Elongo lyoshali moNamibia ondjodhi yowala
Mboka ye li moshikondo shelongo oya popi kutya epangelo olya ndopa okugwanitha po oompumbwe dhooskola dhepangelo nangashiingeyi aavali oyo taya kondjitha koonkondo ya kandulepo oompumbwe dhoka.
Oshikako oshipe shoskola osha tameka naavali yamwe oshowo ooskola itaya vulu elongo lyoshali ndyoka lya tulwa miilonga kepangelo momvula yo 2013.
Omulandu ngoka gwelongo omupe otagu thiminike ooskola dhimwe dhi hehele okuza kaanangeshefa oshowo moshigwana omanga dhilwe dha tula miilonga omulandu gwokonima yomiyelo tadhi pula aanaskola ya yambidhidhe ooskola paiyemo.
Omusita Edward Amadhila, omukomeho gwopautekinika moTov moTsumeb, okwa lombwele oNamibian Sun kutya ooskola ngashiingeyi otadhi pula iikwathitholongo okuza kaavali. Shoka aniwa osha thiminike aavali yamwe ya kaleke aanona yawo momagumbo molwaashoka itaya vulu okulanda iinima mbyoka tayi pulwa.
Uuministeli welongo inawu vula okutya sha. Momvula yo 2013 okwa tulwa miilonga elongo lyoshali kaanaskola yomoondondo dhopetameko sigo oondondo dhopombanda. Epangelo olya kutha po omukalo gwooskola tadhi pula iimaliwa okuza kaavali onga iifuta yooskola, epangelo olya kutha ko oshinakugwanithwa shokugandja omakwatho kooskola kwiikwatelelwa kutya moskola omu na aanaskola yangapi.
Moshikako kehe shoskola aanaskola yoondondo dhopevi oya pumbwa okupewa oshimaliwa shooN$300 okuza kepangelo omanga yoondondo dhopombanda ooN$400.
Oonzo okuza moshikondo shelongo odha popi kutya omvula ya piti ooskola inadhi mona omakwatho okuza kepangelo, na odhiikolele maavai okumona omayambidhidho.
“Nonando poombaapila elongo moNamibia olyoshali aantu oyendji unene aathigona itaye shi pondola we. Ooskola dhimwe odha tula miilonga omilandu dhokumona iiyemo okuza maanaskola okupitila momayambidhidho gooskola.
Itashi ti kutya oya puka ihe otaya kongo owala omikalo dhokukandula po oompumbwe dhoskola dhesiku,” Amadhila a popi.
Okwa popi kutya shoka otashi thiminike aanona kaya ye kooskola naashoka oshi li omukundu omunene kuyo, okukaleka aanona mooskola. Oshifokundaneki shika osha yi woo moonkundathana nomuvali gwedhina, Paulus Kaalushu omanga ta landa iinima yoskola yaanona ye ye li yatatu.
Kaalushu okwa popi kutya sho elongo lya ningwa lyoshali, oya lombwelwa kutya eyambidhidho lyooskola otali ningwa pakwiiyamba, ihe ngashiingeyi otaya pewa omisholondondo dhiinima mbyoka ya pumbiwa okulandwa kaavali, naalongi otaya ningile omatilitho aanaskola mboka aavali yawo ya ndopa okulanda iinima mbyoka.
Okwa popi kutya ooskola otadhi pula omambo, uushina oshowo iiwapalekithi yooskola naalongi otaya ningile omatilitho gokutidhila komagumbo aanaskola mboka taya ndopa okufaalela iinima mbyoka ya pulwa. Okwa tsikile kutya nale aanaskola oyali owala haya zala omizalo okuza moostola ngaashi oPep, ano omizalo dhombiliha ihe ooskola odhindji natango otadhi kutha po omukalo ngoka nokupula omizalo dhoka hadhi hondjwa paumwene na odhi na ondilo.
Onzo yimwe oya popi kutya ooskola dhokomikunda odhili unene muupyakadhi sho aalongi ngashiingeyi taya longitha iimaliwa yawo mokugwanitha po oompumbwe dhoskola.
Kombinga yoondondo dhopombanda, natango ope na omukundu gwooskola ndhoka kadhi na omihandjo, sho aanona taya thiminikwa konkalo okuya moombashu nokuhiila mepupi lyoomvula ooshona ngaashi okuza poomvula 16.
Omapulo guukithwa komunambelewa omupopiliko guuministeli welongo, Johanna Absalom okuza mEtitatu lyoshiwike shapiti, inaga yamukulwa.
Namibian Sun okwa li a hala okuuva kutya iimaliwa mbyoka hayi pewa uuministeli kepangelo kehe omvula ohayi longithwa shike, ngele ooskola otadhi pula iikwathitholongo okuza kaavali.
Uuministeli owa pewa oobiliyona 14 billion moshikakomvula shika tuli, noshimaliwa shoka osha kalela po oopresenda 21 dhomutengenekwathaneko gwelongitho niiyemo yepangelo yoshikako shika.
