Elanditho lyomahooli shaali paveta mOshikango
Konima sho kwa tseyithwa e yo pombana lyoondando yomahooli omasiku ga piti, okwa dhidhilikwa omwaalu omunene gwaaniihauto taya tondokele kondoolopa yaShikango nokulanda omahooli ngoka taga yakelwa moshilongo okuza poshishiindalongo Angola.
Pahapu dhomulandithi gumwe gwomahooli ngoka, okwa popi kutya oshe ya ningila oshidhigu okulanditha omahooli ngoka konima nkene olukanda Okatwitwi lwa hanagulwa po kelelo lyondoolopa yaHelao Nafidi.
Ngashiingeyi otaya landitha omahooli ngoka okuza moombashu dhawo na otaya landitha owala kaantu mboka ye shi.
Omathimbo a piti elelo lyaHelao Nafidi olya li lya popi kutya olukanda Okatwitwi olya ninga ehala lyomalandithilo giinima tayi kuthwa moAngola, ngaashi omahooli. Elelo lyondoolopa ndjoka olya tokola okuhanagula poolukanda ndoka. Oshifokundaeki shika osha taalelepo ehala ndyoka mehuliloshiwike lya piti na otashi ulike kutya osha ninga oshidhigu okulanditha omahooli ngoka.
“Otatu kondololwa kopolisi na ihatu landitha owala omahooli ku kehe gumwe. Otatu landitha owala kookastoma ndhoka tu shi nale na odhi shi kutya ohatu longo ngiini. Opolisi oye tu landula kehe ethimbo nokonima sho kwa hanagulwa po Okatwiwtwi osha ningi oshidhigu opo tu vule okulanditha. Osha ninga oshidhigu oku yakela omahooli moNamibia molwaashoka opolisi otayi kondolola oongamba na owu na okukala wu na ekwatathano naantu,” gumwe gwomaalandithi mboka a popi.
Aanona yaamati aakwashigwana yaAngola oshoowo yaNamibia otaya landitha omahooli ngoka mondoolopa yaShikango. Omahooli gopetrol otaga landithwa mokandini koolita ntano kondando yoshimaliwa shooN$65 oshowo N$70. Aandithi mboka oya popi kutya uuna ondando yomahooli ya londo pombanda nayo ohaya gwedhele oondando dhawo nodola yimwe. Oya tsikile kutya shoka ihashi gumu elanditho lyawo. Oya tsikile kutya ondando yawo ohayi koondoloolwa konkalo yompumbwe yoomahooli. Ngele ope na aantu oyendji mboka taya landitha omahooli nena okandini ohaka vulu okulandwa kondando yooN$65 ihe ngele kape na aantu oyendji taya landitha nena okandini otaka landwa kondando yooN$70.
Aaniihauto yamwe oya popi kutya ondando yomahooli ngoka otayi vulu okukala yi thike pamwe nomahooli ngoka haga landithwa paveta moshilongo, ihe oye hole omahooli ngoka molwaashoka ohaga kala ethimbo miiyenditho. Uupyakadhi owuli owala mpoka kutya ethimbo limwe aalandithi mboka ohaya tula mo omeya.
Omupopiliko gwopolisi moshitopolwa shaHangwena, Warrant Officer Kaume Iitumba, okwa pandula elelo lyaHelao Nafidi sho lya hanagula po olukanda ndoka.
Okwa popi kutya olukanda ndoka olwa li popepi noongamba na osha ningitha oshipu aantu ya yakele moshilongo iinima mbyoka inayi pitikwa.
“Ngashingeyi sho elelo lyondoolpa lya tidhile komatala gokulandithila aantu ayehe, omatala ngoka geli kokule kashona noongamba, oshe ya ningila oshidhigu opo ya yakele iinima moshilongo.” “Itashi vulika omuntu a humbate iinima oshinano oshile ihe ta kala ina monika. Otatu ningi woo iikonga yokuhadha mondoolopa na otatu tala unene kiinima mbyoka tayi etwa moshilongo shaheli paveta.”
