Cuba okwa dhana onkandangala memangululo lyaNamibia
Pethimbo sho kwa dhimbulukiwa Esiku lyaCassinga mOvenduka, Ngoloneya gwaKhomas Laura McLeod-Katjirua, okwa popi kombinga yonkandangala onene ya dhanwa kuCuba mekondjelo lyemanguluko lyaNamibia.
Okwa popi kutya Namibia okwa mono omakwatho gopaukuume okuza kaaCuba na itaka dhimbwa oonkambadhala ndhoka dha ningwa komalelo gaCuba mekondjelomanguluko lyaandjetu.
McLeod-Katjirua okwa popitha engungo lyaakwashigwana ya thika po-300, mboka ya kala poshituthidhimbuluko shEsiku lyaCassinga, shoka sha ningilwa moUN Plaza mOvenduka. Okwa lombwele aakali poshituthi shoka kutya Cassinga osha li owala ehala lyomina moka oontauki dhaNamibia dha kala tadhi thikile na olya longithwa onga ehala lyomathikilo gaamboka taya yi muupongekwa okuza moNamibia mokuwayimina ekondjelomanguluko.
Pahapu dhe, ehala ndyoka olya li naantu ya thika po-3 068, mwakwatelwa aanona 500 mboka yeli kohi yoomvula 14 aakiintu, oshowo aakokele, sho aakwiita yaSouth Afrika yeli ponokele.
Omalelo gaSouth Afrika pethimbo ndyoka ogiipopile kutya ehala ndyoka olya li tali longithwa onga oombonge oonene dhaSwapo.
“Oya ponokele aantu kaaye na ondjo ongula onene. Oomboma dhotango dhoka ya umbu mehala ndyoka odha li dhi na oohasa dhuuzigo niilwitho yokuyonagula ombepo yokufudhilamo, na oya gwitha po aantu yetu. Oya tumu oodhila dhiita opo dhi ka tomeke omulilo okamba ndjoka, nokudhipaga aantu ya thika po-900,” Ngoloneya ta ti.
Okwa popi kutya ombinzi ndjoka ya tika esiku ndyoka oyi li miikaha yaamboka ya ponokele okamba ndjoka esiku ndyoka.
Okwa tsikile kutya oshiponokela shoka nashi kale oshilongwa kaanyasha opo yiilonge yo ya longe nuudhiginini nokukondjela woo emanguluko lyopaliko moshilongo.
Rachel Jacob, Omunashipundi gwElelo lyOshitopolwa shaKhomas okwa popi kutya AaNamibia oya kondjo sigo ya mono eanguluko okuza miikaha yaakolonyeki.
Okwa popi kutya aakwashigwana na ya simaneke ondjokonona kutya emanguluko lyoshilongo olya za puudhigu, yo taya gamenene po woo ombili ndjoka tayi tyapulwa moshilongo monena.
Gumwe gwomooluhupe yaCassinga Ignatius Mwanyekange, okwa popi kutya oonakuhupa moshiponokela shoka otaya dhimbuluka nawa shoka sha holoka po ongula yesiku ndyoka. Okwa popi kutya oya gongala ongula opo andola yapewe iinakugwanothwa yawo yesiku sho aakwiita yaSouth Afrika ye ya ponokele.
“Oye tu ponokele noodhila dhiita oshowo omadhagadhaga nokudhigapa aantu itaya vulu okwiikwatha, oyendji aanona, aakiintu naakokele mboka oshimbuluma shoka ya longo okukala owala ya hala emanguluko lyoshilongo shawo.”
Mwanyekange okwa gwedha po kutya iilonga mbyoka ya longwa kepangelo lyokatongotongo oyi li oshikogo oshiluudhe aluhe mondjokonona yaNamibia. “ Oonakuhupa moshiponokela shoka itaya dhimbwa omamonitho giihuna ga ningilwa aantu yetu kaakwiita yaSouth Afrika.”
LIMBA MUPETAMI
Okwa popi kutya Namibia okwa mono omakwatho gopaukuume okuza kaaCuba na itaka dhimbwa oonkambadhala ndhoka dha ningwa komalelo gaCuba mekondjelomanguluko lyaandjetu.
McLeod-Katjirua okwa popitha engungo lyaakwashigwana ya thika po-300, mboka ya kala poshituthidhimbuluko shEsiku lyaCassinga, shoka sha ningilwa moUN Plaza mOvenduka. Okwa lombwele aakali poshituthi shoka kutya Cassinga osha li owala ehala lyomina moka oontauki dhaNamibia dha kala tadhi thikile na olya longithwa onga ehala lyomathikilo gaamboka taya yi muupongekwa okuza moNamibia mokuwayimina ekondjelomanguluko.
Pahapu dhe, ehala ndyoka olya li naantu ya thika po-3 068, mwakwatelwa aanona 500 mboka yeli kohi yoomvula 14 aakiintu, oshowo aakokele, sho aakwiita yaSouth Afrika yeli ponokele.
Omalelo gaSouth Afrika pethimbo ndyoka ogiipopile kutya ehala ndyoka olya li tali longithwa onga oombonge oonene dhaSwapo.
“Oya ponokele aantu kaaye na ondjo ongula onene. Oomboma dhotango dhoka ya umbu mehala ndyoka odha li dhi na oohasa dhuuzigo niilwitho yokuyonagula ombepo yokufudhilamo, na oya gwitha po aantu yetu. Oya tumu oodhila dhiita opo dhi ka tomeke omulilo okamba ndjoka, nokudhipaga aantu ya thika po-900,” Ngoloneya ta ti.
Okwa popi kutya ombinzi ndjoka ya tika esiku ndyoka oyi li miikaha yaamboka ya ponokele okamba ndjoka esiku ndyoka.
Okwa tsikile kutya oshiponokela shoka nashi kale oshilongwa kaanyasha opo yiilonge yo ya longe nuudhiginini nokukondjela woo emanguluko lyopaliko moshilongo.
Rachel Jacob, Omunashipundi gwElelo lyOshitopolwa shaKhomas okwa popi kutya AaNamibia oya kondjo sigo ya mono eanguluko okuza miikaha yaakolonyeki.
Okwa popi kutya aakwashigwana na ya simaneke ondjokonona kutya emanguluko lyoshilongo olya za puudhigu, yo taya gamenene po woo ombili ndjoka tayi tyapulwa moshilongo monena.
Gumwe gwomooluhupe yaCassinga Ignatius Mwanyekange, okwa popi kutya oonakuhupa moshiponokela shoka otaya dhimbuluka nawa shoka sha holoka po ongula yesiku ndyoka. Okwa popi kutya oya gongala ongula opo andola yapewe iinakugwanothwa yawo yesiku sho aakwiita yaSouth Afrika ye ya ponokele.
“Oye tu ponokele noodhila dhiita oshowo omadhagadhaga nokudhigapa aantu itaya vulu okwiikwatha, oyendji aanona, aakiintu naakokele mboka oshimbuluma shoka ya longo okukala owala ya hala emanguluko lyoshilongo shawo.”
Mwanyekange okwa gwedha po kutya iilonga mbyoka ya longwa kepangelo lyokatongotongo oyi li oshikogo oshiluudhe aluhe mondjokonona yaNamibia. “ Oonakuhupa moshiponokela shoka itaya dhimbwa omamonitho giihuna ga ningilwa aantu yetu kaakwiita yaSouth Afrika.”
LIMBA MUPETAMI
Comments
Namibian Sun
No comments have been left on this article