, omolwa iimbuluma a longo aniwa pokati ko-1966 no-1986 okwa hololwa kutya otaga tula moshiponga ombii.
Yamwe po yomaanyasha mongundu yoSwapo, oya pula Omupresidende Hage Geingob opo iidhope mo momakonaakono ngoka taga ningilwa aaleli yongundu, koongundu dhopaali dhoka dha zimine okukwatela komeho omakonaakono ngoka giimbuuma ya longwa kuSwapo pethimbo lyekondjelo manguluko.
Hofni Iipinge, Sam Shipiki, Emmanuel Aron naPendapala Nakathingo oya shaina omukanda ngoka gwa pewa ombelewa yaNgoloneya gwaShana mEtitano, sha landula onkundana ndjoka ya pitithwa koshikundaneki shika momasiku 13 nomasiku 19 gaDesemba moka ookomitiye dhopaali yoCommittee of Parents noTruth and Justice Committee, ya pula ku ningwe omakonaakono omolwa iimbuluma mbyoka ya longwa kuSwapo pokati ko-1966 no-1989.
Kwiikwatelelwa kaanyasha mboka yane, mboka ya ningi omutumba niikundaneki mEtitano pombelelwa yelelo lyoshitopolwa shaShana mOshakati, itaya popile eningo lyomakonaakono ngoka molwaashoka dhoka oompangela tadhi ningilwa aaleli yongundu oshowoo okuya pondje omulandu gwedhiminathanopo.
“Sho twa mono emanguluko lyetu, oshinima shotango shoka twa popi edhiminathanepo nokupula komeho onga oshigwana, ihe ngashiingeyi sho tatu popi, oshilongo shetu osha topolwa moongundu mbali omolwa oohapu dhomathimbo ga piti dhoka tadhi popiwa.”
Oya popi kutya omakonaakono ngoka kage na omungo molwaashoka pethimbo ndyoka ka pwa li epangelo lyaNamibia a manguluka.
Oya popi kutya Namibia ota lelwa kEkotampango ,ndyoka montopolwa 25 lya popya kutya kehe ngoka uuvithwa nayi ketokolo kehe na ye kompangu oko a kamone ekwatho ihe shoka inashi ningwa.
Oongundu dhoka mbali odha li dha popi kutya eningo lyomakonaakono olya pumbiwa molwaaashoka, Swapo sigo onena okwa tindi okugandja omatompelo omolwa omadhipago ngoka nekano lyaakwashigwana petimbo lyekondjelomanguluko.
Okomitiye ndjoka oya hala ookomufala mboka ya ninge omakonaaono momadhipago nekwatepo lyoonkwatwa dhaazaizai AaNamibia, omamonitho giihuna oshowo iimbuluma ayihe mbyoka tayi pelwa ombedhi elelo lyaSwapo taku popiwa kutya oya longwa kewawa lyaanyasha yongundu ndjoka mo-1976 oshowo kiilyo yoPLAN. Okomitiye tayi ithanwa Committee of Parents and the Truth and Justice Committee oya tseyitha omadhina gaamboka ya tokola okuninga omakonaakono giimbuluma mbyoka ya longwa kuSwapo, pethimbo lyekondjelomanguluko.
Iimbuluma mbyoka oya longwa pokati ko-1966 sigo 1989, niilyo yokomitiye ndjoka oya tumbulwa kutya oDr John Nakuta, Leah Shaanika, Hendrik Christian, Monika von Wietersheim naPaul Thomas.
Paul Threwela a za koUnited Kingdom, na okwa li nale onkwatwa ya Robben Island noshilyo shoUmkhonto we Size, oshitopolwa sho African National Congress (ANC) pethimbo lyekondjelomanguluko okwa zimine opo a kwathele momakonaakono ngoka pandondo yopashigwana.
Omadhina ngoka otaga kapewa Hahende-Ndjai gwepagelo, Sackey Shanghala, ngoka a pewa oshinakugwanithwa shokulonga nokomitiye ndjoka, pehala lyepangelo lyaNamibia.
