Elelo lyOkongo tali tungile aakiintu opoloyeka

Elelo lyomukunda gwaKongo otali tungu opoloyeka yokuhondja yaakiintu yongushu yoomiliyona mbali poshitopolwa shevi shoka sha li sha gandjwa momake gehangano lyaChina.Mo 2016, elelo lyomukunda ngoka olya gandja iitopolwa iiyali yevi kehagano lyaChina lyedhina Lenn's Investment, opo li tunge omahala gaali goongeshefa omanga oplota yimwe ya li yi na opoloyeka yokuhondja.Okuza mpoka elelo olya kala tali kondjo nokutunga po ekwatathano naakwashigwana sha landula sho ya nyenyeta etokolo lyelelo okugandja po evi ndyoka kaaChina.Etokolo ndyoka inali taambiwako nawa kaakwashigwana mboka ya kala taya nyenyeta, sho elelo ndyoka lya tokola okugandja po ehala ndyoka lyopoloyeka yaakiintu ye li po 11.Aakiintu mboka oya tidhwa pehala ndyoka na oya thigwa kaayena ehala lyokulongela ihe omvula ya piti elelo lyomukunda ngoka olya ningi omalunduluko nokugandja omulilo omuzizi opo ku tungwe opoloyeka yaakiintu mboka kongushu yoomiliyona 2.Omunambelewa omukuluntu gwelelo lyondoolopa ndjoka, Wodibo Haulofu, okwa lombwele oNamibian Sun kutya aakiintu mboka oya I a gumwa ketokolo okugandja ehala ndyoka kaanangeshefa yaChina, mboka taya tungu omahala goongeshefa.Omunambelewa ngoka okwa popi kutya aakiintu mboka oyali taya longele pehala ndyoka ihe kaya li ya pewa po ehala ndyoka. Shoka osha gumu onkalo yawo yiilonga sho ya kanitha ehala lyokulongela nelelo lyondoolopa olya tokola okuya tungila opoloyeka.Haulofu okwa popi kutya ehala epe ndyoka tali tungwa otali ka vula okulongela aakiintu 20 na otali ka kala woo nombelewa.Momvula yo 2016 aakwashigwana ya geya oya ningi ehololo lyomadhilaadhilo taya nyenyeta etokolo lyelelo lyondoolopa okugandja po ehala ndyoka kAaChina.Aakwashigwana oyiipumu woo mumwe nomunangeshefa gwAChina konima sho ya kambadhala okuya moshipala ehangano ndyoka kali tunge.Haulofu okwa popi kutya elelo lyondoolopa otali ninge kehe shimwe shoka tali vulu opo li kalekepo ombili noshigwana unene aakiintu mboka ya li ya gumwa ketokolo ndyoka.ILENI NANDJATO

Elelo lyOkongo tali tungile aakiintu opoloyeka

Comments

Namibian Sun 2025-05-02

Please login to leave a comment

Elelo lyOkongo tali tungile aakiintu opoloyeka

Comments

Namibian Sun 2025-05-02

Please login to leave a comment

Login