Ehenye li li kohi yomeya ishewe

Sho omuloka ngoka gwa loko miitopolwa yilwe monooli yoshilongo gwa tambulwako nomaako ageye koyendji, aakalimo yomEhenye mOshakati otaya nyenyeta omolwa efundja ndyoka hali ya adha kehe omvula uuna okwa lokwa.Omagumbo ngoka ga tungwa kohi yopoloyeka yepangelo yetungo lyomagumbo gehwata yoMass Housing scheme, ohaga yi kohi yomeya aluhe ngele kwa lokwa unene.Oshifokundnaeki shika osha talelepo omudhilongoko ngoka, nomalugumbo gomagumbo ogendji ogeli kohi yomeya na osha ningitha oshidhigu aakalimo yomomagumbo ngoka ya ze mo momagumbo. Onkalo ndjoka oya etitha aakwashigwana oyendji ya lande omavi paumwene opo ya vule okutula moohofa dhawo yo ya vule okwiinyenga yamanguluka itaya ende momeya.Nonando ongaaka, shoka otashi ya pula iimaliwa oyindji, na oya popi kutya shoka oshinima sha li shina okukala sha talika pethimbo kwa tungwa omagumbo ngoka.Aakalimo yomomudhingoloko ngoka, mboka ya yi moonkundathana noshifokundaeki shoNamibian Sun, oya gandja uusama kepangelo okupitila melelo lyondoolpa yaShakati, molwaashoka oya ndopa okukandulapo uupyakadhi mboka omanga inaya gandja omagumbo kooyene.Oya popi kutya pethimbo lyomuloka omvula ya piti, oya li ya tegelela elelo lyondoolopa li ninge po sha, ihe natango oye ya thigi owala nomukundu ngoka.Aakwashigwana oya popi kutya nonando oya kala ya halela omagumbo gawo noonkondo, omikundu ngaashi ndhoka natango otadhi gandja uupyakadhi komapepe gawo. Oya pula elelo lyondoolopa opo li ka tuke oonkatu. Uupyakadhi mboka natango owa dhidhilikwa pomahala galwe gomagumbo ngaashi Ekuku oshowo omahala gomagumbo omape ngoka taga adhika mEhenye.Sho a ningilwa omapulaapulo kombinga yonkalo ndjoka, Mayola gwondoolopa yaShakati, Angelus Iyambo okwa popi kutya oye na ontseyo kombinga yuupyakadhi mboka. Okwa popi kutya ooyene yomagumbo oya pumbwa okutsakaneka elelo lyondoolopa ondjilakati mokukandula po uupyakadhi mboka, ta pula opo mboka taya vulu okulanda omavi, ya lande omavi.Mayola okwa tsikile kutya onkalo yeliko lyoshilongo oya nayipala pethimbo ndika, onkene itaya vulu okugandja omakwatho kaantu ayehe.“Onkalo ndjoka otu yi shi nomvula ya piti, otwa kwathele aantu yamwe po mboka yali ye na uupyakadhi wa faathana, na otatu tsikile okushi ningwa. Ngele onkalo oya dhigupala noonkondo nena otatu ka katuka oonkatu. Otu na okwiilonga okulongela kumwe,” Iyambo ta ti.Sho a pulwa kombinga yomukalo tagu kalelele mokukandulapo uupyakadhi mboka, okwa yamukula kutya ompumbwe yiiyemo oyo tayi dhana onkandangala moshinima shoka.KENYA KAMBOWE

Ehenye li li kohi yomeya ishewe

Comments

Namibian Sun 2025-07-15

Please login to leave a comment

Ehenye li li kohi yomeya ishewe

Comments

Namibian Sun 2025-07-15

Please login to leave a comment

Login