Ependafule lya ka lala
Pethimbo a kala omunadiplomate gwongundu yoSwapo kIigwana yaHangana pokati komvula yo 1972 sigo 1986, okwa li omukundathani omuwanawa nomukuthimbinga miikumungu yopashigwana pamuthika gwopauyuni.
Omuprima minista nale na okuli omunapolitika omukuluntu mongundu yoSwapo, Dr Theo-Ben Gurirab, okwa hokololwa koyendji kutya okwa li ependa mopolotika yaNamibia, sha landula sho a hulitha mOlyomakaya.
Omunamimvo 80 ngoka a li nale omupopi mEgumbo lyoPashigwana okwa valwa momasiku 23 gaJanuari momvula yo1938, moUsakos na okwa gandja onkalamwenyo ye kekondjelomanguluko lyaNamibia.
Omupresidende Hage Geingob, mboka pamwe naGurirab oshowo nakusa Hidipo Hamutenya yatungu po oSwapo trio ngaashi ya tseyika, okwa koleke eso lyaGurirab mOlyomakaya.
Okwe mu hokolola onga kuume, komrade nomukondjelimanguluko gwaNamibia.
Okwa popi kutya iilonga yaGurirab tayi shambula mongundu yoSwapo oshowo moshigwana shaNamibia otayi kala aluhe nokutumbalekwa.
Tuliameni Kalomoh, omunadiplomate gwaNamibia ngoka a longa woo onga omugandjimayele gwowina kombinga yiikumungu yopondje yoshilongo gwaGeingob, omuprima minista, Saara Kuugongelwa-Amadhila oshowo kominista Netumbo Nandi-Ndaitwah okwa popi kutya Namibia okwa kanitha kuume kashili.
“Oshinima shotango shoka twa kanitha onga oshilongo, okuume ketu. Otatu lili ihe otwa pandula sho twa li twe mu pewa onga omuleli gwetu pethimbo lyekondjelomanguluko lyoshilongo shetu oshowo konima sho oshilongo sha manguluka. Out uvitile ofamili ye olukeno omolwa eso lye,” Kalomoh a popi.
Okwa popi kutya oshilongo osha pumbwa aantu mboka ye na uukwatya ngaashi mboka waGurirab.
Okwa tsikile kutya, Gurirab, onga omuleli oku na oshitalenti nuunongo wuuvalelwamo.
“Eyambidhidho lye omanga taku ningwa oonkundathana shokutula miilonga okatokolitho 435 olya li lyongushu. Omudhilaadhili omuwanawa na osha etitha uuveko mbala oompangela dhoWestern Contact Group, onkene omaadhilongo ge itaga si po ihe otaga tsikile nokueta po iiyimati iiwanawa mokati komapupi gaanyasha aanadiplomate yaNamibia. Uuthiga we otawu tsikile,” Kalomoh a tumbula.
Oshilyo shelelo lyoSwapo, Tobie Aupindi, okwa popi kutya onkalamwenyo yaGurirab, aluhe oya kala kombinga yeitulemo nokugandja.
Okwa popi kutya onkalamwenyo ye oshowo iilonga ye nayi kale edhimbulutho kwaashoka sha pumbwa okuningwa meyambulepo lyaNamibia.
Gurirab okwa manitha eilongo lye lyodiploma muulongiskola moAugustineum Training College mOkahandja momvula yo 1960.
Olweendo lye mopolotika olwa tameke momvula yo 1962, sho a yi ontuku okuza mevi lye okuya moTanzania.
Okwa kala muupongekwa uule woomvula 27.
Konima sho a pewa epapa lyuukumwe kIigwana yaHangana momvula yo 1963, okwa ka tsikila eilongo lye moUnited States nomomvula yo 1964 okwa ulikwa a ninge gumwe gwomaakalelipo yoSwapo moUnited Nations oshowo moAmerika, omanga tiilongo.
Okwiilongo moshiputudhilo shoTemple University moPennsylvania, moka a mono onzapo yoBachelor of Arts degree in political science momvula yo 1969 oshowo oMaster of Arts degree in international relations momvula yo 1971.
