Ekwatonkonga lya lundalala mOshikoto
Ngoloneya gwoshitopolwa shaShikoto okwa popi kutya ekwatonkonga olyo oshimbuluma shoka hashi longwa unene nomukundu omunene gwa taalela oshitopolwa she.
Ekwatonkonga oshi li oshimbuluma shoka hashi lopotwa unene mOshikoto, naNgoloneya gwoshitopolwa shoka Henok Kankoshi okwa gandja uusama kelongitho nayi lyiikolitha oshowo okunwa iikolitha uusiku.
Pahapu dhaKankoshi, aakiintu moshitopolwa shoka oya ninga iihakanwa yomakwatonkonga.
Ngoloneya okwa popi kutya olundji iimbuluma mbyoka otayi longwa uusiku nenge oonakuninga iihakanwa yeli kohi yodhungo.
“Omakwatonkonga ngoka otaga ningwa omausiku sho aakiintu taya thigi po oondunda dhomanwino, moondjila sho yuuka komagumbo gawo, na otaya ningi iihakanwa yoongangala ndhoka tadhi longo iimbuluma mbyoka. Aakiintu mboka ohaya kala yeli kohi yodhungo onkene itaya vulu okwiigamena,” Kankoshi a popi.
Ngoloneya gwaShikoto okwa popi ngaaka, pethimbo a ningi oshipopiwa shopashigwana shoshitopolwa she. Kankoshi okwa kondema nomuthindo onkalo yiimbuluma moshitopolwa she.
Okwa popi kutya nonando ongaaka iimbuluma moshitopolwa she oya shuna pevi sigo opiimbuluma 104 okuza piimbuluma 260 pokati komvula 2015 no 2017.
Ngoloneya gwaShikoto okwa tseyitha kutya, iipotha yomakwatonkonga oya shuna pevi okuza piipotha 72 okuya piipotha 18, omanga iipotha yomadhipago mbyoka yali po-10 ya shuna evi sigo opiipotha itatu mo-2017.
Omiyonena dhomomagumbo odha shuna pevi okuza piipotha 64 okuya piipotha 24, uulunga wiimuna owa shuna pevi okuza piipotha 72 okuya po-36, omanga omiyeka kwahomatiwa dha shuna pevi okuza piipotha 45 okuya 23.
Oshipotha shekwatonkonga shoka sha lopotwa omasiku ngoka moshitopolwa moka, osha lopotwa momudhingoloko gwaTsintsabi. Otaku hokololwa kutya omukiintu omunamimvo 30 okwa kwatwa onkonga omanga a li mondjila ye okuya kegumbo okuza puushiinda. Otaku popiwa kutya nakuninga oshihakanwa okwa li a longitha nayi iikolitha na ina vula okudhimbuluka omuponokeli gwe.
Kombinga yaanona, Kankoshi okwa popi kutya oya taalela oshiponga shokungilwa omiyonena sho taya thigwa momatonatelo gaaniilonga unene yomomagumbo, aalithi yiimuna, aashiinda oshowo aatonateli yalwe mboka kaye na ohenda nonkalo yuuntu.
Oshifokundaneki shoNamibian Sun okupitila molopota yiimbuluma yOpolisi yaShikoto, osha holola kutya okwa dhidhilikwa e yo pombanda lyomakwatonkonga taga ningilwa aanona aashona. Okwa lopotwa kutya oyendji yomaanona yoskola aamati otaya kwata onkonga aanona yaakadhona aashona, na otashi ningilwa moondjila dhokuya nenge okuza kooskola.
Iimbuluma mbyoka otayi longelwa miihwa.
KENYA KAMBOWE
Pahapu dhaKankoshi, aakiintu moshitopolwa shoka oya ninga iihakanwa yomakwatonkonga.
Ngoloneya okwa popi kutya olundji iimbuluma mbyoka otayi longwa uusiku nenge oonakuninga iihakanwa yeli kohi yodhungo.
“Omakwatonkonga ngoka otaga ningwa omausiku sho aakiintu taya thigi po oondunda dhomanwino, moondjila sho yuuka komagumbo gawo, na otaya ningi iihakanwa yoongangala ndhoka tadhi longo iimbuluma mbyoka. Aakiintu mboka ohaya kala yeli kohi yodhungo onkene itaya vulu okwiigamena,” Kankoshi a popi.
Ngoloneya gwaShikoto okwa popi ngaaka, pethimbo a ningi oshipopiwa shopashigwana shoshitopolwa she. Kankoshi okwa kondema nomuthindo onkalo yiimbuluma moshitopolwa she.
Okwa popi kutya nonando ongaaka iimbuluma moshitopolwa she oya shuna pevi sigo opiimbuluma 104 okuza piimbuluma 260 pokati komvula 2015 no 2017.
Ngoloneya gwaShikoto okwa tseyitha kutya, iipotha yomakwatonkonga oya shuna pevi okuza piipotha 72 okuya piipotha 18, omanga iipotha yomadhipago mbyoka yali po-10 ya shuna evi sigo opiipotha itatu mo-2017.
Omiyonena dhomomagumbo odha shuna pevi okuza piipotha 64 okuya piipotha 24, uulunga wiimuna owa shuna pevi okuza piipotha 72 okuya po-36, omanga omiyeka kwahomatiwa dha shuna pevi okuza piipotha 45 okuya 23.
Oshipotha shekwatonkonga shoka sha lopotwa omasiku ngoka moshitopolwa moka, osha lopotwa momudhingoloko gwaTsintsabi. Otaku hokololwa kutya omukiintu omunamimvo 30 okwa kwatwa onkonga omanga a li mondjila ye okuya kegumbo okuza puushiinda. Otaku popiwa kutya nakuninga oshihakanwa okwa li a longitha nayi iikolitha na ina vula okudhimbuluka omuponokeli gwe.
Kombinga yaanona, Kankoshi okwa popi kutya oya taalela oshiponga shokungilwa omiyonena sho taya thigwa momatonatelo gaaniilonga unene yomomagumbo, aalithi yiimuna, aashiinda oshowo aatonateli yalwe mboka kaye na ohenda nonkalo yuuntu.
Oshifokundaneki shoNamibian Sun okupitila molopota yiimbuluma yOpolisi yaShikoto, osha holola kutya okwa dhidhilikwa e yo pombanda lyomakwatonkonga taga ningilwa aanona aashona. Okwa lopotwa kutya oyendji yomaanona yoskola aamati otaya kwata onkonga aanona yaakadhona aashona, na otashi ningilwa moondjila dhokuya nenge okuza kooskola.
Iimbuluma mbyoka otayi longelwa miihwa.
KENYA KAMBOWE
Comments
Namibian Sun
No comments have been left on this article