AR a pandula Ombudsman
Ehwahwameko lyoAffirmative Repositioning (AR) olya pandula ombudsman, John Walters, sho a tseyitha kutya otaka ninga iigongi noshigwana onga oshitopolwa shoonkambadhaala ndhoka ta ningi opo a konaakone kutya epangelo olya topola oofaalama dhomatulululo momukalo guli ngiini.
Iigongi mbyoka otayi ka ningwa momasiku 3 Juli moMariental, 5 Juli moGobabis, 10 Juli mOtjiwarongo, 11 Juli moKaribib, 24 Juli moKeetmanshoop oshowo momasiku 26 no 27 Juli mOvenduka.
Omitumba ndhoka tadhi ningwa noshigwana osha landula etamekitho lyomakonaakono okuudha ngoka taga ningwa kuWalters, kombinga yomulandu nomukalo gwa longithwa mokutululula AaNamibia.
Omakonaakono ngoka oga landula sho epangelo lya tokola okugandja ofaalama komuselekadhi gwependafule lyaNamibia, Andimba Herman Toivo Ya Toivo, ngoka a li nale a pewa ofaalama momvula yo 2015 moGross Otjomune, moshitopolwa shErongo.
MuMaalitsa gwonuumvo, uuministeli womavi owa tula etseyitho moshikundaneki kutya otawu tululula Vicki Erenstein Ya Toivo moshitopolwa shaA moFarm Joyce, yuunene woohecta 2 376 moshitopolwa Omaheke.
Erenstein Ya Toivo okwa li popi kutya okwa ningi eindilo lyevi, ta popi kutya osha kala oonkambadhala tadhi ningwa komusamane gwe opo yamone ehala ewananawa nokutulululwa, molwaashoka ofaalama ndjoka ya pewa oyi li kokule nOvenduka, na oyi li momudhingoloko omuwinayi.
Okwa tsikile kutya ofaalama ndjoka ye na nale kayi na egumbo lyaaniilonga nenge egumbo lyokukala, omboola ndjoka yi li mo oya teka na kayi na ondhalate.
Omukomeho gwoAR, Job Amupanda, okwa popi, kutya oya pandula oonkambadhala ndhoka tadhi ningwa kuWalters, naashoka oshi li oshizemo shoonkambadhala tadhi ningwa kehwahwameko lyawo ndyoka tali kondjele uuwanawa dhaathigona.
Okwa pula woo oshigwana unene aayambidhidhi yoAR ya kuthe ombinga momitumba ndhoka.
Okwa tsikile kutya oya nongele kutya aakengeli mboka taya longo uulingilingi moshilongo otaya ningi oompangela, opo omitumba ndhoka dhi ndope.
Okwa pula natango AR a hwahwameke omitumba ndhoka opo dhi kuthwe ombinga kaakwashigwana oyendji.
Amupanda okwa popi kutya ope na iipotha oyindji moka oofaalama dha pewa aantu mboka inaya gwanitha po iipumbiwa , onkene aayambidhidhi naahwahwameki yiikumungu yevi oshowo mboka kaye na evi na ya gandje omanyenyeto gawo kutya oofaalama ndhoka odha gandjwa ngiini kwaamboka inaya gwanitha po iipumbiwa, muuwanawa waanapolotika naakwanezimo yawo.
“Ayehe mboka ya ningi omaindilo opo ya tulululwe moofaalama ndhoka ihe inaya tseyithilwa kombinga yoshizemo shomaindilo gawo, oya pumbwa okugandja omadhina gawo nuuyelele wawo, oshowo omasiku moka ya ningi omaindilo. Natu kaleni tu na uuyelele mboka.”
JEMIMA BEUKES
Iigongi mbyoka otayi ka ningwa momasiku 3 Juli moMariental, 5 Juli moGobabis, 10 Juli mOtjiwarongo, 11 Juli moKaribib, 24 Juli moKeetmanshoop oshowo momasiku 26 no 27 Juli mOvenduka.
Omitumba ndhoka tadhi ningwa noshigwana osha landula etamekitho lyomakonaakono okuudha ngoka taga ningwa kuWalters, kombinga yomulandu nomukalo gwa longithwa mokutululula AaNamibia.
Omakonaakono ngoka oga landula sho epangelo lya tokola okugandja ofaalama komuselekadhi gwependafule lyaNamibia, Andimba Herman Toivo Ya Toivo, ngoka a li nale a pewa ofaalama momvula yo 2015 moGross Otjomune, moshitopolwa shErongo.
MuMaalitsa gwonuumvo, uuministeli womavi owa tula etseyitho moshikundaneki kutya otawu tululula Vicki Erenstein Ya Toivo moshitopolwa shaA moFarm Joyce, yuunene woohecta 2 376 moshitopolwa Omaheke.
Erenstein Ya Toivo okwa li popi kutya okwa ningi eindilo lyevi, ta popi kutya osha kala oonkambadhala tadhi ningwa komusamane gwe opo yamone ehala ewananawa nokutulululwa, molwaashoka ofaalama ndjoka ya pewa oyi li kokule nOvenduka, na oyi li momudhingoloko omuwinayi.
Okwa tsikile kutya ofaalama ndjoka ye na nale kayi na egumbo lyaaniilonga nenge egumbo lyokukala, omboola ndjoka yi li mo oya teka na kayi na ondhalate.
Omukomeho gwoAR, Job Amupanda, okwa popi, kutya oya pandula oonkambadhala ndhoka tadhi ningwa kuWalters, naashoka oshi li oshizemo shoonkambadhala tadhi ningwa kehwahwameko lyawo ndyoka tali kondjele uuwanawa dhaathigona.
Okwa pula woo oshigwana unene aayambidhidhi yoAR ya kuthe ombinga momitumba ndhoka.
Okwa tsikile kutya oya nongele kutya aakengeli mboka taya longo uulingilingi moshilongo otaya ningi oompangela, opo omitumba ndhoka dhi ndope.
Okwa pula natango AR a hwahwameke omitumba ndhoka opo dhi kuthwe ombinga kaakwashigwana oyendji.
Amupanda okwa popi kutya ope na iipotha oyindji moka oofaalama dha pewa aantu mboka inaya gwanitha po iipumbiwa , onkene aayambidhidhi naahwahwameki yiikumungu yevi oshowo mboka kaye na evi na ya gandje omanyenyeto gawo kutya oofaalama ndhoka odha gandjwa ngiini kwaamboka inaya gwanitha po iipumbiwa, muuwanawa waanapolotika naakwanezimo yawo.
“Ayehe mboka ya ningi omaindilo opo ya tulululwe moofaalama ndhoka ihe inaya tseyithilwa kombinga yoshizemo shomaindilo gawo, oya pumbwa okugandja omadhina gawo nuuyelele wawo, oshowo omasiku moka ya ningi omaindilo. Natu kaleni tu na uuyelele mboka.”
JEMIMA BEUKES
Comments
Namibian Sun
No comments have been left on this article