APP ta ningi omatilitho

Ongundu yoAll People's Party (APP) otayi ningi omatilitho gokuya moshipala omahogololo guukansela mOshakati East konima sho omuhogololwa gongundu ndjoka, Tangy Mike Shilongo a ndopa okwiishangitha pethimbo.Esiku lyahugunina lyomaishangitho olya li Omaandaha potundi onti 11:00 ihe Shilongo okwa thiki konima yowili yimwe omaishangitho ga hula nale, pethimbo omunambelewa gwomahogololo mokakomisi koElectoral Commission of Namibia (ECN) mOshakati East, Efraim Iiyambo a li ta ulikile iikundaneki mboka yiishangithwa.Pampango onti 5 yOmahogololo yomomvula yo 2014, montopolwa onti 81(1) yOmahogololo omaishangitho ohaga ningwa pokati kotundi onti 09:00 sigo 11:00, ihe ngele ope na ngoka a thiki potundi yahugunina a pyakudhukwa okugandja edhina lyomuhogololwa nena omunambelewa gwomahogololo ota vulu okutsikila sigo omuhogololwa a shangithwa.Amushanga gwongundu yoAPP, Vincent Kanyetu okwa popi kutya ECN na pitike omuhogololwa gwawo iishangithe nenge otaya ka ya moshipala omahogololo ngoka.“Eeno oshili kutya omuhogololwa gwetu okwa thiki a lata ihe ompango otayi utha kutya omuntu natango ota vulu okwiishangitha pokati kotundi onti 11:00 notundi 12:00, na otwa tegelelwa ye tu lombwele kutya otatu ningi ngiini.Iyambo okwa popi kutya ethimbo lyokwiishangitha olya gandjwa lya gwana na okwa kwashilipaleke kutya mboka ya holola ohokwe okwiishangitha oya shangithwa.“Shilongo tango okwa tameke ta nyenyeta kombinga yondjila ndjoka ya uka kOmpundja kutya kayi li nawa opo iile ombaapila yomaishangitho, na onde ya faalele ofoloma kegumbo lyawo iiwike iyali ya piti. Ongula yonena onde mu dhengele kutya na kale a kwashilipaleka kutya okwiishangitha omanga otundi onti 11:00 inayi dhenga,” Iyambo a popi.Omahogololo ngoka otaga ningwa sha landula eso lyakansela gwoshikandjohogololo Oshakati East, Lotto Kuushomwa, ngoka a hulitha momasiku 27gaMei.Iyambo okwa tseyitha kutya aakuthimbinga yahamano oyiishangitha momahogololo ngoka taga ningwa momasiku 24 gaAguste.Mboka yiishangitha ongundu yoSwapo, Popular Democratic Movement (PDM), South West Africa National Union (Swanu), Namibian Economic Freedom Fighters (NEFF) oshowo ongundu Congress of Democrats (CoD). Okwiishangitha woo omuhogololwa iithikamena. Swapo ota kalelwa po kuShikongo Abner, omanga Iyambo Ilias ta kalelepo ongundu yoCoD.Ongundu yoPDM oya hogolola Kamati Teophilus, Rebecca Kambayi ota kalelepo ongundu yoSwanu, Shaduva Festus Damamomwene ota kalelepo ongundu yoNEFF. Boka otaya wayiminwa komuhogololwa iithikamena Fiina Kuutondokwa.Iyambo okwa kunkilile aakuthimbinga opo ya kaninge omahwahwameko ya kwashilipaleke kutya iizemo yomahogololo otayi ke ya shambula.Okwa popi kutya edheulo lyaanambelewa yomahogololo otali ningwa momasiku 16 sigo 22 gaAguste omanga iilongitho yomahogololo tayi yakulwa momasiku 23 gaAguste.Otaku ka kala omahala gokuhogololela geli po 21.Pethimbo lyomahogololo gomalelo ngoka ga ningwa momvula yo 2015. Mokati kaaishangithi yomahogololo o 17 630, aantu owala yeli po 5 881 ya hogolola mOshakati East. Kuushomwa okwa sindana omahogololo ngoka nomawi 5 559, a landulwa kuDaniel Andreas gwoPDM ngoka a zimo nomawi 241.Natangwe Shiwayu gwongundu yoRally for Democracy and Progress (RDP) okwa mono omawi 81.ILENI NANDJATO

APP ta ningi omatilitho

Comments

Namibian Sun 2025-10-31

Please login to leave a comment

APP ta ningi omatilitho

Comments

Namibian Sun 2025-10-31

Please login to leave a comment

Subscription Required to Access Content ×

Login

Subscription Required to Access Content