Oshimaliwa shoka hashi pewa uuministeli oshindji ohashi longithwa momihandjo, moprograma yegandjo lyoondya kaanaskola ano oNamibia School Feeding Programme, iikwathitholongo oshowo iiwapalekithi.
ILENI NANDJATO
Omulandu ngoka gwelongo omupe otagu thiminike ooskola dhimwe dhi hehele okuza kaanangeshefa oshowo moshigwana omanga dhilwe dha tula miilonga omulandu gwokonima yomiyelo tadhi pula aanaskola ya yambidhidhe ooskola paiyemo.
Omusita Edward Amadhila, omukomeho gwopautekinika moTov moTsumeb, okwa lombwele oNamibian Sun kutya ooskola ngashiingeyi otadhi pula iikwathitholongo okuza kaavali. Shoka aniwa osha thiminike aavali yamwe ya kaleke aanona yawo momagumbo molwaashoka itaya vulu okulanda iinima mbyoka tayi pulwa.
Uuministeli welongo inawu vula okutya sha. Momvula yo 2013 okwa tulwa miilonga elongo lyoshali kaanaskola yomoondondo dhopetameko sigo oondondo dhopombanda. Epangelo olya kutha po omukalo gwooskola tadhi pula iimaliwa okuza kaavali onga iifuta yooskola, epangelo olya kutha ko oshinakugwanithwa shokugandja omakwatho kooskola kwiikwatelelwa kutya moskola omu na aanaskola yangapi.
Moshikako kehe shoskola aanaskola yoondondo dhopevi oya pumbwa okupewa oshimaliwa shooN$300 okuza kepangelo omanga yoondondo dhopombanda ooN$400.
Oonzo okuza moshikondo shelongo odha popi kutya omvula ya piti ooskola inadhi mona omakwatho okuza kepangelo, na odhiikolele maavai okumona omayambidhidho.
“Nonando poombaapila elongo moNamibia olyoshali aantu oyendji unene aathigona itaye shi pondola we. Ooskola dhimwe odha tula miilonga omilandu dhokumona iiyemo okuza maanaskola okupitila momayambidhidho gooskola.
Itashi ti kutya oya puka ihe otaya kongo owala omikalo dhokukandula po oompumbwe dhoskola dhesiku,” Amadhila a popi.
Okwa popi kutya shoka otashi thiminike aanona kaya ye kooskola naashoka oshi li omukundu omunene kuyo, okukaleka aanona mooskola. Oshifokundaneki shika osha yi woo moonkundathana nomuvali gwedhina, Paulus Kaalushu omanga ta landa iinima yoskola yaanona ye ye li yatatu.
Kaalushu okwa popi kutya sho elongo lya ningwa lyoshali, oya lombwelwa kutya eyambidhidho lyooskola otali ningwa pakwiiyamba, ihe ngashiingeyi otaya pewa omisholondondo dhiinima mbyoka ya pumbiwa okulandwa kaavali, naalongi otaya ningile omatilitho aanaskola mboka aavali yawo ya ndopa okulanda iinima mbyoka.
Okwa popi kutya ooskola otadhi pula omambo, uushina oshowo iiwapalekithi yooskola naalongi otaya ningile omatilitho gokutidhila komagumbo aanaskola mboka taya ndopa okufaalela iinima mbyoka ya pulwa. Okwa tsikile kutya nale aanaskola oyali owala haya zala omizalo okuza moostola ngaashi oPep, ano omizalo dhombiliha ihe ooskola odhindji natango otadhi kutha po omukalo ngoka nokupula omizalo dhoka hadhi hondjwa paumwene na odhi na ondilo.
Onzo yimwe oya popi kutya ooskola dhokomikunda odhili unene muupyakadhi sho aalongi ngashiingeyi taya longitha iimaliwa yawo mokugwanitha po oompumbwe dhoskola.
Kombinga yoondondo dhopombanda, natango ope na omukundu gwooskola ndhoka kadhi na omihandjo, sho aanona taya thiminikwa konkalo okuya moombashu nokuhiila mepupi lyoomvula ooshona ngaashi okuza poomvula 16.
Omapulo guukithwa komunambelewa omupopiliko guuministeli welongo, Johanna Absalom okuza mEtitatu lyoshiwike shapiti, inaga yamukulwa.
Namibian Sun okwa li a hala okuuva kutya iimaliwa mbyoka hayi pewa uuministeli kepangelo kehe omvula ohayi longithwa shike, ngele ooskola otadhi pula iikwathitholongo okuza kaavali.
Uuministeli owa pewa oobiliyona 14 billion moshikakomvula shika tuli, noshimaliwa shoka osha kalela po oopresenda 21 dhomutengenekwathaneko gwelongitho niiyemo yepangelo yoshikako shika.
Oshimaliwa shoka hashi pewa uuministeli oshindji ohashi longithwa momihandjo, moprograma yegandjo lyoondya kaanaskola ano oNamibia School Feeding Programme, iikwathitholongo oshowo iiwapalekithi.
ILENI NANDJATO
Comments
Namibian Sun
No comments have been left on this article