Ehangano lyaShilimela tali futithwa

JANA-MARI SMITHOVENDUKAOmupanguli mompangu yopombanda oshiwike sha piti okwa gandja zimino opo ku pulwe komeho noshipotha shefutitho, moka oonakuninga iihakanwa yaali taya futitha ehangano lyedhina Shilimela Security Services oshimaliwa sha thika poomiliyona 3 konima sho ya li ya yahwa kugumwe gwomoosekuriti dhehangano ndyoka moKatutura momvula yo 2017.Saara Kambuze oshowo Kristof Namukwambi oya tulamo oshipotha shefutitho konima yoomvula ndatu sho ya ehamekwa kooholo dha umbwa kugumwe gwomaaaniilonga yaShilimela pondunda yomanwino tayi adhika moSingle Quarters momasiku 27 Sepetemba 2017.Namukwambi ota pula ompangu opo yi gandje elombwelo kehangano ndyoka li mu fute oshimaliwa sha thika pomiliyona 1.5 omanga Kambuze ta pula a futwe oshimaliwa sha thika pooN$750 000.Shilimela okwa li a pula opo ompangu yi ekelehi oshipotha shoka.Ehangano olya popi kutya omuniilonga moshipotha shoka ina tumbulwa kedhina onkene itaya vulu okutamanekelwa omaihumbato gomuniilonga ita tumbulwa kedhina.Metiyali lyoshiwike sha piti, omupanguli Orben Sibeya okwa tokola kutya oshipotha shoka otashi vulu okupulakenwa, nehangano lyaShilimela otali vulu okupatanekelwa omaihumbato gwomuniilonga gwawo ina tumbulwa kedhina. Omupanguli okwa ekelehi omaipopilo gehangano.Moomikanda dhompangu, mwene gwehangano ndyoka, Banda Shilimela okwa popi kutya Kambuze naNamukwambi oya ndopele owina okuholola edhina lyomuniilonga shoka sha ningitha oshidhigu ehangano li mone kutya omuniilonga ngoka olye. “Onda kuta miilonga oosekuriti dhili po 500. Otandi mono owala ngele omuniilonga ngoka natango okuli miilonga ngele okwa tumbulwa kedhina.”Kambuze naNamukwambi otaya popi kutya oya ehamekwa noonkondo na osha etitha ya kale moshipangelo ethimbo li vulithe poshiwike.Ayehe oya popi kutya ooholo dhoka inadhi vula okukuthwwamo momalutu gawo molwaashoka odhili pomahala ga nika oshiponga. Oya kanitha iiyemo niilonga onga oshizemo sheyaho ndyoka, na otaya lumbu muuwehame.Kambuze okwa lombwele ompangu muJanuari kutya pauyelele mbka e na omakonaakono gopolisi moshipotha shoka oga hulile ondjilakati oomvula ndatu dha piti.Okwa lombwele ompangu kutya okwa patulula oshipotha nopolisi ihe konima yoomvula ndatu okwa lombwelwa kutya omakonaakono inaga manithwa. Okwa tsikile kutya opolisi oya ndopa okumu pa epeko lyomakonaakono mshipotha shoka.Banda okwa lundile Kambuze kutya ita vulu okugandja uumbangi ngele okwa patulula oshipotha na otashi vulika shi kale iifundja.Oshipotha shoka osha undulilwa komasiku 16 gaMaalitsa.Kambuze naNamukwambi otaya kalelwapo kuProfysen Muluti gwoMuluti and Partners, omanga Shilimela takalelwapo kuSilas-Kishi Shakumu.

Ehangano lyaShilimela tali futithwa

Comments

Namibian Sun 2025-05-02

Please login to leave a comment

Ehangano lyaShilimela tali futithwa

Comments

Namibian Sun 2025-05-02

Please login to leave a comment

Login