Ekandjo a yakelwa oongombe
Edhina lyaminista nale Jerry Ekandjo olya tumbulwa mompangu onga gumwe gwomonakuninga oshikakanwa shuulunga wiimuna moshipotha tashi tamanekelwa mayola nale gwEtanga lyEgameno lyaNamibia, Mayola-Ndjai Thomas Hamuyela.
02 August 2021 | Local News
KENYA KAMBOWE
RUNDU
Oshifokundaneki shoNamibian Sun osha holola elyenge lyuulunga wiimuna miitopolwa yaKavango moka aanambelewa yamwe yomayakulo guundjolowele wiimuna yepangelo ya kwatelwa.
Edhina lyaEkandjo olya holoka moNdiyona Periodic Court kuyele nuumvo, shoHamunyela a tulwa miipandeko momasiku 12 gaJanuari nuumvo ta fekelwa a yaka oongombe ntano momukunda Mutorwa moshitopolwa shaKavango West.
Hamunyela okwa kalelwapo kuhahende Sisa Namandje moshipotha shoka sha undulilwa komasiku 21 gaKotomba nuumvo mOmapngulilo yaMangestrata gwaRundu, opo opolisi yi vule okuninga omakonaakono.
Kwiikwatelelwa koolopota dhompangu, omukalelipo gwepangelo moshipotha shoka, Advocate Johan Pienaar, okwa li a pula Hamunyela ngele oku na ontseyo kombinga yoongombe dhaEkanddjo dhoka dha a dhika mofaalama ye.
Hamunyela okwa li a yamukula kutya okuuvu oongombe dhaEkandjo dha a dhika mofaalama yaAbraham Ndere.
“Ofaalama yandje oyi li oshinano shookilometa 83 okuza kofaalama yaEkandjo naashika oshikando shotango tandi uvu kutya oongombe dha Ekandjo odha a dhika mofaalama yandje.”
“Opwali oshipotha kutya minista nale Ekandjo okwa kanitha oongombe, kandi shi kutya odha yakwapo kule naampoka pwa adhika oongombe,” Komanda gwOppolisi mokavango West, Komufala Josephat Abel, a popi.
Ekandjo okwa popi kutya oshipotha shoka oshi li mompangu na okwa tindi okupopya kombinga yoshipotha shoka.
Epangelo otali popi nomuthindo kutya oli na oshipotha, shoka tashi tamanekelwa Hamunyela sho oongombe dhi na uupapa dha monika kutya osha yakwa okuza kuSipipa Thadeus Naironga.
Kanyetu Nicolaus Ndara, omupolisi ngoka a gandja uumbangi pethimbo lyepulakeno lyomboloha okwa popi kutya oya adha oongombe dhoka dhi na uupapa waHamunyela omanga mboka waNaironga wa kuthwako wumwe wa hwikwa po.
Gumwe gwomoombangi omunambelewa gwomayakulo guundjolowele wiimuna ngoka edhina lye li shiwike koshifokundaneki shika.
Elyenge lyuulunga wiimuna
Ndara okwa lombwele ompangu kutya otashi ulike kutya ope na elyenge lyuulunga wiimuna mwakwatelwa aanambelewa yomayakulo guudjolowele wiimuna mboka haya gandja uupapa wokomakutsi koonakuyaka iimuna.
Sho ya ningi omapulo kombinga yuupapa wiimuna yaHamunyela wumwe owa zi komvula yo 2017 omanga wumwe wa ningwa mesiku lyotango lyaJanuari momvula yo 2019. Okwa popi kutya esiku lyotango oya li esiku lyefudho.
Komufala Abel okwa tsukumwe naNdara, ta popi kutya opolisi otayi longo nuudhiginini mokuninga omakonaakono.
Okwa popi kutya otashi ulike pe na elyenge lyuumbudhi ndyoka lya kwatelamo aanambelewa naashoka osho tashi etitha uulunga mboka wuye pombanda.
Kombinga yoshipotha shaHamunyela, Abel okwa popi kutya Hamunyela okwa li e na uupapa wa gwedhwapo mboka a tula koongombe dhimwe naashoka osho tashi mu pangulitha.
