Epangelo tali zula maakwashigwana
Onkalo yoombululu moshiketha shepangelo oya kolekwa koompangela dhepangelo opo li pule oshigwana shi gandje oshali yoopresenda 2 okuza kiiyemo yawo yokomwedhi, pakwiiyamba.
Epangelo komasiku gokomeho otali ka pula aaniilonga yiiyambe nokufuta oshimaliwa shoopresenda 2 okuza koondjambi dhawo onga omukalo gwokuyambidhidha aniwa iinyangadhalwa yepangelo yokukwathela oshigwana.
Omunambelewa Omulukuntu mombelewa yOmuprima minista I-Ben Nashindi, okwa shanga omukanda ta pula etsakaneno nomahangano gaaniilonga, opo ya vule okuyelitha eindilo lyawo.
“Omu shi shi kutya oshilongo osha taalela omaupyakadhi ga yooloka, mwakwatelwa onkalo yoshikukuta ndjoka ya etitha Omupresidende a tseyithe kutya oya ninga onkalo yopaulumomhumbwe moshilongo, nokupula aakuthimbinga ayehe ya dhane onkandangala mokweeta po ekandulepo lyomikundu dhoka.”
Omahangano omakalelipo gaaniilonga lyoNational Union of Namibian Workers (NUNW) oshowo oNamibia National Teachers Union (Nantu) oga pulwa opo ga hiye omahangano omakwawo go ga vule okukundathana iishoshela mbyoka.
“Molwaashoka iishoshea mbika otayi gumu AaNamibia ayehe ehangano lyoNational Union of Namibian Workers otali hiwa li etelele omahangano galwe omakwawo komutumba opo ya kundathane oshikundathanwa shoka sheiyambo lyokufuta oopresenda 2, okuza koondjambi dhaaNamibia ayehe,” Nashindi a popi.
Okwa uvanekele omahangano kutya iimaliwa otayi ka longithwa ngaashi ya nuninwa.
Okwa popi kutya iimaliwa otayi ka longithwa mokukondjitha onkalo yoshikukuta oshowo okugandja omayambidhidho kooprograma dheyambulepo lyuunongo dhaanyasha oshowo dhuunangeshefa.
Ominista yemona, Calle Schlettwein ina vula okumonika a tye sha.
Omupopiliko gwOmbelewa yOmuprima minista, Saima Shaanika okwa koleke ombaapila ndjoka ta popi kutya omushangwa ogwa nuninwa aaniilonga yuuministeli.
“Omupresidende Hage Geingob okwa popi kombinga kombinga yokwiiyamba nokugandja iishoshela kepangelo yoopresenda mbali dhiiyemo pethimbo a ningi Oshipopiwa she shOpashigwana naashoka osha pumbwa oku mu pa uuyelele owundji,” Shaanika a popi.
Job Muniaro okwa popi kutya otaka vula owala okupopya sha konima yomutumba ngoka gwa ningwa.
“Otandi ka pulakena kwaashoka Omuprima taka popya shi na sha niishoshela mbyoka. Otu na omutumba tagu kalako mEtitano ndika twa taalela (nena) moka tatu ka pula minista kutya iishoshela mbyoka iipe otayi kala yi li ngiini.”
Dr Omo Kakujaha-Matundu okwa popi kutya otashi ka kala oshihwepo okukala inaku futithwa aakwashigwana iishoshela mbyoka.
“Elongo lyonkalo yeliko olye tu longo kutya oshihwepo okweetha iimaliwa yi kale moondjato dhoshigwana pethimbo lyomathimbo omadhigu gopaliko. Aalandi ohaya longitha iimaliwa yawo nuukeka pethimbo ndyoka. Omayele omawanawa okweetha iimaliwa yi kale moondjato dhaalandi.”
OMUTOOLINKUNDANA GWOMENI
Omunambelewa Omulukuntu mombelewa yOmuprima minista I-Ben Nashindi, okwa shanga omukanda ta pula etsakaneno nomahangano gaaniilonga, opo ya vule okuyelitha eindilo lyawo.
“Omu shi shi kutya oshilongo osha taalela omaupyakadhi ga yooloka, mwakwatelwa onkalo yoshikukuta ndjoka ya etitha Omupresidende a tseyithe kutya oya ninga onkalo yopaulumomhumbwe moshilongo, nokupula aakuthimbinga ayehe ya dhane onkandangala mokweeta po ekandulepo lyomikundu dhoka.”
Omahangano omakalelipo gaaniilonga lyoNational Union of Namibian Workers (NUNW) oshowo oNamibia National Teachers Union (Nantu) oga pulwa opo ga hiye omahangano omakwawo go ga vule okukundathana iishoshela mbyoka.
“Molwaashoka iishoshea mbika otayi gumu AaNamibia ayehe ehangano lyoNational Union of Namibian Workers otali hiwa li etelele omahangano galwe omakwawo komutumba opo ya kundathane oshikundathanwa shoka sheiyambo lyokufuta oopresenda 2, okuza koondjambi dhaaNamibia ayehe,” Nashindi a popi.
Okwa uvanekele omahangano kutya iimaliwa otayi ka longithwa ngaashi ya nuninwa.
Okwa popi kutya iimaliwa otayi ka longithwa mokukondjitha onkalo yoshikukuta oshowo okugandja omayambidhidho kooprograma dheyambulepo lyuunongo dhaanyasha oshowo dhuunangeshefa.
Ominista yemona, Calle Schlettwein ina vula okumonika a tye sha.
Omupopiliko gwOmbelewa yOmuprima minista, Saima Shaanika okwa koleke ombaapila ndjoka ta popi kutya omushangwa ogwa nuninwa aaniilonga yuuministeli.
“Omupresidende Hage Geingob okwa popi kombinga kombinga yokwiiyamba nokugandja iishoshela kepangelo yoopresenda mbali dhiiyemo pethimbo a ningi Oshipopiwa she shOpashigwana naashoka osha pumbwa oku mu pa uuyelele owundji,” Shaanika a popi.
Job Muniaro okwa popi kutya otaka vula owala okupopya sha konima yomutumba ngoka gwa ningwa.
“Otandi ka pulakena kwaashoka Omuprima taka popya shi na sha niishoshela mbyoka. Otu na omutumba tagu kalako mEtitano ndika twa taalela (nena) moka tatu ka pula minista kutya iishoshela mbyoka iipe otayi kala yi li ngiini.”
Dr Omo Kakujaha-Matundu okwa popi kutya otashi ka kala oshihwepo okukala inaku futithwa aakwashigwana iishoshela mbyoka.
“Elongo lyonkalo yeliko olye tu longo kutya oshihwepo okweetha iimaliwa yi kale moondjato dhoshigwana pethimbo lyomathimbo omadhigu gopaliko. Aalandi ohaya longitha iimaliwa yawo nuukeka pethimbo ndyoka. Omayele omawanawa okweetha iimaliwa yi kale moondjato dhaalandi.”
OMUTOOLINKUNDANA GWOMENI
Comments
Namibian Sun
No comments have been left on this article