Ekanka lyaalongimeya olya nayipaleka onkalo
Pahapu dhomuunganeki gwopashitopolwa mehangano lyoMining, Metal, Maritime and Construction (MMMC) Union, Immanuel Petrus, aantu ya thika po-10 000 oya gumwa noonkondo konkalo yekanka ndyoka lya tameke mo-2015 na otali ningi uule woomwedhi 9 monena.
“Onkalo oya nayipala noonkondo na oya guma konyala aantu ayehe mwakwatela aanona naakulukadhi mboka taya si ondjala. Okuza koostola noombanga mOmbaye odha gumwa konkalo ndjika. Iilyo yimwe oyi na omikuli. Aantu inaya mona iiyemo uule wethimbo ele owa tegelela ya hupe ngiini yo oye na nomukilu ye na okudhifuta.”
“Ongame owala handi longo na otatu si ondjala molwaashoka ihatu li we ngaashi nale na otu na oongunga dhaantu. Otatu hupu owala kesilohenda lyaKalunga,” omuniilonga gwomegumbo na okuli omukulukadhi gumwe gwomaalongimeya mboka ye li mekanka a lombwele oNamibian Sun.
Petrus ota pula amushanga ta kalele mUuministeli wOOhi nOonzo dhomOmeya, Dr Moses Maurihungirire pamwe nomahangano opo ya ye moonkundathana ko ku adhike ekandulepo lyomukundu . Nonando ongaaka okwa popi kutya aaniilonga mboka otaya tsikile nekanka lyawo sigo onkalo yawo yiilonga ya hwepopalekwa, go omahangano ngoka itaga gwanitha po ompango taga tameke okwiiyutha kompango yaaniilonga.
Osha monikamo kutya omahangano gamwe oga heke aaniilonga opo ya shune miilonga mepingakanitho lyookondalaka oompe oshowo ondjambi yooN$4 000. Ookondalaka dhoka sho dha ngononwa okwa monika kutya, ondjambi ndjoka oyi na woo omukuli, moka omuntu ta futwa ooN$4 000 ihe ooN$3 000 oguli omukuli, ngoka tagu shunithwa muule woomwedhi ndatu.
Omupopiliko gwOndoolopa yaMbaye, Kevin Adams okwa popi kutya otashi ka kutha ethimbo okumona kutya onkalo ndjoka oya guma oonkalamwenyo dhaantu oshowo ondoolopa shithike peni.
Omunashipundi gwehangano lyoNamibian Chamber of Commerce and Industry (NCCI) mOshitayi shomOmbaye, Johnny Doeseb okwa pula opo kwaadhike etsokumwe na okwa pula omahangano omagandji giilonga gaye moonkundathana nounion ndjoka yi lilepo aaniilonga opo omukundu ngoka gu kandulwepo.
“Omakanka ihaga kandula po uupyakadhi. Ethimbo niimaliwa otayi hepa noopresenda 90 dheliko lyomOmbaye odhiikolelela koshikondo shoohi. Onkalo ndjoka oya etitha ompumbwe yoohi nomahangano ngoka haga landitha oohi itaga mono we ostoka naashoka otashi etitha ga kale itaga vulu okugwanitha po omatsokumwe ngoka ge na naalandi. Ngele kape na iiyemo nena otashi holola woo kutya itaku futwa sha. Ongeshefa oya gumwa noonkondo okuza koostola, aahingi yootaxi oshowo aalandithi yokapana.”
Aaniilonga mboka otaya yenyeta kutya ohaya longo monkalo ya nika oshiponga ihe ihaya futwa oondjambi dhili nawa. Oya popi kutya aahona yawo otaya ti kape na iimaliwa sho aaniilonga taya pula opo oondjambi dhawo dhigwedhelwe ihe aahona otaya hingi iihauto yondilo ya koha oomiliyona omanga yo taya pewa owala ondjambi yooN$7 000, ndjoka oyo ye na okutopola nokusila nayo oshisho aakwanezimo yawo.
OTIS FINCK
“Onkalo oya nayipala noonkondo na oya guma konyala aantu ayehe mwakwatela aanona naakulukadhi mboka taya si ondjala. Okuza koostola noombanga mOmbaye odha gumwa konkalo ndjika. Iilyo yimwe oyi na omikuli. Aantu inaya mona iiyemo uule wethimbo ele owa tegelela ya hupe ngiini yo oye na nomukilu ye na okudhifuta.”
“Ongame owala handi longo na otatu si ondjala molwaashoka ihatu li we ngaashi nale na otu na oongunga dhaantu. Otatu hupu owala kesilohenda lyaKalunga,” omuniilonga gwomegumbo na okuli omukulukadhi gumwe gwomaalongimeya mboka ye li mekanka a lombwele oNamibian Sun.
Petrus ota pula amushanga ta kalele mUuministeli wOOhi nOonzo dhomOmeya, Dr Moses Maurihungirire pamwe nomahangano opo ya ye moonkundathana ko ku adhike ekandulepo lyomukundu . Nonando ongaaka okwa popi kutya aaniilonga mboka otaya tsikile nekanka lyawo sigo onkalo yawo yiilonga ya hwepopalekwa, go omahangano ngoka itaga gwanitha po ompango taga tameke okwiiyutha kompango yaaniilonga.
Osha monikamo kutya omahangano gamwe oga heke aaniilonga opo ya shune miilonga mepingakanitho lyookondalaka oompe oshowo ondjambi yooN$4 000. Ookondalaka dhoka sho dha ngononwa okwa monika kutya, ondjambi ndjoka oyi na woo omukuli, moka omuntu ta futwa ooN$4 000 ihe ooN$3 000 oguli omukuli, ngoka tagu shunithwa muule woomwedhi ndatu.
Omupopiliko gwOndoolopa yaMbaye, Kevin Adams okwa popi kutya otashi ka kutha ethimbo okumona kutya onkalo ndjoka oya guma oonkalamwenyo dhaantu oshowo ondoolopa shithike peni.
Omunashipundi gwehangano lyoNamibian Chamber of Commerce and Industry (NCCI) mOshitayi shomOmbaye, Johnny Doeseb okwa pula opo kwaadhike etsokumwe na okwa pula omahangano omagandji giilonga gaye moonkundathana nounion ndjoka yi lilepo aaniilonga opo omukundu ngoka gu kandulwepo.
“Omakanka ihaga kandula po uupyakadhi. Ethimbo niimaliwa otayi hepa noopresenda 90 dheliko lyomOmbaye odhiikolelela koshikondo shoohi. Onkalo ndjoka oya etitha ompumbwe yoohi nomahangano ngoka haga landitha oohi itaga mono we ostoka naashoka otashi etitha ga kale itaga vulu okugwanitha po omatsokumwe ngoka ge na naalandi. Ngele kape na iiyemo nena otashi holola woo kutya itaku futwa sha. Ongeshefa oya gumwa noonkondo okuza koostola, aahingi yootaxi oshowo aalandithi yokapana.”
Aaniilonga mboka otaya yenyeta kutya ohaya longo monkalo ya nika oshiponga ihe ihaya futwa oondjambi dhili nawa. Oya popi kutya aahona yawo otaya ti kape na iimaliwa sho aaniilonga taya pula opo oondjambi dhawo dhigwedhelwe ihe aahona otaya hingi iihauto yondilo ya koha oomiliyona omanga yo taya pewa owala ondjambi yooN$7 000, ndjoka oyo ye na okutopola nokusila nayo oshisho aakwanezimo yawo.
OTIS FINCK
Comments
Namibian Sun
No comments have been left on this article