Epangelo tali kwathele aakwashigwana mboka ya kala inaya talika monakuziwa
Ombelewa yomupeha presidende okupitila moshikondo shawo shiipambele yaantu mboka ya kala inaya talika monakuziwa, oya gandja omayambidhidho gopashimaliwa kaailongi yeli po 648 yomuhoko gwAayelele, Ovatue oshowo Ovatjimba.
Ekwatho ndyoka olya kwatela mo oshimaliwa shooN$1 000 kaailongi mboka yeli miiputudhilo yopombanda oshowo oshimaliwa shooN$500 kaailongi mboka yeli moondondo dhopombanda oshowo pevi mooskola moshilongo ashihe.
Omupeha omukomeho gwoshikondo shoka, Gerson Kamatuka okwa popi kutya epangelo olya tula miilonga ooprograma ndhoka dha nuninwa okuyambidhidha aakwashigwana mboka. Okwa popi kutya oshikondo shoka osha kala shiipyakidhila okutameka omwedhi Januari sigo oFebruali nokugandja omayambidhidho kaailongi mboka naanaskola, oshowo okutala komaindilo ngoka ya mono gomvula ndjika.
Omunambelewa ngoka okwa popi kutya omanga oshikondo shoka inashi totwa po mo 2015, aakwashigwana mboka oya kala taya hupu nuudhigu ngele tashi ya kokumona omakwatho opo ya vule okupula komeho nomailongo gawo.
Kamatuka okwa tsikile kutya monena oprograma ndjoka ohayi gandja omakwatho kaanaskola 37 moondondo dhopevvi, oshowo 246 moosekundoskola, naailongi ye li po 365 miiputudhilo yelongo lyopombanda. Okwa tsikile kutya oye li moonkundthana noNamibian Students Financial Assistant Fund (NSFAF) opo oshiketha shoka shi tameke okugandja omakwatho gokwiilonga gowina kaailongi mboka, nuuna oonkundathana dha pu nena aailongi mboka otaya ka lundululilwa kohi yoshiketha shoka.
Kamatuka okwa popi kutya nonando aayambidhidhwa mboka oya yi koshi yoshiketha sho NSFAF natango otashi kala oshinakugwanithwa shawo okukwashilipaleka kutya aanaskola naailongi mboka itaya dhigi po omailongo gawo omolwa ompumbwe yomahala gokuza, iifuta yooskola, oondya, omalweendo nomambo, oshowo iikwathitholongo yilwe. Kamatuka okwa tseyitha woo kutya Namcol okwa gandja omagano gongushu yoshimaliwa shooN$17 000 sha nuninwa aailongi, mboka ye li moshiputudhilo shoka.
ILENI NANDJATO
Ileni Nandjato
Ekwatho ndyoka olya kwatela mo oshimaliwa shooN$1 000 kaailongi mboka yeli miiputudhilo yopombanda oshowo oshimaliwa shooN$500 kaailongi mboka yeli moondondo dhopombanda oshowo pevi mooskola moshilongo ashihe.
Omupeha omukomeho gwoshikondo shoka, Gerson Kamatuka okwa popi kutya epangelo olya tula miilonga ooprograma ndhoka dha nuninwa okuyambidhidha aakwashigwana mboka. Okwa popi kutya oshikondo shoka osha kala shiipyakidhila okutameka omwedhi Januari sigo oFebruali nokugandja omayambidhidho kaailongi mboka naanaskola, oshowo okutala komaindilo ngoka ya mono gomvula ndjika.
Omunambelewa ngoka okwa popi kutya omanga oshikondo shoka inashi totwa po mo 2015, aakwashigwana mboka oya kala taya hupu nuudhigu ngele tashi ya kokumona omakwatho opo ya vule okupula komeho nomailongo gawo.
Kamatuka okwa tsikile kutya monena oprograma ndjoka ohayi gandja omakwatho kaanaskola 37 moondondo dhopevvi, oshowo 246 moosekundoskola, naailongi ye li po 365 miiputudhilo yelongo lyopombanda. Okwa tsikile kutya oye li moonkundthana noNamibian Students Financial Assistant Fund (NSFAF) opo oshiketha shoka shi tameke okugandja omakwatho gokwiilonga gowina kaailongi mboka, nuuna oonkundathana dha pu nena aailongi mboka otaya ka lundululilwa kohi yoshiketha shoka.
Kamatuka okwa popi kutya nonando aayambidhidhwa mboka oya yi koshi yoshiketha sho NSFAF natango otashi kala oshinakugwanithwa shawo okukwashilipaleka kutya aanaskola naailongi mboka itaya dhigi po omailongo gawo omolwa ompumbwe yomahala gokuza, iifuta yooskola, oondya, omalweendo nomambo, oshowo iikwathitholongo yilwe. Kamatuka okwa tseyitha woo kutya Namcol okwa gandja omagano gongushu yoshimaliwa shooN$17 000 sha nuninwa aailongi, mboka ye li moshiputudhilo shoka.
ILENI NANDJATO
Ileni Nandjato
Comments
Namibian Sun
No comments have been left on this article