Esiku lyotango lya Apilili olya simana moSwapo
OMUTOOLINKUNDANA
GWOMENI
OVENDUKA
Minista nale Charles Namoloh okwa popi kutya ethimbo olya thikana opo ku simanekwe ondjokonona yesiku lyotango lyaApilili mekondjelomanguluko lyoshilongo.
Sho a ningwa naye oonkundatha koNamibian Sun, Namoloh okwa popi kutya mesiku ndyoka momvula yo 1983, Komanda gwoPLAN, Peter Nanyemba okwa hulithile moshiponga shohauto moLubango moAngola, moshitopolwa shaHuila, sho ohauto ye yiipumu mumwe notenga yomahooli gopetrol. Iipongolo ye oya kuthwako koAngola konima yoomvula 31, sho a hulitha na oya fumbikwa mOmawendo gOmapendafule mOvenduka. Nanyemba okuli gumwe gwomaakwiita dhingi mekondjelomanguluko lyaNamibia. Namoloh ngoka a li ominista yoshikondo shOpolisi okwa popi kutya Nanyemba okwa li ofule mekondjelomanguluko nuupenda we owo wa kwathele mekondjelomanguluko, okuza kuukoloni waSouth Africa.
Okatokolitho 435
Oomvula hamano lwanima mesiku olyo tuu ndyoka momvula yo 1989, pethimbo aakwiita yoPLAN taya galukile kegumbo konima yetulo miilonga lyokatokolitho kIigwana yaHangana konomola, 435 oyiipumu mumwe nopolisi oshowo aakwiita yepangelo lyokatongotongo, molugodhi ndoka lwa kala uule womasiku omugoyi.
Molugodhi moka omwa hulithila aakwiita yoPLAN yeli 253 oshowo aapolisi 26.
“Oku na omawendo omanene monooli geli oshizemo sholugodhi ndoka, gamwe ogeli pOndeshifiilwa,” Namoloh a popi.
Okwa tsikile kutya esiku ndyoka itali vulu okupita inali tumbulwa molwaashoka aakwiita oyendji ya kanithila oomwenyo dhawo molugodhi ndoka, na oyali ooluhupe miita yekondjelomanguluko.
Namoloh okwa popi kutya mo 26 yaAguste mo1966 otamu dhimbulukiwa etopo lyondjembo yotango ndyoka lya tamekitha olugodhi lwekondjelomanguluko, nesiku lyotango lyaApilili olya simana lya faathana naandyoka.
GWOMENI
OVENDUKA
Minista nale Charles Namoloh okwa popi kutya ethimbo olya thikana opo ku simanekwe ondjokonona yesiku lyotango lyaApilili mekondjelomanguluko lyoshilongo.
Sho a ningwa naye oonkundatha koNamibian Sun, Namoloh okwa popi kutya mesiku ndyoka momvula yo 1983, Komanda gwoPLAN, Peter Nanyemba okwa hulithile moshiponga shohauto moLubango moAngola, moshitopolwa shaHuila, sho ohauto ye yiipumu mumwe notenga yomahooli gopetrol. Iipongolo ye oya kuthwako koAngola konima yoomvula 31, sho a hulitha na oya fumbikwa mOmawendo gOmapendafule mOvenduka. Nanyemba okuli gumwe gwomaakwiita dhingi mekondjelomanguluko lyaNamibia. Namoloh ngoka a li ominista yoshikondo shOpolisi okwa popi kutya Nanyemba okwa li ofule mekondjelomanguluko nuupenda we owo wa kwathele mekondjelomanguluko, okuza kuukoloni waSouth Africa.
Okatokolitho 435
Oomvula hamano lwanima mesiku olyo tuu ndyoka momvula yo 1989, pethimbo aakwiita yoPLAN taya galukile kegumbo konima yetulo miilonga lyokatokolitho kIigwana yaHangana konomola, 435 oyiipumu mumwe nopolisi oshowo aakwiita yepangelo lyokatongotongo, molugodhi ndoka lwa kala uule womasiku omugoyi.
Molugodhi moka omwa hulithila aakwiita yoPLAN yeli 253 oshowo aapolisi 26.
“Oku na omawendo omanene monooli geli oshizemo sholugodhi ndoka, gamwe ogeli pOndeshifiilwa,” Namoloh a popi.
Okwa tsikile kutya esiku ndyoka itali vulu okupita inali tumbulwa molwaashoka aakwiita oyendji ya kanithila oomwenyo dhawo molugodhi ndoka, na oyali ooluhupe miita yekondjelomanguluko.
Namoloh okwa popi kutya mo 26 yaAguste mo1966 otamu dhimbulukiwa etopo lyondjembo yotango ndyoka lya tamekitha olugodhi lwekondjelomanguluko, nesiku lyotango lyaApilili olya simana lya faathana naandyoka.
Comments
Namibian Sun
No comments have been left on this article