Domingo a monika ondjo medhipago
KENYA KAMBOWE
RUNDU
Ompangu yoPombanda mOshakati mOmaandaha ya mono ondjo
Castro Domingo (35) medhipago lyaCecilia Deborah Murotwa (26) moMukwe, sha ningwa momvula yo 2018.
Domingo okwa monika ondjo medhipago lyoshiningilawina na okwa monika woo ondjo mokuya moshipala iilonga yoshikondo shuuyuki, oshowo uulunga sho a ekelehi ongodhi yaMurotwa.
Omupeha omupanguli, Danie Small okwa undilile oshipotha shoka omasiku 25 Novemba.
Domingo ota kala modholongo.
Epangelo olya kalelwapo kudeputy prosecutor-general Ruben Shileka, omanga Domingo a kalelwapo kuLeonard Tjiveze.
Domingo okwa tulwa miipandeko konima sho a pondo Murotwa, ngoka a li naye mekwatathano lyopaihole sha ningilwa moMukwe muFebruali gwo2018 nokututumba omudhimba gwe oshinano shookilometa 200 okuya moRundu moka a fumbike omudhimba ngoka. Okwa zimine koshimbuluma shoka, na okwa fala opolisi mpoka a fumbika Murotwa.
Konima okwa lundulula ehokolola lye na okwa tindi ondjo medhipago ndyoka.
Oshipotha oshuundulilwa mompangu yopombanda moShakati muAguste gwomvula ya piti.
Omanga inashi falwa kompangu yopombanda Domingo okwa li a mangululwa uule womasiku gontumba molwaashoka epangelo kalya li lya pyakudhukwa oku mu pangula. Okwa tulululwa miipandeko sho oshigwana sha nyenyeta, sha etitha ombelewa yomupanguli-ndjai yiidhopemo.
RUNDU
Ompangu yoPombanda mOshakati mOmaandaha ya mono ondjo
Castro Domingo (35) medhipago lyaCecilia Deborah Murotwa (26) moMukwe, sha ningwa momvula yo 2018.
Domingo okwa monika ondjo medhipago lyoshiningilawina na okwa monika woo ondjo mokuya moshipala iilonga yoshikondo shuuyuki, oshowo uulunga sho a ekelehi ongodhi yaMurotwa.
Omupeha omupanguli, Danie Small okwa undilile oshipotha shoka omasiku 25 Novemba.
Domingo ota kala modholongo.
Epangelo olya kalelwapo kudeputy prosecutor-general Ruben Shileka, omanga Domingo a kalelwapo kuLeonard Tjiveze.
Domingo okwa tulwa miipandeko konima sho a pondo Murotwa, ngoka a li naye mekwatathano lyopaihole sha ningilwa moMukwe muFebruali gwo2018 nokututumba omudhimba gwe oshinano shookilometa 200 okuya moRundu moka a fumbike omudhimba ngoka. Okwa zimine koshimbuluma shoka, na okwa fala opolisi mpoka a fumbika Murotwa.
Konima okwa lundulula ehokolola lye na okwa tindi ondjo medhipago ndyoka.
Oshipotha oshuundulilwa mompangu yopombanda moShakati muAguste gwomvula ya piti.
Omanga inashi falwa kompangu yopombanda Domingo okwa li a mangululwa uule womasiku gontumba molwaashoka epangelo kalya li lya pyakudhukwa oku mu pangula. Okwa tulululwa miipandeko sho oshigwana sha nyenyeta, sha etitha ombelewa yomupanguli-ndjai yiidhopemo.
Comments
Namibian Sun
No comments have been left on this article