Omadhina gookomufala mboka otaga ka pewa oCAT, oongeleka dhopashigwana oshowo omalutu agehe taga kutha ombinga momakonaakono ngoka.
KENYA KAMBOWE
Hofni Iipinge, Sam Shipiki, Emmanuel Aron naPendapala Nakathingo oya shaina omukanda ngoka gwa pewa ombelewa yaNgoloneya gwaShana mEtitano, sha landula onkundana ndjoka ya pitithwa koshikundaneki shika momasiku 13 nomasiku 19 gaDesemba moka ookomitiye dhopaali yoCommittee of Parents noTruth and Justice Committee, ya pula ku ningwe omakonaakono omolwa iimbuluma mbyoka ya longwa kuSwapo pokati ko-1966 no-1989.
Kwiikwatelelwa kaanyasha mboka yane, mboka ya ningi omutumba niikundaneki mEtitano pombelelwa yelelo lyoshitopolwa shaShana mOshakati, itaya popile eningo lyomakonaakono ngoka molwaashoka dhoka oompangela tadhi ningilwa aaleli yongundu oshowoo okuya pondje omulandu gwedhiminathanopo.
“Sho twa mono emanguluko lyetu, oshinima shotango shoka twa popi edhiminathanepo nokupula komeho onga oshigwana, ihe ngashiingeyi sho tatu popi, oshilongo shetu osha topolwa moongundu mbali omolwa oohapu dhomathimbo ga piti dhoka tadhi popiwa.”
Oya popi kutya omakonaakono ngoka kage na omungo molwaashoka pethimbo ndyoka ka pwa li epangelo lyaNamibia a manguluka.
Oya popi kutya Namibia ota lelwa kEkotampango ,ndyoka montopolwa 25 lya popya kutya kehe ngoka uuvithwa nayi ketokolo kehe na ye kompangu oko a kamone ekwatho ihe shoka inashi ningwa.
Oongundu dhoka mbali odha li dha popi kutya eningo lyomakonaakono olya pumbiwa molwaaashoka, Swapo sigo onena okwa tindi okugandja omatompelo omolwa omadhipago ngoka nekano lyaakwashigwana petimbo lyekondjelomanguluko.
Okomitiye ndjoka oya hala ookomufala mboka ya ninge omakonaaono momadhipago nekwatepo lyoonkwatwa dhaazaizai AaNamibia, omamonitho giihuna oshowo iimbuluma ayihe mbyoka tayi pelwa ombedhi elelo lyaSwapo taku popiwa kutya oya longwa kewawa lyaanyasha yongundu ndjoka mo-1976 oshowo kiilyo yoPLAN. Okomitiye tayi ithanwa Committee of Parents and the Truth and Justice Committee oya tseyitha omadhina gaamboka ya tokola okuninga omakonaakono giimbuluma mbyoka ya longwa kuSwapo, pethimbo lyekondjelomanguluko.
Iimbuluma mbyoka oya longwa pokati ko-1966 sigo 1989, niilyo yokomitiye ndjoka oya tumbulwa kutya oDr John Nakuta, Leah Shaanika, Hendrik Christian, Monika von Wietersheim naPaul Thomas.
Paul Threwela a za koUnited Kingdom, na okwa li nale onkwatwa ya Robben Island noshilyo shoUmkhonto we Size, oshitopolwa sho African National Congress (ANC) pethimbo lyekondjelomanguluko okwa zimine opo a kwathele momakonaakono ngoka pandondo yopashigwana.
Omadhina ngoka otaga kapewa Hahende-Ndjai gwepagelo, Sackey Shanghala, ngoka a pewa oshinakugwanithwa shokulonga nokomitiye ndjoka, pehala lyepangelo lyaNamibia.
Omadhina gookomufala mboka otaga ka pewa oCAT, oongeleka dhopashigwana oshowo omalutu agehe taga kutha ombinga momakonaakono ngoka.
KENYA KAMBOWE
Comments
Namibian Sun
No comments have been left on this article