Epangelo otali ka sitha ohoni oshilongo - Manwu
Ehangano lyoMetal and Allied Namibian Workers Union (Manwu) olya popi kutya oompangela dhepangelo okupingena po aalongiskola mboka taya yi mekanka otadhi sitha ohoni oshilongo.
Ekanka lyaalongiskola moNamibia otaku pangelwa li tameke momasiku 13 gaKotomba nuumvo.
Omupresidende gwoManwu, Angula Angula okwa holola omaiyuvo ge sho epangelo lya hala okutaaguluka oompango, pehala lyokuninga oshiholelwa oshiwanawa. Ompango yAaniilonga oya totha mo kutya, omugandji gwiilonga ina pumbwa okukuta miilonga omuntu a pingenepo aaniilonga mboka taya ningi ekanka.
Nonando ompango oya yeleka kombinga yepingenepo lyaaniilonga, epangelo otali kongo aaiyambi opo ya pingenepo aalongi, konima owala sho oompango dhekanka lya tseyithwa.
“Kandi shi kutya epangelo oli uviteko ngiini ontompolwa ndjika, ihe inandi hala epangelo li gandje oshiholelwa shokutaaguluka oompango dhiilonga kaagandji yiilonga moshilongo. Oku longitha aaiyambi ya pingenepo aalongi nashi yandwe molwaashoka otashi keeta epiyagano moshilongo ashihe,” Angula ta ti.
Manwu okwa pula oongundu dhoka tadhi kutha ombinga dhi ka ndulepo omaupyakadhi ngoka.
“Otashi sitha ohoni sho omahangano gamwe gaaniilonga taga gama kumwe nepangelo mokupingena po aalongiskola naaiyambi. Onga omukalelipo gwaaniilonga owu na okukala to longele kumwe nOmpango yAaniilonga aluhe nepangelo lyetu olya pumbwa okulombwelwa opo li simaneke Ompango yAaniilonga.”
Aalongiskola ya kalela po oopresenda 95, oya hogolola okuya mekanka, omanga oopresenda owala ntano dha tindi okuya mekanka.
Mokati kaahogololi 20 473 mboka ya hogolola, 19 473 oya hogolola okuya mekanka, omanga 1000 ya hogolola oku ha ya mekanka. Omawi 42 oga ekelwahi.
JEMIMA BEUKES
Ekanka lyaalongiskola moNamibia otaku pangelwa li tameke momasiku 13 gaKotomba nuumvo.
Omupresidende gwoManwu, Angula Angula okwa holola omaiyuvo ge sho epangelo lya hala okutaaguluka oompango, pehala lyokuninga oshiholelwa oshiwanawa. Ompango yAaniilonga oya totha mo kutya, omugandji gwiilonga ina pumbwa okukuta miilonga omuntu a pingenepo aaniilonga mboka taya ningi ekanka.
Nonando ompango oya yeleka kombinga yepingenepo lyaaniilonga, epangelo otali kongo aaiyambi opo ya pingenepo aalongi, konima owala sho oompango dhekanka lya tseyithwa.
“Kandi shi kutya epangelo oli uviteko ngiini ontompolwa ndjika, ihe inandi hala epangelo li gandje oshiholelwa shokutaaguluka oompango dhiilonga kaagandji yiilonga moshilongo. Oku longitha aaiyambi ya pingenepo aalongi nashi yandwe molwaashoka otashi keeta epiyagano moshilongo ashihe,” Angula ta ti.
Manwu okwa pula oongundu dhoka tadhi kutha ombinga dhi ka ndulepo omaupyakadhi ngoka.
“Otashi sitha ohoni sho omahangano gamwe gaaniilonga taga gama kumwe nepangelo mokupingena po aalongiskola naaiyambi. Onga omukalelipo gwaaniilonga owu na okukala to longele kumwe nOmpango yAaniilonga aluhe nepangelo lyetu olya pumbwa okulombwelwa opo li simaneke Ompango yAaniilonga.”
Aalongiskola ya kalela po oopresenda 95, oya hogolola okuya mekanka, omanga oopresenda owala ntano dha tindi okuya mekanka.
Mokati kaahogololi 20 473 mboka ya hogolola, 19 473 oya hogolola okuya mekanka, omanga 1000 ya hogolola oku ha ya mekanka. Omawi 42 oga ekelwahi.
JEMIMA BEUKES
Comments
Namibian Sun
No comments have been left on this article