Cheda ta ka pewa oplota yilwe
Elelo lyondoolopa yaShakati oshiwike sha piti olya tokola kombinga yoshikumungu shegandjo lyevi lyegumbo komupanguli mOmpangu yoPombanda yaShakati, ngoka e li omukwashigwana gwaZimbambwe Maphios Cheda.
Cheda otaka pewa evi nonando oshigwana osha li sha holola omanyenyeto kutya AaNamibia naya talike tango.
Cheda okwa li nale a pewa oplota yonomola 4035 mOshakati's Extension 16 ndjoka ya li ya kuthwa omukwashigwana gwaNamibia, Patrick Shilongo.
Nonando ongaaka etokolo lyelelo okukutha Shilongo oplota opo yi gandjwepo kuCheda inali tambulwako kAaNamibia shoka sha etitha ehololo lyomadhilaadhilo momasiku 26 gApilili, ndyoka lya kwatelwa komeho koAffirmative Reposition (AR).
AR okwa pataneke egandjo kuCheda lyoplota ndjoka, ta popi kutya oya li nale ya pewa omukwashigwana gwaNAmibia mo 2015, ihe ngashiingeyi okwe yi kuthwa opo yi pewe omuzaizai, omanga pe na AaNamibia mboka ye li mompumbwe yevi.
Ondoolopa yaShakati oyi na ompumbwe yomagumbo ge li poo7 000.
Oshifokundaneki shoNamibian Sun osha pewa uuyelele kwaamboka ya kutha ombinga momutumba gwelelo lyondoolopa oshiwike sha piti mEtitatu kutya osha tokola kutya Shilongo naCheda ayehe otaya ka pewa ooplota dha yooloka na kayi shi we oplota yonomola 4035.
Sho a ningilwa omapulo, Omunambelewa omukuluntu gwelelo lyondolopa yaShakati, Werner Iita ngoka a kala momutumba ngoka ina vula okuzimina nenge a tinde ngele elelo olya tokola opo li gandje oplota yilwe kuChenda , ta popi kutya pampango ina pitikwa okuholola polweela uuyelele mboka.
KENYA KAMBOWE
Cheda otaka pewa evi nonando oshigwana osha li sha holola omanyenyeto kutya AaNamibia naya talike tango.
Cheda okwa li nale a pewa oplota yonomola 4035 mOshakati's Extension 16 ndjoka ya li ya kuthwa omukwashigwana gwaNamibia, Patrick Shilongo.
Nonando ongaaka etokolo lyelelo okukutha Shilongo oplota opo yi gandjwepo kuCheda inali tambulwako kAaNamibia shoka sha etitha ehololo lyomadhilaadhilo momasiku 26 gApilili, ndyoka lya kwatelwa komeho koAffirmative Reposition (AR).
AR okwa pataneke egandjo kuCheda lyoplota ndjoka, ta popi kutya oya li nale ya pewa omukwashigwana gwaNAmibia mo 2015, ihe ngashiingeyi okwe yi kuthwa opo yi pewe omuzaizai, omanga pe na AaNamibia mboka ye li mompumbwe yevi.
Ondoolopa yaShakati oyi na ompumbwe yomagumbo ge li poo7 000.
Oshifokundaneki shoNamibian Sun osha pewa uuyelele kwaamboka ya kutha ombinga momutumba gwelelo lyondoolopa oshiwike sha piti mEtitatu kutya osha tokola kutya Shilongo naCheda ayehe otaya ka pewa ooplota dha yooloka na kayi shi we oplota yonomola 4035.
Sho a ningilwa omapulo, Omunambelewa omukuluntu gwelelo lyondolopa yaShakati, Werner Iita ngoka a kala momutumba ngoka ina vula okuzimina nenge a tinde ngele elelo olya tokola opo li gandje oplota yilwe kuChenda , ta popi kutya pampango ina pitikwa okuholola polweela uuyelele mboka.
KENYA KAMBOWE
Comments
Namibian Sun
No comments have been left on this article