Itumba okwa popi kutya elanditho lyomahooli mOshikango olya londa pombanda noonkondo na osha li sha ningi oshidhigu opo opolisi yi vule okukondolola elanditho ndyoka. Okwa pula uuministeli wiikamina niikwankondo wu yambidhidhe opolisi, opo wu ninge omalunduluko moompango dhawo.
“Uumatyona mboka otawu landitha omahooli muundini uushona na itatu vulu oku ya tula miipandeko molwaashoka ompango otayi utha kutya otaku tulwa owala miipandeko mboka ya adhika ye na omwaalu guli pombanda gwomahooli. Ohatu kwatako omahooli ngoka, ihe katu na oompungulilo dhomahooli posasiyona yopolisi, naashoka otashi etitha uupyakadhi mokupungula omahooli ngoka.”
Itumba okwa tsikile kutya osha nika woo oshiponga kegameno lyaamboka taya landitha omahooli ngoka sho haya pungula omahooli moombashu dhawo.
Okwa popi kutya AaNamibia otaya longele kumwe naakwashigwana yaAngola molwaashoka kashi shi oshipu kaakwashigwana yaNamibia yamone omahooli ngoka, nokukuta miilonga uumatyona mboka owo wu landithe omahooli.
Okwa popi kutya omahooli ngoka otaga yakelwa moshilongo olwa oongamba dha eguluka dhaNamibia naAngola. Mayola gwaHelao Nafidi, Eliaser Nghipangelwa okwa popi kutya elelo lyondoolopa olya li lya pewa omayele kopolisi opo olukanda ndoka lu kuthwe po. Okwa tsikile kutya elanditho lyomahooli ngoka haga yakwa moAngola, osha li shimwe shomiinima tayi ningilwa mOkatwitwi.
Okwa popi kutya aakalimo yomOkatwitwi oya tulululwa kehala limwe hoka ya pewa omeya nolusheno oshowo uundjugo na oya pitikwa okuningila ongeshefa yawo kehala ndyoka.
“Ope na yamwe mboka yali taya ti itaya tembuka na otatu fekele kutya oyo taya longo iimbuluma mbyoka. Itatu pitika ya kale kehala ndyoka otatu ya tembula ayehe.”
ILENI NANDJATO
Pahapu dhomulandithi gumwe gwomahooli ngoka, okwa popi kutya oshe ya ningila oshidhigu okulanditha omahooli ngoka konima nkene olukanda Okatwitwi lwa hanagulwa po kelelo lyondoolopa yaHelao Nafidi.
Ngashiingeyi otaya landitha omahooli ngoka okuza moombashu dhawo na otaya landitha owala kaantu mboka ye shi.
Omathimbo a piti elelo lyaHelao Nafidi olya li lya popi kutya olukanda Okatwitwi olya ninga ehala lyomalandithilo giinima tayi kuthwa moAngola, ngaashi omahooli. Elelo lyondoolopa ndjoka olya tokola okuhanagula poolukanda ndoka. Oshifokundaeki shika osha taalelepo ehala ndyoka mehuliloshiwike lya piti na otashi ulike kutya osha ninga oshidhigu okulanditha omahooli ngoka.
“Otatu kondololwa kopolisi na ihatu landitha owala omahooli ku kehe gumwe. Otatu landitha owala kookastoma ndhoka tu shi nale na odhi shi kutya ohatu longo ngiini. Opolisi oye tu landula kehe ethimbo nokonima sho kwa hanagulwa po Okatwiwtwi osha ningi oshidhigu opo tu vule okulanditha. Osha ninga oshidhigu oku yakela omahooli moNamibia molwaashoka opolisi otayi kondolola oongamba na owu na okukala wu na ekwatathano naantu,” gumwe gwomaalandithi mboka a popi.