Gurirab, okwa longa onga omukalelipo gwoSwapo kIigwana yaHangana uule woomvula 14 nokonima okwa ningwa omunongononi gwonkalo ta kalelele.
Okwa longa onga amushanga gwiikwapondje pokati komvula yo 1986 sigo 1990, nopethimbo ndyoka okwa dhana onkandangala onene moonkundathana dhombili yaNamibia.
Gurirab okwa kala woo oshitopolwa shoonkundathana ndhoka dha e ta po okatokolitho konomola 435 momvula yo 1978, hoka ka etitha etsokumwe lyemanguluko lyaNamibia.
Okwa li gumwe gwomaaleli yoSwapo mboka ya galukile moshilongo momvula yo 1989,opo ya longekidhe omahogololo gotango moshilongo. Okwa li woo gumwe gwomAakwaSwapo mboka ya shaina etsokumwe lyombili ndyoka lya shainwa muMaalitsa gwo 1989 pokati kepangelo lyaSouth Afrika oshowo Swapo.
Okwa hogololwa momvula 1989 onga gumwe gwomiilyo yOmutumba gwoPashigwana gwaNamibia na okwa li oshitopolwa shaatoti yekotampango lyaNamibia.
Okwa ulikwa onga ominista yotango yiikwapondje yaNamibia a manguluka komupresidende gwotango gwaNamibia, Sam Nujoma.
Gurirab natango okwa kwatele komeho oonkundathana dhuule woomvula ndatu opo ondoolopa yaMbaye yi galulilwe kuNamibia, shoka sha ethitha opo ondoolopa ndjoka yi ninge oshitopolwa shaNamibia momvula yo 1994.
Gurirab oku na epapa lyoDean of African Foreign Ministers. Muule woomvula 35 moshikondo shiikwapondje, nakusa okwa tseyika na okwa longo pamwe nomapupi gatatu gaaleli muuyuni, oshowo oohamushanga yatano mIigwana yaHangana.
Okwa hogololwa muSepetemb gwomvula yo 1999 onga omupresidende omuti 68 gwoUN General Assembly.
Gurirab okwa thiga ko omukulukadhi gwe Joan oshowo oyanamati yaali Dantagob naHanganee.
FRED GOEIEMAN
Omunamimvo 80 ngoka a li nale omupopi mEgumbo lyoPashigwana okwa valwa momasiku 23 gaJanuari momvula yo1938, moUsakos na okwa gandja onkalamwenyo ye kekondjelomanguluko lyaNamibia.
Omupresidende Hage Geingob, mboka pamwe naGurirab oshowo nakusa Hidipo Hamutenya yatungu po oSwapo trio ngaashi ya tseyika, okwa koleke eso lyaGurirab mOlyomakaya.
Okwe mu hokolola onga kuume, komrade nomukondjelimanguluko gwaNamibia.
Okwa popi kutya iilonga yaGurirab tayi shambula mongundu yoSwapo oshowo moshigwana shaNamibia otayi kala aluhe nokutumbalekwa.
Tuliameni Kalomoh, omunadiplomate gwaNamibia ngoka a longa woo onga omugandjimayele gwowina kombinga yiikumungu yopondje yoshilongo gwaGeingob, omuprima minista, Saara Kuugongelwa-Amadhila oshowo kominista Netumbo Nandi-Ndaitwah okwa popi kutya Namibia okwa kanitha kuume kashili.
“Oshinima shotango shoka twa kanitha onga oshilongo, okuume ketu. Otatu lili ihe otwa pandula sho twa li twe mu pewa onga omuleli gwetu pethimbo lyekondjelomanguluko lyoshilongo shetu oshowo konima sho oshilongo sha manguluka. Out uvitile ofamili ye olukeno omolwa eso lye,” Kalomoh a popi.
Okwa popi kutya oshilongo osha pumbwa aantu mboka ye na uukwatya ngaashi mboka waGurirab.
Okwa tsikile kutya, Gurirab, onga omuleli oku na oshitalenti nuunongo wuuvalelwamo.
