'Black Mamba' a pewa omboloha
Omudhani gwuudhano woongonyo, Willberforce Shihepo okwa pewa omboloha miipotha ya thika pu ine mbyoka ta tamanekelwa omolwa oshiponga shohauto shoka sha faalela omwenyo gwomulumentu nokanona.
Omwedhi gumwe ngashiingeyi gwa piti, sha landula oshiponga shinyanyaleki sho a hingi nuuhasha sha etitha eso lyokanona koomvula hamano oshowo omulumentu omukuluntu.
Willberforce Shihepo okwa pewa omboloha yoshimaliwa shooN$7 000 mOmpangu yaMangestrata gwaKahandja mOmaandaha.
Shihepo ota tamanekwa omolwa oshiponga shoka sha ningwa mOlyomakaya yomasiku 28 gaKotomba lwopotundi onti-20:00 oshinano shookilometa 30 muumbugantu waKahandja.
Ota tamanekelwa woo oshipotha shedhipago lyaashi lyoshiningilawina, okundopa okuthikama pehala lyoshiponga, okukutha po ehauto pehala mpoka lya thikama konima yoshiponga oshowo okundopa okugandja ekwatho kwaamboka yeehamekelwa moshiponga.
Konima sho atulwa miipandeko, okwa tulilwamo woo oshipotha shokushinga ohauto kayi na oombaapila, oshowo sho a ndopa okugandja ekwatho kwaamboka ya monena oshiponga moshiponga shoka. Iipotha mboka oya kuthwa mo manga, pauyelele wa kolekwa komunambewa gwompangu.
Omunambelewa ngoka okwa popi kutya inashi yela natango ngele Shihepo okwa futa tuu omboloha ndjoka.
Toivo Linda Teopoline Nghipuyoonda (6) oshowo Likius Petrus (54) oya dhipagelwa moshiponga shoka, sho ohauto yaShihepo yiidhenge mohauto yawo moka yali okuzilila konima.
Aanambelewa aagandji yuunamiti oya kambadhala okuhupitha oomwenyo dhawo sho ye ya tetemo mo miiteleka yehauto.
Otaku popiwa kutya ohauto yaShihepo inayi shangithwa ethimbo ya ningi oshiponga shoka.
Olopota natango oya holola kutya Shihepo okwa thigi po ehala lyoshiponga, na omanga oshiponga shoka inashi holoka okwa li aniwa a thikamekwa kopolisi peinda lyondjila omolwa okuya pondje oompango.
Opolisi oyali ya yi molukongo lwaShihepo, sha etitha ye mwene opo iigandje kopolisi mOmaandaha konima yoshiponga shoka sha ningwa mOlyomakaya yomasiku ga tumbulwa. Okwa tindilwa omboloha pethimbo a holoka komesho yompangu tango.
Shihepo okwa li nale enyakwa muudhano woWorld Boxing Organisation Africa super middleweight, noshipotha she osha undulilwa komasiku o 30 Januari 2018.
JANA-MARI SMITH
Omwedhi gumwe ngashiingeyi gwa piti, sha landula oshiponga shinyanyaleki sho a hingi nuuhasha sha etitha eso lyokanona koomvula hamano oshowo omulumentu omukuluntu.
Willberforce Shihepo okwa pewa omboloha yoshimaliwa shooN$7 000 mOmpangu yaMangestrata gwaKahandja mOmaandaha.
Shihepo ota tamanekwa omolwa oshiponga shoka sha ningwa mOlyomakaya yomasiku 28 gaKotomba lwopotundi onti-20:00 oshinano shookilometa 30 muumbugantu waKahandja.
Ota tamanekelwa woo oshipotha shedhipago lyaashi lyoshiningilawina, okundopa okuthikama pehala lyoshiponga, okukutha po ehauto pehala mpoka lya thikama konima yoshiponga oshowo okundopa okugandja ekwatho kwaamboka yeehamekelwa moshiponga.
Konima sho atulwa miipandeko, okwa tulilwamo woo oshipotha shokushinga ohauto kayi na oombaapila, oshowo sho a ndopa okugandja ekwatho kwaamboka ya monena oshiponga moshiponga shoka. Iipotha mboka oya kuthwa mo manga, pauyelele wa kolekwa komunambewa gwompangu.
Omunambelewa ngoka okwa popi kutya inashi yela natango ngele Shihepo okwa futa tuu omboloha ndjoka.
Toivo Linda Teopoline Nghipuyoonda (6) oshowo Likius Petrus (54) oya dhipagelwa moshiponga shoka, sho ohauto yaShihepo yiidhenge mohauto yawo moka yali okuzilila konima.
Aanambelewa aagandji yuunamiti oya kambadhala okuhupitha oomwenyo dhawo sho ye ya tetemo mo miiteleka yehauto.
Otaku popiwa kutya ohauto yaShihepo inayi shangithwa ethimbo ya ningi oshiponga shoka.
Olopota natango oya holola kutya Shihepo okwa thigi po ehala lyoshiponga, na omanga oshiponga shoka inashi holoka okwa li aniwa a thikamekwa kopolisi peinda lyondjila omolwa okuya pondje oompango.
Opolisi oyali ya yi molukongo lwaShihepo, sha etitha ye mwene opo iigandje kopolisi mOmaandaha konima yoshiponga shoka sha ningwa mOlyomakaya yomasiku ga tumbulwa. Okwa tindilwa omboloha pethimbo a holoka komesho yompangu tango.
Shihepo okwa li nale enyakwa muudhano woWorld Boxing Organisation Africa super middleweight, noshipotha she osha undulilwa komasiku o 30 Januari 2018.
JANA-MARI SMITH
Comments
Namibian Sun
No comments have been left on this article