Aanona yaamati aakwashigwana yaAngola oshoowo yaNamibia otaya landitha omahooli ngoka mondoolopa yaShikango. Omahooli gopetrol otaga landithwa mokandini koolita ntano kondando yoshimaliwa shooN$65 oshowo N$70. Aandithi mboka oya popi kutya uuna ondando yomahooli ya londo pombanda nayo ohaya gwedhele oondando dhawo nodola yimwe. Oya tsikile kutya shoka ihashi gumu elanditho lyawo. Oya tsikile kutya ondando yawo ohayi koondoloolwa konkalo yompumbwe yoomahooli. Ngele ope na aantu oyendji mboka taya landitha omahooli nena okandini ohaka vulu okulandwa kondando yooN$65 ihe ngele kape na aantu oyendji taya landitha nena okandini otaka landwa kondando yooN$70.
Aaniihauto yamwe oya popi kutya ondando yomahooli ngoka otayi vulu okukala yi thike pamwe nomahooli ngoka haga landithwa paveta moshilongo, ihe oye hole omahooli ngoka molwaashoka ohaga kala ethimbo miiyenditho. Uupyakadhi owuli owala mpoka kutya ethimbo limwe aalandithi mboka ohaya tula mo omeya.
Omupopiliko gwopolisi moshitopolwa shaHangwena, Warrant Officer Kaume Iitumba, okwa pandula elelo lyaHelao Nafidi sho lya hanagula po olukanda ndoka.
Okwa popi kutya olukanda ndoka olwa li popepi noongamba na osha ningitha oshipu aantu ya yakele moshilongo iinima mbyoka inayi pitikwa.
“Ngashingeyi sho elelo lyondoolpa lya tidhile komatala gokulandithila aantu ayehe, omatala ngoka geli kokule kashona noongamba, oshe ya ningila oshidhigu opo ya yakele iinima moshilongo.” “Itashi vulika omuntu a humbate iinima oshinano oshile ihe ta kala ina monika. Otatu ningi woo iikonga yokuhadha mondoolopa na otatu tala unene kiinima mbyoka tayi etwa moshilongo shaheli paveta.”
Itumba okwa popi kutya elanditho lyomahooli mOshikango olya londa pombanda noonkondo na osha li sha ningi oshidhigu opo opolisi yi vule okukondolola elanditho ndyoka. Okwa pula uuministeli wiikamina niikwankondo wu yambidhidhe opolisi, opo wu ninge omalunduluko moompango dhawo.
“Uumatyona mboka otawu landitha omahooli muundini uushona na itatu vulu oku ya tula miipandeko molwaashoka ompango otayi utha kutya otaku tulwa owala miipandeko mboka ya adhika ye na omwaalu guli pombanda gwomahooli. Ohatu kwatako omahooli ngoka, ihe katu na oompungulilo dhomahooli posasiyona yopolisi, naashoka otashi etitha uupyakadhi mokupungula omahooli ngoka.”
Itumba okwa tsikile kutya osha nika woo oshiponga kegameno lyaamboka taya landitha omahooli ngoka sho haya pungula omahooli moombashu dhawo.
Okwa popi kutya AaNamibia otaya longele kumwe naakwashigwana yaAngola molwaashoka kashi shi oshipu kaakwashigwana yaNamibia yamone omahooli ngoka, nokukuta miilonga uumatyona mboka owo wu landithe omahooli.
Okwa popi kutya omahooli ngoka otaga yakelwa moshilongo olwa oongamba dha eguluka dhaNamibia naAngola. Mayola gwaHelao Nafidi, Eliaser Nghipangelwa okwa popi kutya elelo lyondoolopa olya li lya pewa omayele kopolisi opo olukanda ndoka lu kuthwe po. Okwa tsikile kutya elanditho lyomahooli ngoka haga yakwa moAngola, osha li shimwe shomiinima tayi ningilwa mOkatwitwi.
Okwa popi kutya aakalimo yomOkatwitwi oya tulululwa kehala limwe hoka ya pewa omeya nolusheno oshowo uundjugo na oya pitikwa okuningila ongeshefa yawo kehala ndyoka.
“Ope na yamwe mboka yali taya ti itaya tembuka na otatu fekele kutya oyo taya longo iimbuluma mbyoka. Itatu pitika ya kale kehala ndyoka otatu ya tembula ayehe.”
ILENI NANDJATO
Comments
Namibian Sun
No comments have been left on this article