“Eyambidhidho lye omanga taku ningwa oonkundathana shokutula miilonga okatokolitho 435 olya li lyongushu. Omudhilaadhili omuwanawa na osha etitha uuveko mbala oompangela dhoWestern Contact Group, onkene omaadhilongo ge itaga si po ihe otaga tsikile nokueta po iiyimati iiwanawa mokati komapupi gaanyasha aanadiplomate yaNamibia. Uuthiga we otawu tsikile,” Kalomoh a tumbula.
Oshilyo shelelo lyoSwapo, Tobie Aupindi, okwa popi kutya onkalamwenyo yaGurirab, aluhe oya kala kombinga yeitulemo nokugandja.
Okwa popi kutya onkalamwenyo ye oshowo iilonga ye nayi kale edhimbulutho kwaashoka sha pumbwa okuningwa meyambulepo lyaNamibia.
Gurirab okwa manitha eilongo lye lyodiploma muulongiskola moAugustineum Training College mOkahandja momvula yo 1960.
Olweendo lye mopolotika olwa tameke momvula yo 1962, sho a yi ontuku okuza mevi lye okuya moTanzania.
Okwa kala muupongekwa uule woomvula 27.
Konima sho a pewa epapa lyuukumwe kIigwana yaHangana momvula yo 1963, okwa ka tsikila eilongo lye moUnited States nomomvula yo 1964 okwa ulikwa a ninge gumwe gwomaakalelipo yoSwapo moUnited Nations oshowo moAmerika, omanga tiilongo.
Okwiilongo moshiputudhilo shoTemple University moPennsylvania, moka a mono onzapo yoBachelor of Arts degree in political science momvula yo 1969 oshowo oMaster of Arts degree in international relations momvula yo 1971.
Gurirab, okwa longa onga omukalelipo gwoSwapo kIigwana yaHangana uule woomvula 14 nokonima okwa ningwa omunongononi gwonkalo ta kalelele.
Okwa longa onga amushanga gwiikwapondje pokati komvula yo 1986 sigo 1990, nopethimbo ndyoka okwa dhana onkandangala onene moonkundathana dhombili yaNamibia.
Gurirab okwa kala woo oshitopolwa shoonkundathana ndhoka dha e ta po okatokolitho konomola 435 momvula yo 1978, hoka ka etitha etsokumwe lyemanguluko lyaNamibia.
Okwa li gumwe gwomaaleli yoSwapo mboka ya galukile moshilongo momvula yo 1989,opo ya longekidhe omahogololo gotango moshilongo. Okwa li woo gumwe gwomAakwaSwapo mboka ya shaina etsokumwe lyombili ndyoka lya shainwa muMaalitsa gwo 1989 pokati kepangelo lyaSouth Afrika oshowo Swapo.
Okwa hogololwa momvula 1989 onga gumwe gwomiilyo yOmutumba gwoPashigwana gwaNamibia na okwa li oshitopolwa shaatoti yekotampango lyaNamibia.
Okwa ulikwa onga ominista yotango yiikwapondje yaNamibia a manguluka komupresidende gwotango gwaNamibia, Sam Nujoma.
Gurirab natango okwa kwatele komeho oonkundathana dhuule woomvula ndatu opo ondoolopa yaMbaye yi galulilwe kuNamibia, shoka sha ethitha opo ondoolopa ndjoka yi ninge oshitopolwa shaNamibia momvula yo 1994.
Gurirab oku na epapa lyoDean of African Foreign Ministers. Muule woomvula 35 moshikondo shiikwapondje, nakusa okwa tseyika na okwa longo pamwe nomapupi gatatu gaaleli muuyuni, oshowo oohamushanga yatano mIigwana yaHangana.
Okwa hogololwa muSepetemb gwomvula yo 1999 onga omupresidende omuti 68 gwoUN General Assembly.
Gurirab okwa thiga ko omukulukadhi gwe Joan oshowo oyanamati yaali Dantagob naHanganee.
FRED GOEIEMAN
Comments
Namibian Sun
No comments have been left on this article