Ehanagulepo lyoombashu kalyi li pauntu

Ewawa lyOngundu yoSwapo olya holola omaiyuvo galyo gonayi omolwa Opolisi yOshilando shaVenduka ndjoka ya hanagula po oombashu dhaakwashigwanaa dha thika po-10 mOvenduka.Ewawa lyoSwapo Party Youth League olya popi kutya omikalo dhelelo lyoshilandopangelo dhokuhanagula po oombashu dhaakwashigwana kadhi li pauntu, na otadhi etitha ongundu yoSwapo yi kanithe omawi gaahogololi pethimbo lyomahogololo.“Natu kale twa kotoka kutya omaihumbato giiputudhilo yimwe otaga etitha aantu ya lundulule omatokolo gawo pethimbo lyomahogololo,” Ngoka ta longo pehala lyamushanga gwoSPYL, Veikko Nekundi ta ti.Nekundi okwa tothamo omaihumbato gamwe ga ningwa kelelo lyoshilando kutya kage li pauntu, ngaashi ehanagulepo lyoombashu dhaakwashigwana momudhingoloko gwa7de Laan, epato lyoongeshefa dhokuyoga iihauto, epato lyongeshefa yoIshitiile naashoka oshi li tashi thiminikile kongudhi aanyasha mboka yatokola okutula miilonga uunongo wawo pehala lyokukayaka nenge okukala mopandaanda.Okwa popi kutya opolisi yaVenduka, oya taaguluka ompango sho ya hanagulapo oombashu dhaakwashigwana mOmaandaha, ta ti kashi li mondjila okuhanagula po egumbo lyomuntu pwaahena ezimino lyompangu.Bernadine Mynhardt, omukalelipo gwopaveta koLegal Assistance Centre (LAC), okwa popi kutya ezimino lyompangu olya pumbiwa uuna taku hanagulwa po olukalwa lyomuntu nenge taku kuthwa pehala aantu mboka yeli meni lyevi lyamuni, kutya oyeli po shaali paveta.Metokolo lyompangu ndyoka lya li lya ningwa mo-2014, ompangu oya holola kutya ezimino ndyoka olya pumbiwa opo ku kuthwepo omagumbo gaakwashigwana mboka yiikuthile omahala.Natango mo-2013 , ompango ndjoka tayi indike mboka taya ikuthile evi okwa hololwa kutya itayi tsu kumwe nEkotampango lyoshilongo.Natango okwa li kwa hololwa kutya e yo moshipala lyaakwashigwana opo kaya ikuthile evi otali vulu okuyandwa ihe inaku yiwa pambambo uuthemba nuuwanawa waakwashigwana.Ompangu oya popi kutya ehanagulepo lyomagumbo gaakwashigwana otashi yi pondje nuuthemba wawo nuuwanawa wawo, onkene ezimino lyompango olya pumbiwa omanga inaku katukwa oonkatu dhasha opo ku talike tango koombinga adhihe.Omukomeho gwOpolisi yaVenduka, Abraham Kanime okwa popi kutya pamaiyuvo gopolisi omaihumbato gopolisi mOmaandaha oga li taga yanda onkalo yokwiikuthila evi na oga ningwa omanga eindilo lyopampangu inali manithwa. Okwa yelitha kutya aaikuthili yevi oya longekidha ehala momudhingoloko gulwe nokutha omalambo ihe kaya li ya mana sho opolisi ye ya yi moshipala nokupula ya kuthe po oombashu dhawo.Okwa pula kutya omolwashoka oSPYL tayi holola omaiyuvo gawo pamutumba gwiikundaneki pehala lyokuya moonkundathana nopolisi yoshilando.“Mboka aantu ya hala okuninga aanapolotika monakuyiwa ihe monena otaya hwahwameke omapiyagano. Oya hala oshilongo shi kale kashi na elelo nokuhwahwameka okwaahasimaneka oompango. Iinima yoludhi ndoka oya pumbwa okuyandwa,” Kanime ta ti. Okwa popile omaihumbato gOpolisi yOshilando mokuhanagula po oombashu dhaakwashigwana oshowo okupata oongeshefa dhokuyoga iihauto.“Otandi ku lombwele kutya tse aanambelewa yopolisi. Tse otuli oshitopolwa shoshigwana na otu na oshinakugwanithwa shokugamena oompango dhoshilongo.”Okwa popi kutya pehala lyoongundu dhopolotika dhoka dhili ompinge niilonga yawo dhi nyane iilonga yawo, naya hwahwameke aalanduli yawo ya simaneke oompango dhoshilongo.Nekundi okwa nyana woo omukalo tagu ende kashona unene kaantu mboka taya ningi omaindilo opo ya shangithe oongeshefa dhawo ngaashi ndhoka dhokuyoga iihauto.Okwa tsikile kutya elelo lyoshilando olya pumbwa okukala lyiilongekidha aluhe kutya omwaalu gwaantu omunene ogwa pumbwa omahala gokuza naashoka osho tashi etitha aantu yiikuthile evi.Kanime okwa popi kutya oya tamekithwa omahwahwameko kombinga yoongeshefa dhokuyoga iihauto mokati komvula yo-2016 nooyene yoongeshefa oya li ya pewa omayele nkene ye na okukonga omikanda ihe inaye shi ningwa. Oya li woo ya gandja omayele kombinga yetwato nawa lyomeya.Kanime okwa tsu omuthindo kutya oompango nadhi simanekwe kwaayehe.JANA-MARI SMITH

Ehanagulepo lyoombashu kalyi li pauntu

Comments

Namibian Sun 2025-05-16

Please login to leave a comment

Ehanagulepo lyoombashu kalyi li pauntu

Comments

Namibian Sun 2025-05-16

Please login to leave a comment

Login