Ekutho miilonga lyaaniilonga komina yaSkorpion itali vulu okuyandwa
Vedanta otaka tula miilonga omukalo gweningululo ngoka ta gu kakutha miilonga aaniilonga ya thika po-278 komina ye yaRosh Pinah mUumbugatu woshilongo.
Uuyelele mboka owa gandjwa kOmukuluntu gwoSkorpion Zinc , Irvin Simataa ngoka mEtitano lya piti, a popi kutya shoka otashi etithwa komalunduluko ngoka taya ningi opo ya vule okulelepeka onkalamwenyo yiilonga yomina.
Simataa okwa popi kutya omolwa oshilambo shomina shonomola 103 shoka shina okutamekwa okulongwa meendelelo ope na omalunduluko taga ningwa molwaashoka omina yawo ndjoka itayi vulu okulonga po iilonga mbyoka , na oya pula omahangano galwe gokumina ga kutheko oshinakugwanitha shoka na oya hogolola ehangano lyaBasel Read Namibia.
“Ope na omalunduluko miilonga naandyoka etokolo lyopangeshefa. Iilonga mbyoka oya pumbwa okulongwa po meendelelo andola muule woomwedhi ndatu dhili komeho nangele hasho nena otashi ka etitha ekanitho lyiilonga lyomwaalu omunene gwa thika paaniilonga 1 500 nomatulilo gaLiindili otaga ka gumwa oshowo NamPower oshoka omina ndjoka ohayi longitha oopresenda 17 dholusheno moNamibia.”
Simataa okwa yelitha kutya ngele iilonga mbyoka inayi tameka nena otaya ka kala moshiponga shokukanitha omwaalu gwoshimaliwa gwa thika pomiliyona yimwe komwedhi naashoka otashi ka etitha epato lyomina ayihe. Kombinga yehangano lyaaniilonga, Simataa okwa popi kutya oya ningi oonkundathana nehangano lyaaniilonga muNovemba nale na oya tseyithile woo Komufala gwAaniilonga oshowo ongundu yaaniilonga mboka ya gumwa ketokolo ndyoka.
Okwa popi kutya oya ningi omatokolo pampito dhopatatu.
“Ompito yotango okugandja iifuta yekutho miilonga kaaniilonga yamwepo, ontiyali aaniilonga otaya ka longela Basel Read ngoka taka kwatela komeho okondalaka ndjoka nontitatu aaniilonga ayehe mboka ya gumwa otaya tulwa pevi ule woomvula mbali, nokonima otatu keya talulula.”
Omukomeho gwoChamber of Mines of Namibia , Veston Malango okwa popi kutya oshikumungu shompito onene yepato lyaVedanta osha simana noonkondo kuyo na oye na einekelo kutya otaku ka ningwa etokolo lyahugunina ndyoka tali ka kala ehwepo molwaashoka shoka otashi ka guma eliko lyondoolopa yaRosh Pinah.
OGONE TLHAGE
Uuyelele mboka owa gandjwa kOmukuluntu gwoSkorpion Zinc , Irvin Simataa ngoka mEtitano lya piti, a popi kutya shoka otashi etithwa komalunduluko ngoka taya ningi opo ya vule okulelepeka onkalamwenyo yiilonga yomina.
Simataa okwa popi kutya omolwa oshilambo shomina shonomola 103 shoka shina okutamekwa okulongwa meendelelo ope na omalunduluko taga ningwa molwaashoka omina yawo ndjoka itayi vulu okulonga po iilonga mbyoka , na oya pula omahangano galwe gokumina ga kutheko oshinakugwanitha shoka na oya hogolola ehangano lyaBasel Read Namibia.
“Ope na omalunduluko miilonga naandyoka etokolo lyopangeshefa. Iilonga mbyoka oya pumbwa okulongwa po meendelelo andola muule woomwedhi ndatu dhili komeho nangele hasho nena otashi ka etitha ekanitho lyiilonga lyomwaalu omunene gwa thika paaniilonga 1 500 nomatulilo gaLiindili otaga ka gumwa oshowo NamPower oshoka omina ndjoka ohayi longitha oopresenda 17 dholusheno moNamibia.”
Simataa okwa yelitha kutya ngele iilonga mbyoka inayi tameka nena otaya ka kala moshiponga shokukanitha omwaalu gwoshimaliwa gwa thika pomiliyona yimwe komwedhi naashoka otashi ka etitha epato lyomina ayihe. Kombinga yehangano lyaaniilonga, Simataa okwa popi kutya oya ningi oonkundathana nehangano lyaaniilonga muNovemba nale na oya tseyithile woo Komufala gwAaniilonga oshowo ongundu yaaniilonga mboka ya gumwa ketokolo ndyoka.
Okwa popi kutya oya ningi omatokolo pampito dhopatatu.
“Ompito yotango okugandja iifuta yekutho miilonga kaaniilonga yamwepo, ontiyali aaniilonga otaya ka longela Basel Read ngoka taka kwatela komeho okondalaka ndjoka nontitatu aaniilonga ayehe mboka ya gumwa otaya tulwa pevi ule woomvula mbali, nokonima otatu keya talulula.”
Omukomeho gwoChamber of Mines of Namibia , Veston Malango okwa popi kutya oshikumungu shompito onene yepato lyaVedanta osha simana noonkondo kuyo na oye na einekelo kutya otaku ka ningwa etokolo lyahugunina ndyoka tali ka kala ehwepo molwaashoka shoka otashi ka guma eliko lyondoolopa yaRosh Pinah.
OGONE TLHAGE
Comments
Namibian Sun
No comments have been left on this article