Elando lyoondjembo lya yi pombanda niimbuluma tayi longwa noondjembo oyi li pevi

JANA-MARI SMITHElando lyoondjembo dhopaumwene moNamibia olya londa pombanda muule woomvula 13 dha piti, sho kwa lopotwa omwaalu omunene gwomaindilo guumwene woondjembo, neigameno olyo limwe lyomomatompelo ga gandjwa kwaamboka taya ningi omaindilo goondjembo. Olopota ndjoka ya pitithwa kombinga yuumwene woondjembo dhopaumwene, oya holola kutya eshangitho lyoondjembo olya londa pombanda okuza poo 97 000 okuya po 200 000 okutameka omvula 2004.Konyala oomikanda dhuumwene woondjembo dhili po6 653 ohadhi gandjwa kehe omvula.Nonando omwaalu guumwene woondjembo dhopaumwene ogwa londo pombanda, iimbuluma tayi kwatakanithwa noondjembo ndhoka inayi londa pombanda, pahapu dhaDietrich Remmert, omuningi gwomapekaapeko koInstitute for Public Policy Research (IPPR). Omapekaapeko ngoka ga ningwa oga holola kutya etompelo lyotango ndyoka tali gandjwa kwaamboka taya ningi omapekaapeko, okwiigamena, omolwa iimbuluma mbyoka tayi londo pombanda nopolisi itayi vulu okukeelela iimbuluma mbyoka. Oshiputudhilo shoIPPR osha popi kutya nonando opolisi oya pewa oonzo odhindji mokuyanda nokukeelela iimbuluma, aakwashigwana oye wete kutya oomwenyo dhawo odhili moshiponga, nopolisi itayi vulu okuya gamena.Kombinga yimwe opolisi oya popi kutya nonando okwiigamena oko etompelo hali gandjwa, oondjembo ndhoka unene hadhi humbatwa kaahingi yootaxi naahingi yopaumwene otadhi longitwa uuna pwa holoka oontamanana nolundji kakushi okwiigamena.Omalongitho goondjemmbo pomahala gomanwino noomondjila dhaayehe oga londa pombanda, na otashi etithwa koontamanana.Onga oshizemo, opolisi oya nkondopeke omukalo ngoka taku gandjwa omikanda dhoondjembo.Olopota oya tsikile kutya omadhipago taga ningwa taku longithwa oondjembo oga londa pombanda okuza poopresenda 3.4 okuya pokati komvula yo 1995 no 2001, oshowo okuya poopresenda 14.05 pokati ko2009 nomvula ndjika.Olopota oya tsikile kutya oondejmbo kadhi shi unene omukundu kuNamibia ihe okwa pumbwa okutulwa miilonga ekondololo lya kwata miiti. Opolisi ya limbililwaOpolisi oya holola omaiyuvo gawo omolwa omaihumbato taga limbilike okuza kooyene yoondjembo, oshowo iimbuluma tayi longwa noondjembo dha yakwa. Omahangano guusekuriti ogo woo taga etitha omalimbililo.Omakonaakono ngoka ga ningwa oga holola kutya, omahangano goosekuriti 84 miitopolwa 12 mo2012 oga kanitha oondjembo na inaga lopota iipotha mbyoka ngaashi tashi uthwa kompango.“Mokati koondjembo 2 288 ndhoka dha shangithwa, 536 kaku shiwike kutya odhili peni, naashoka osha kalela po oopresenda 23 dhoondjembo,” olopota ya holola.Omadhipago ga ningwa kwa longithwa oondjembo, ge li 3 200 oga lopotwa muule woomvula 9 dha piti, nomadhipago ga ningwa kwa longithwa oondjembo ogeli 364 komvula.Omaidhipago taku longithwa oondjembo oga shuna pevi oshowo omiyeka kwa homatiwa otaku longithwa oondjembo. Nonando ongaaka, IPPR oya kunkilile opo ku tulwe miilonga ekondololo lyoondjembo lya kwata miiti.Ehangano olya gwedha po kutya oonaku ninga omaindilo goondjembo oya pumbwa okuningilwa omakonaakono.Omahangano goosekuriti ngoka taga adhika ge na ekondololo lyoondjembo lyankundipala, naga kuthwe omikanda ndhokukala noondjembo.

Elando lyoondjembo lya yi pombanda niimbuluma tayi longwa noondjembo oyi li pevi

Comments

Namibian Sun 2025-09-16

Please login to leave a comment

Elando lyoondjembo lya yi pombanda niimbuluma tayi longwa noondjembo oyi li pevi

Comments

Namibian Sun 2025-09-16

Please login to leave a comment

Login