Elelo lyaMuthiya tali konaakonwa

Momasiku 22 gaJuni nuumvo ongundu tayi iyithana Swapo Party Members, Supporters, Veterans and Sympathisers moshikandjo shaMuthiya oya gandja omukandanyenyeto gwawo komukwatakanithi gwongundu yoSwapo moshitopolwa shaShikoto, Armas Amukwiyu, taya nyenyeta elelo lyondoolopa yaMuthiya.Momukandanyenyeto ngoka gwa pewa Amukwiyu, ongundu oya popi kutya ope na uulingilingi nomaihumbato omawinayi taga ningwa kookansela yaheyali mboka ya kalela po ongundu yoSwapo mOmuthiya, nomaihumbato ngoka otaga teya po ethano lyongundu na otaya pula Amukwiyu a gune ookansela mboka.Iilyo mbyoka oya popi kutya itayi vulu we okwiidhidhimikila omaihumbato omawinayi okuza kwaamboka ya hogolola na oye na oshinakugwanithwa shokuyakalelapo, na otaya indile ongundu yoSwapo yi kuthe miilonga mboka taya ka monikondjo mokwaahena oshili nuulingilingi.Ongundu oya popi kutya mboka taya fekelelwa uulingilingi naya kuthwe miilonga sigo omakonaakono ga manithwa. Omupopiliko gwelelo lyondoolopa ndyoka, David Israel okwa popi kutya elelo itali vulu okutya sha manga koshikumungu shoka.OmalundiloOngundu otayi lundile mayola gwondoolopa Katrina Uusiku mokuhwahwameka elelo li kute miilonga omusamane gwe Thomas Uusiku, nonando ineshi enditha nawa mokakonaakono.Natango ongundu oya popi kutya mayola okwa hwahwameke opo omusamane gwe a tumwe komadheulo gokuhinga eshina lyograder koSouth Afrika kongushu yoshimaliwa shooN$100 000 iimaliwa ya futwa kelelo lyondoolopa.Natango aniwa mayola ngoka oku na ooplota odhindji mondoolopa moka, nonando ina futa oshimaliwa sha sha mokulanda ooplota ndhoka.Omupeha mayola gwondoolopa Hisikiel Nanyeni, ngoka a li nale mayola okwa popiwa kutya naye okwiipe oplota ndjoka ina futila sha mondoolopa moka.Omunashipundi gwokomitiye yelelo lyondoolopa, Beata Nashongo, ota lundililwa uukombunda mokukuta miilonga aaniilonga yelelo lyondoolopa.Kansela Enos Shipahu ota lundililwa ekwatelo komeho lyelanditholyehala lyoSwapo Party Women's Council property, lyonomola 2 mOmuthiya Proper, konima sho a Shaina oombaapila dhelanditho lyoplota ndjoka onga ombangi. Shipahu natango ota lundila kutya okwiikuthile ooplota odhindji mondoolopa inedhi futila.Kansela Samuel Shivute, omunashipundi nale gwokomitiye yelelo lyondoolopa ndjoka, ota lundililwa ekwatelo komeho lyelanditho lyoplota yongundu yoSwapo, natango ota lundililwa woo egandjo lyooplota kaakwanezimo ye omanga a li omunashipundi gwokomitiye yelelo.OmakonaakonoAmukwiyu okwa zimine kutya okwa yakula omukandanyenyeto ngoka, nomakonaakono oga tamekithwa na ita vulu okugandja oshindji kombinga yoshikumungu shoka. Omunambelewa omupopiliko gwoACC, Josefina Nghituwamata, okwa koleke kutya iipotha mbyoka otayi konaakonwa na ita vulu okuya muule. Omalundilo taga ningilwa amukwiyuOmunambelewa Omukomeho gwoNamrights, Phil Ya Nangoloh, okwa shanga kepandja lye lyoFacebook kutya oshitopolwa shaShikoto, Omuthiya nomahala gopuushinda oga kala taga dhana onkandangala miikundaneki omolwa oolopota dhuulingilingi mboka tawu longwa kaanapolotika. Ya Nangoloh okwa shanga kutya nuumvo omvula yomahogololo niinima oyindji oya pumbwa okuyelithwa.“Kape na we aantu yamwe mbyoka taya vulu okuyelitha iikumungu mbyoka yaaheshi omukwatakanithi gwoSwapo mOshikoto, Armas Amukwiyu oshowo Ngoloneya gwoshitopolwa Komrade Henock ya Kankoshi,” Ya Nangolo a shanga.Okwa popi kutya okwa hala Amukwiyu a yelithe ngele oshili nenge iifundja kutya okwa longa onga oshilyo shokomitiye yootendela melelo lyaMuthiya. Omukulukadhi gwe okuli amushanga gwOmunambelewa Omukuluntu gwelelo lyondoolopa yaMuthiya. Omukulukadhi gwe okwa li ponomola ontitano sha landula okakonaakono kiilonga ihe okwa tulwa ponomola yotango mokumona iilonga.Okwa pula natango ngele oshili kutya omukulukadhi gwe okwa pewa omagano gohauto yoMercedes-Benz komunangeshefa gwedhina Ticks ngoka natango a palele Amukwiyu ondjila yomamanya okuya kegumbo lye, nomunangeshefa ngoka okwa kala nokupewwa ootendela kelelo lyaMuthiya.Amukwiyu okwa popi kutya ngoka omalundilo ta ningilwa ga nuninwa okunyateka edhina lye na okwa ya mekwatathano noohahende dhe opo a katukile Ya Nangoloh oonkatu dhopaveta. Mokuyamukula Ya Nangoloh okwa popi kutya ye okwa pula owala omapulo ngoka ga pumbw aokuyamukulwa kutya eeno nenge ahowe.ILENI NANDJATO

Elelo lyaMuthiya tali konaakonwa

Comments

Namibian Sun 2025-10-22

Please login to leave a comment

Elelo lyaMuthiya tali konaakonwa

Comments

Namibian Sun 2025-10-22

Please login to leave a comment

Login