Ehololomadhilaadhilo lyaailongi moRundu lya e ta iizemo
Ombaanga yoBank Windhoek otayi ka tulapo okambelewa kopakathimbo poshiputudhilo shaUnam moRundu oshiwike shika, opo ya vule okweendelelitha omukalo wokugandja uukalata wombaanga kaailongi ya vule okumona iifuta yawo yokuyambidhidha momailongo gawo okuza koshiputudhilo shoNamibia Student Financial Assistance Fund (NSFAF).
Shoka osha landula ehololomadhilaahilo ndyoka lya ningwa kaailongi mEtitano lyoshiwike sha piti okuza kiiputudhilo yopombanda ya yooloka, mboka ya ningi ehololomadhilaadhilo pombaanga yaBank Windhoek taya pula opo omakemo gawo guuvikwe kombaanga oshowo NSFAF.
Aailongi mboka oya nyenyeta kombinga yegandjo lyuukalata mboka okuza kombaanga yatumbulwa, moka ya holola kutya mesiku ombaanga ohayi gandja owala uukalata kaailongi ye li po 25 nokweetitha aailongi mboka ya kale momikweyo omileelela okuza ongula sigo oowili dhokupata iilonga.
Natango aniwa aailongi yamwe oya kala haya lala pehala mpoka pe na ombaanga ndjoka, taya tula moshiponga egameno lyawo opo ya vule okumona uukakalata mboka.
Pamukanda gwiikundaneki ngoka gwa pitithwa koNSFAF momasiku 8 gaNovemba, oshiputudhilo osha zimine kutya osha yakula omanyenyeto gaailongi mboka ya ningi ehololomadhilaadhilo ndyoka lyuunganekwa koNational Students Association (NASA).
NSFAF okwa popi kutya ekateko miifuta mbyoka inali pelwa ombedhi ombaanga yoBank Windhoek.
Omukanda ogwa holola kutya ombaanga ndjoka otayi ka tula po okambelewa kopakathimbo moUnam yaRundu, naailongi otaya ka pewa eyambidhidho okupitila mokambelewa hoka kopakathimbo. Oshiputudhilo osha tsikile kutya ekateko miifuta mbyoka olya etitha kompumbwe yiimaliwa oshowo omukalo gwaNSFAF gwomweni gwekwashilipaleko.
Oya tsikile kutya aailongi naya idhidhimike omanga efuto lyomailongo gawo tali ningwa.
Opo omwiilongi a vule okuyakula iifuta ye okwa pumbwa okukwashilipaleka kutya omukanda gwe gwetaambo moshiputudhilo, okondalaka ya shainwa oya tulwa komulandu gwopamalungula gwoshiputudhilo shaNSFAF nomwiilongi na kale natango e na okakalata hoka kombaanga yoBank Windhoek.
NSFAF okwa yelitha natango kutya otaya ka gandja owala oshimaliwa shooN$10 000 kaiilongi opo aailongi ayehe ya vule okumona sha, sha landula sho ya pewa owala oshimaliwa shobiliyona 1.1 okuza kepangelo.
Nonando ongaaka aailongi mboka ya ningi ekanka oya pula opo NSFAF a fute iimaliwa yawo ayihe ngaashi sha tothwa mo mokondalaka ndjoka ya shaina.
KENYA KAMBOWE
Aailongi mboka oya nyenyeta kombinga yegandjo lyuukalata mboka okuza kombaanga yatumbulwa, moka ya holola kutya mesiku ombaanga ohayi gandja owala uukalata kaailongi ye li po 25 nokweetitha aailongi mboka ya kale momikweyo omileelela okuza ongula sigo oowili dhokupata iilonga.
Natango aniwa aailongi yamwe oya kala haya lala pehala mpoka pe na ombaanga ndjoka, taya tula moshiponga egameno lyawo opo ya vule okumona uukakalata mboka.
Pamukanda gwiikundaneki ngoka gwa pitithwa koNSFAF momasiku 8 gaNovemba, oshiputudhilo osha zimine kutya osha yakula omanyenyeto gaailongi mboka ya ningi ehololomadhilaadhilo ndyoka lyuunganekwa koNational Students Association (NASA).
NSFAF okwa popi kutya ekateko miifuta mbyoka inali pelwa ombedhi ombaanga yoBank Windhoek.
Omukanda ogwa holola kutya ombaanga ndjoka otayi ka tula po okambelewa kopakathimbo moUnam yaRundu, naailongi otaya ka pewa eyambidhidho okupitila mokambelewa hoka kopakathimbo. Oshiputudhilo osha tsikile kutya ekateko miifuta mbyoka olya etitha kompumbwe yiimaliwa oshowo omukalo gwaNSFAF gwomweni gwekwashilipaleko.
Oya tsikile kutya aailongi naya idhidhimike omanga efuto lyomailongo gawo tali ningwa.
Opo omwiilongi a vule okuyakula iifuta ye okwa pumbwa okukwashilipaleka kutya omukanda gwe gwetaambo moshiputudhilo, okondalaka ya shainwa oya tulwa komulandu gwopamalungula gwoshiputudhilo shaNSFAF nomwiilongi na kale natango e na okakalata hoka kombaanga yoBank Windhoek.
NSFAF okwa yelitha natango kutya otaya ka gandja owala oshimaliwa shooN$10 000 kaiilongi opo aailongi ayehe ya vule okumona sha, sha landula sho ya pewa owala oshimaliwa shobiliyona 1.1 okuza kepangelo.
Nonando ongaaka aailongi mboka ya ningi ekanka oya pula opo NSFAF a fute iimaliwa yawo ayihe ngaashi sha tothwa mo mokondalaka ndjoka ya shaina.
KENYA KAMBOWE
Comments
Namibian Sun
No comments have been left on this article