Eenhana tadhi kondjitha okwaahena omagumbo
Ondoolopa yEenhana oya pangela okugandja ooplota dhokutunga omagumbo momvula twa taalela dha thika po 10 500, moonkambadhala dhokuya moshipala ompumbwe yomagumbo mondoolopa ndjoka.
ILENI NANDJATO
Ondoolopa ndjoka oya kala nokuyakula omaindilo gooplota ga thika pe 1 008 komvula kehe, muule woomvula hetatu dha piti.
Ope na woo omwaalu gu li pombanda gwomaindilo gooplota dhoka inadhi wapalekwa, sho momusholondondo gwaategeleli ngoka gu na ngashiingeyi omaindilo ge li pe 1 067.
Uuyelele mboka owa gandja Omunambelewa Omukuluntu gwondoolopa yEenhana, Walde Ndevashiya sho a popi kombinga yooplota ndhoka dha pewa ehangano lyoShack Dwellers Federation of Namibia (SDFN).
Omwedhi gwa piti ondoolopa yEenhana ya gandja ooplota dhi li 84 kehangano lyoSDFN, noyendji mboka ya pewa ooplota ndhoka, aakiintu mboka haya ilongele kuyoyene.
Ndevashiya okwa popi kutya elelo lyondoolopa olya gandja ooplota dha thika po 254 kehangano ndyoka okutameka omvula yo 2005, na olya tungu po ekwatathano ewanawa.
“Onga oonkambadhala okuya moshipala ompumbwe yomagumbo mEenhana elelo lyondoolopa olya dhidhilike esimano lyaakuthimbinga ayehe moshikumungu shoka, unene onkandangala ndjoka taya dhana. Ehangano lyoShack Dwellers Federation olya tameke mEenhana momvula yo 2005, sho elelo lyondoolopa lya tameke oprograma ya nuninwa okuhulitha po oombashu,” Ndevashiya a popi.
Okwa popi kutya melongelo kumwe nehangano ndyoka, ohali tungu po omusholondondo gwaaningi yomaindilo gevi nokugandja omusholondondo ngoka keleo lyondoolopa ndyoka, ha li gandja nduno omavi koonakuninga omaindilo mbyoka.
Ndevashiya okwa popi kutya momvula yo 2005, ehangano ndyoka olya pewa ooplota dhi li 22, momudhingoloko gwa Tulipamwe nokonima sho omagumbo ga tungwa, elelo olya gandja natango ooplota dhi li 50 mOukango Park. Lwanima ooplota natango dhili pe 108 odha gandjwa mOukango Park.
Ndevashiya okwa tsikile kutya opoloyeka adhihe ndhoka odha pu nawa, onkene odha thiminike elelo li gandje natango ooplota dha gwedhwa po dhi li 84, kehangano ndyoka, nopoloyeka ndjoka oya nuninwa aakwashigwana mboka haya mono iiyemo yi li pevi, opo ya vule okwiimonena omagumbo gomakuma.
Olukanda lwedhina Ombili olo olukanda lu na omwaalu guli pombanda gwaakalimo mondoolopa moka.
Momvula yo 2017, elelo lyondoolopa olya tembudhike aakalimo yeli po 2 470 kehala epe tali ithanwa Ekolola.
Pamakonaakono ngoka ga ningwa koShack Dwellers Federation, Namibia Housing Action Group oshowo elelo lyondoolopa muKotomba gwomvula ya piti, aantu ya thika po 6 425 ohaya zi mOmbili.
Ndevashiya okwa popi kutya elelo olya yakula omaindilo gevige li po 121 momvula kehe okuza kaakwashigwana mboka haya mono iiyemo yi li pevi, nomonena omwaalu ngoka ogu li 1 067.
Omunambelewa ngoka okwa popi kutya oya taalela uupyakadhi womwaalu gwaakwashigwana oyendji taya tembukile mondoolopa yawo omolwa okukonga uuhupilo, na otaya tungu po oombashu dhawo. Nonando omukalo gwegandjo lyevi mondoolopa otagu ende kashona, okuyeleka nomwaalu gwaakwashigwana mboka taye ya mo mondoolopa elelo olya ya moonkundathana nomahangano gopaumwene opo ku endelelithwe egandjo lyevi okupitila mopublic-private partnerships (PPPs).
Okwa popi kutya ondoolopa ndjoka oya mona omaindilo gomagumbo geli po 1 008 komvula kehe muule woomvula hetatu dha piti, nomagumbo geli po 2 066 oga tungwa okupitila mo PPPs ogendji natango okwa tegelelwa ga tungwe.
Elelo lyondoolopa natango otali tula miilonga egandjo lyooplota dhi li po 10 500 ndhoka kwa tegelelwa dhi wapalekwe, nooplota 4 500 dhomooplota ndhoka otadhi kala dha manithwa okuya momvula yo 2020, okupitila moprograma yoPPP.
