Egweko lyolusheno monooli lya nyenyetwa
Nonando okwa lopotwa egweko lyolusheno iikando yontumba iishona pethimbo lyiituthi yomatango omanene monooli yoshilongo, egweko lyolusheno ngashiingeyi olya ninga omukalondjiigilile noshinima sha kehe esiku, kehe oshiwike, sha etitha aayakulwa mboka ya gumwa noonkondo ya pule opo aayandjakaneki yolusheno ya kandulepo omukundu ngoka.
Sho omuloka gwa tameka ngaashiingeyi okwa hololwa kutya onkalo yegweko lyolusheno otayi ka londa pombanda, naayakulwa otaya pula opo ku ningwe sha ko ku yandwe onkalo ndjoka tayi etitha ekanitho enene, mokati kaanangeshefa.
Aanangeshefa mboka ya yi moonkundathana noNamibian Sun oya popi kutya ohaya kanitha oshindji onga oshizemo sholusheno ndoka halu gu ko, ndoka poompitio dhimwe, haku kala kwaahena olusheno uule woowili 12, otaya gandja uusama kehangano lyoNorthern Regions Electricity Distribution Company (Nored).
“Uuna olusheno lya gu ko uule wethimbo ele, oongeshefa dhetu ohadhi gumwa noonkondo molwaashoka iilandithomwa yetu mbyoka yi li mookila dhokutalaleka otayi ningi nayi, na iinima ohatu yi ekelehi owala molwaashoka oya yonuka,” Petrus Nambinga, omunangeshefa gwomOshikuku a popi.
Nambinga okwa popi kutya olundji, egweko lyolusheno ohali holoka momahulilosiwke moka oongeshefa dhawo hadhi ende nawa okuyelela nomokati koshiwike. Omanga ethimbo lyiituthi yomatango omanene inali tameka okwa dhidhilikwa egweko lyolusheno olundji moondoolopa odhindji monooli yoshilongo ngaashi Oshakati, Oshikuku, Ongwediva nOndangwa moka olusheno halu gu ko ongula nolundji ohalu galuka owala kongulohi. Nonando ongaaka, omupopiliko gwehangano lyoNored, Simon Lukas okwa yelitha shoka hashi etitha egweko lyolusheno. Okwa popi kutya kashi shi ehalo lyawo andola okukala taya kutha ko olusheno ihe ohaye shi ningi uuna taya gwedhamo kastoma omupe, nenge poompito dhopaulumomhumbwe.
Lukas okwa yelitha kutya olundji shoka tashi etitha uupyakadhi mboka, iilongitho ya kulupa ngaashi oopala dholusheno dhoka dha kulupa, na otadhi pumbwa okulundululwa omathimbo nomathimbo.
Omunambelewa ngoka okwa popi kutya oyuuviteko omakemo goshigwana nompumbwe onene yolusheno, kutya otalu dhana onkandangala onene meyambulepo lyeliko lyoshilongo, na otaya kambadhala mpoka taya vulu opo onkalo ndjoka yi shunithwe pevi yo yi ha ninge oshinima sha kehe esiku.
KENYA KAMBOWE
Sho omuloka gwa tameka ngaashiingeyi okwa hololwa kutya onkalo yegweko lyolusheno otayi ka londa pombanda, naayakulwa otaya pula opo ku ningwe sha ko ku yandwe onkalo ndjoka tayi etitha ekanitho enene, mokati kaanangeshefa.
Aanangeshefa mboka ya yi moonkundathana noNamibian Sun oya popi kutya ohaya kanitha oshindji onga oshizemo sholusheno ndoka halu gu ko, ndoka poompitio dhimwe, haku kala kwaahena olusheno uule woowili 12, otaya gandja uusama kehangano lyoNorthern Regions Electricity Distribution Company (Nored).
“Uuna olusheno lya gu ko uule wethimbo ele, oongeshefa dhetu ohadhi gumwa noonkondo molwaashoka iilandithomwa yetu mbyoka yi li mookila dhokutalaleka otayi ningi nayi, na iinima ohatu yi ekelehi owala molwaashoka oya yonuka,” Petrus Nambinga, omunangeshefa gwomOshikuku a popi.
Nambinga okwa popi kutya olundji, egweko lyolusheno ohali holoka momahulilosiwke moka oongeshefa dhawo hadhi ende nawa okuyelela nomokati koshiwike. Omanga ethimbo lyiituthi yomatango omanene inali tameka okwa dhidhilikwa egweko lyolusheno olundji moondoolopa odhindji monooli yoshilongo ngaashi Oshakati, Oshikuku, Ongwediva nOndangwa moka olusheno halu gu ko ongula nolundji ohalu galuka owala kongulohi. Nonando ongaaka, omupopiliko gwehangano lyoNored, Simon Lukas okwa yelitha shoka hashi etitha egweko lyolusheno. Okwa popi kutya kashi shi ehalo lyawo andola okukala taya kutha ko olusheno ihe ohaye shi ningi uuna taya gwedhamo kastoma omupe, nenge poompito dhopaulumomhumbwe.
Lukas okwa yelitha kutya olundji shoka tashi etitha uupyakadhi mboka, iilongitho ya kulupa ngaashi oopala dholusheno dhoka dha kulupa, na otadhi pumbwa okulundululwa omathimbo nomathimbo.
Omunambelewa ngoka okwa popi kutya oyuuviteko omakemo goshigwana nompumbwe onene yolusheno, kutya otalu dhana onkandangala onene meyambulepo lyeliko lyoshilongo, na otaya kambadhala mpoka taya vulu opo onkalo ndjoka yi shunithwe pevi yo yi ha ninge oshinima sha kehe esiku.
KENYA KAMBOWE
Comments
Namibian Sun
No comments have been left on this article