Ekutho miilonga lyaaniilonga momina yaLanger Heinrich tali limbilike

Iilonga momina yaLanger Heinrich otayi hulithwa po naaniilonga otaya ka tumwa komagumbo. Aaniilonga owala ya thika po 20 taya ka kala miilonga.Amushanga-ndjai gwomineworkers' union, Desley Somseb, okwa popi kutya: “Shika kashi shi oshikando shotango omina yaLanger Heinrich tayi kutha miilonga aaniilonga. Aaniilonga ya thika po 300 oya li ya kanitha iilonga. Onkalo oya dhigupala noonkondo naantu moshikondo shouranium oya gumwa noonkondo kondando youranium.”Somseb okwa popi kutya, otaya yi molweendo komunkulofuta oshiwike shika, nokuka tala onkalo ndjoka.Omunashipundi gwoshitayi shoMUN, Paulus Iipumbu okwa popi kutya etseyitho ndyoka olye ya halutha.“Otwa li twa fekele kutya ope na omalongekidho geli ngaaka, ihe elelo olya kala tali popi kutya hasho tashi ningwa,” Iipumbu a popi. Pahapu dhaIipimbu okwa shangele ehangano ndyoka ta pula kombinga yonkalo ndjoka, opo ku ningwe etsokumwe li li nawa.Omunambelewa Omukuluntu gwomina ndjoka, Michael Itrona, oshiwike sha piti okwa tseyitha kutya omina ndjoka otayi ka tulwa momake gaakondololi naasilishisho.Itrona okwa popi kutya, otaku ka kuthwa miilonga omwaalu omunene gwaaniilonga naaniilonga owala aashona ngiika ye li po 20 mboka taya ka kala taya sile omina oshisho. Chamber of Mines of Namibia ina vula okutya sha pethimbo a ingilwa omapulaapilo kombinga yonkalo ndjoka.Omina ndjoka oya ningi ekanitho lyoomiliyona 876.7 mo 2017, pauyelele mboka wa lopota koChamber of Mines.Omina yaLanger Heinrich oya kuta miilonga aaniilonga taya kalelele ye li 296 oshowo aaniilonga yopakathimbo yeli 49.OGONE TLHAGE

Ekutho miilonga lyaaniilonga momina yaLanger Heinrich tali limbilike

Comments

Namibian Sun 2025-05-02

Please login to leave a comment

Ekutho miilonga lyaaniilonga momina yaLanger Heinrich tali limbilike

Comments

Namibian Sun 2025-05-02

Please login to leave a comment

Login