Ondoolopa ndjoka oya kala nokuyakula omaindilo gooplota ga thika pe 1 008 komvula kehe, muule woomvula hetatu dha piti.
Ope na woo omwaalu gu li pombanda gwomaindilo gooplota dhoka inadhi wapalekwa, sho momusholondondo gwaategeleli ngoka gu na ngashiingeyi omaindilo ge li pe 1 067.
Uuyelele mboka owa gandja Omunambelewa Omukuluntu gwondoolopa yEenhana, Walde Ndevashiya sho a popi kombinga yooplota ndhoka dha pewa ehangano lyoShack Dwellers Federation of Namibia (SDFN).
Omwedhi gwa piti ondoolopa yEenhana ya gandja ooplota dhi li 84 kehangano lyoSDFN, noyendji mboka ya pewa ooplota ndhoka, aakiintu mboka haya ilongele kuyoyene.
Ndevashiya okwa popi kutya elelo lyondoolopa olya gandja ooplota dha thika po 254 kehangano ndyoka okutameka omvula yo 2005, na olya tungu po ekwatathano ewanawa.
“Onga oonkambadhala okuya moshipala ompumbwe yomagumbo mEenhana elelo lyondoolopa olya dhidhilike esimano lyaakuthimbinga ayehe moshikumungu shoka, unene onkandangala ndjoka taya dhana. Ehangano lyoShack Dwellers Federation olya tameke mEenhana momvula yo 2005, sho elelo lyondoolopa lya tameke oprograma ya nuninwa okuhulitha po oombashu,” Ndevashiya a popi.
Okwa popi kutya melongelo kumwe nehangano ndyoka, ohali tungu po omusholondondo gwaaningi yomaindilo gevi nokugandja omusholondondo ngoka keleo lyondoolopa ndyoka, ha li gandja nduno omavi koonakuninga omaindilo mbyoka.
Ndevashiya okwa popi kutya momvula yo 2005, ehangano ndyoka olya pewa ooplota dhi li 22, momudhingoloko gwa Tulipamwe nokonima sho omagumbo ga tungwa, elelo olya gandja natango ooplota dhi li 50 mOukango Park. Lwanima ooplota natango dhili pe 108 odha gandjwa mOukango Park.
Ndevashiya okwa tsikile kutya opoloyeka adhihe ndhoka odha pu nawa, onkene odha thiminike elelo li gandje natango ooplota dha gwedhwa po dhi li 84, kehangano ndyoka, nopoloyeka ndjoka oya nuninwa aakwashigwana mboka haya mono iiyemo yi li pevi, opo ya vule okwiimonena omagumbo gomakuma.
Olukanda lwedhina Ombili olo olukanda lu na omwaalu guli pombanda gwaakalimo mondoolopa moka.
Momvula yo 2017, elelo lyondoolopa olya tembudhike aakalimo yeli po 2 470 kehala epe tali ithanwa Ekolola.
Pamakonaakono ngoka ga ningwa koShack Dwellers Federation, Namibia Housing Action Group oshowo elelo lyondoolopa muKotomba gwomvula ya piti, aantu ya thika po 6 425 ohaya zi mOmbili.
Ndevashiya okwa popi kutya elelo olya yakula omaindilo gevige li po 121 momvula kehe okuza kaakwashigwana mboka haya mono iiyemo yi li pevi, nomonena omwaalu ngoka ogu li 1 067.
Omunambelewa ngoka okwa popi kutya oya taalela uupyakadhi womwaalu gwaakwashigwana oyendji taya tembukile mondoolopa yawo omolwa okukonga uuhupilo, na otaya tungu po oombashu dhawo. Nonando omukalo gwegandjo lyevi mondoolopa otagu ende kashona, okuyeleka nomwaalu gwaakwashigwana mboka taye ya mo mondoolopa elelo olya ya moonkundathana nomahangano gopaumwene opo ku endelelithwe egandjo lyevi okupitila mopublic-private partnerships (PPPs).
Okwa popi kutya ondoolopa ndjoka oya mona omaindilo gomagumbo geli po 1 008 komvula kehe muule woomvula hetatu dha piti, nomagumbo geli po 2 066 oga tungwa okupitila mo PPPs ogendji natango okwa tegelelwa ga tungwe.
Elelo lyondoolopa natango otali tula miilonga egandjo lyooplota dhi li po 10 500 ndhoka kwa tegelelwa dhi wapalekwe, nooplota 4 500 dhomooplota ndhoka otadhi kala dha manithwa okuya momvula yo 2020, okupitila moprograma yoPPP.
Comments
Namibian Sun
No comments have been left on this article