Okwa tsikile kutya ngele owa landa ongombe nena uupapa wamwene gwoongombe nale owu na okukalako nongele owe wu kuthako nena owa pumbwa oku wu gandja.
RUNDU
Oshifokundaneki shoNamibian Sun osha holola elyenge lyuulunga wiimuna miitopolwa yaKavango moka aanambelewa yamwe yomayakulo guundjolowele wiimuna yepangelo ya kwatelwa.
Edhina lyaEkandjo olya holoka moNdiyona Periodic Court kuyele nuumvo, shoHamunyela a tulwa miipandeko momasiku 12 gaJanuari nuumvo ta fekelwa a yaka oongombe ntano momukunda Mutorwa moshitopolwa shaKavango West.
Hamunyela okwa kalelwapo kuhahende Sisa Namandje moshipotha shoka sha undulilwa komasiku 21 gaKotomba nuumvo mOmapngulilo yaMangestrata gwaRundu, opo opolisi yi vule okuninga omakonaakono.
Kwiikwatelelwa koolopota dhompangu, omukalelipo gwepangelo moshipotha shoka, Advocate Johan Pienaar, okwa li a pula Hamunyela ngele oku na ontseyo kombinga yoongombe dhaEkanddjo dhoka dha a dhika mofaalama ye.
Hamunyela okwa li a yamukula kutya okuuvu oongombe dhaEkandjo dha a dhika mofaalama yaAbraham Ndere.
“Ofaalama yandje oyi li oshinano shookilometa 83 okuza kofaalama yaEkandjo naashika oshikando shotango tandi uvu kutya oongombe dha Ekandjo odha a dhika mofaalama yandje.”
“Opwali oshipotha kutya minista nale Ekandjo okwa kanitha oongombe, kandi shi kutya odha yakwapo kule naampoka pwa adhika oongombe,” Komanda gwOppolisi mokavango West, Komufala Josephat Abel, a popi.
Ekandjo okwa popi kutya oshipotha shoka oshi li mompangu na okwa tindi okupopya kombinga yoshipotha shoka.
Epangelo otali popi nomuthindo kutya oli na oshipotha, shoka tashi tamanekelwa Hamunyela sho oongombe dhi na uupapa dha monika kutya osha yakwa okuza kuSipipa Thadeus Naironga.
Kanyetu Nicolaus Ndara, omupolisi ngoka a gandja uumbangi pethimbo lyepulakeno lyomboloha okwa popi kutya oya adha oongombe dhoka dhi na uupapa waHamunyela omanga mboka waNaironga wa kuthwako wumwe wa hwikwa po.
Gumwe gwomoombangi omunambelewa gwomayakulo guundjolowele wiimuna ngoka edhina lye li shiwike koshifokundaneki shika.
Elyenge lyuulunga wiimuna
Ndara okwa lombwele ompangu kutya otashi ulike kutya ope na elyenge lyuulunga wiimuna mwakwatelwa aanambelewa yomayakulo guudjolowele wiimuna mboka haya gandja uupapa wokomakutsi koonakuyaka iimuna.
Sho ya ningi omapulo kombinga yuupapa wiimuna yaHamunyela wumwe owa zi komvula yo 2017 omanga wumwe wa ningwa mesiku lyotango lyaJanuari momvula yo 2019. Okwa popi kutya esiku lyotango oya li esiku lyefudho.
Komufala Abel okwa tsukumwe naNdara, ta popi kutya opolisi otayi longo nuudhiginini mokuninga omakonaakono.
Okwa popi kutya otashi ulike pe na elyenge lyuumbudhi ndyoka lya kwatelamo aanambelewa naashoka osho tashi etitha uulunga mboka wuye pombanda.
Kombinga yoshipotha shaHamunyela, Abel okwa popi kutya Hamunyela okwa li e na uupapa wa gwedhwapo mboka a tula koongombe dhimwe naashoka osho tashi mu pangulitha.
Okwa tsikile kutya ngele owa landa ongombe nena uupapa wamwene gwoongombe nale owu na okukalako nongele owe wu kuthako nena owa pumbwa oku wu gandja.
Classifieds