Amalwa a ninguluka
Elenga lyoshikandjohogololo Oniimwandi, Naeman Amalwa olya popi kutya ka li a yelithilwa nawa pethimbo a tokola okuninga etokolo nokupilamena Fillemon Shuumbwa Nangolo oshowo ookansela yalwe yahamano mboka ya li ya tidhwa miilonga kOmukwaniilwa nale gwaNdonga, Immanuel Kauluma Elifas momvula yo 2017.
Amalwa ngashiingeyi ota hwahwameke aantu yomoshikandjo she opo ya yambidhidhe Nangolo onga omukwaniilwa gwawo omupe nonando okuli a tulwa momusholondndo gwaantu ya hetatu mboka ya ningi eindilo mompangu taya pataneke etokolo lya ningwa kominista yomalelo goondoolopa niitopolwa Peya Mushelenga opo a zimine Nangolo a ninge omulanduli gwomukwaniilwa Elifas.
Amalwa okwa li gumwe gwomaaleli yaali mboka ya ziminwa kepangelo mboka ye li oshitopolwa shongundu ndjoka tayi yambidhidha Konis Eino Kalenga onga omukwaniilwa gwaNdonga nomulanduli gwaElifas.
Amalwa okwa ningi oshigongi shaakwashigwana mOlyomakaya ga piti mOniimwandi.
Ina kala poshigongi shoka ihe okwa tumu gumwe gwomaakokele mOniimwandi, Uno Nashandi opo e mu kalelepo nokuthikitha etumwalaka lye moshigwana.
“Onda tumwa kelenga enene Amalwa opo ndi mu tseyithile kutya okwa taambako etokolo ndyoka lya ningwa kepangelo opo li zimine Nangolo onga Omukwaniilwa gwaNdonga. Onkene ote mu pula opo mu yambidhidhe omukwaniilwa Nangolo,” Nashandi a lombwele aakwashigwana.
“Amuhe omwa hiwa koshituthi sho ku mu tula koshipundi shoka tashi ningwa momasiku 29 gaJuni mOnambango.”
Sho a ningilwa omapulo, Amalwa okwa popi kutya okwa kala nontseyo kutya Nangoloo oye uulikwa komukwaniilwa mwene ngoka a hulitha momwedhi Apilili nuumvo, onga omulanduli gwe. Amalwa okwa popi kutya ina yi wa naye moonkundathana kombinga yoshipotha oshipe shoka sha falwa kompangu onkene ina shaina endilo ndyoka lya ningwa kompangu.
“Onga aaleli twa ziminwa kepangelo otwa kutwa kepangelo na oko hatu mono oondjambi dhetu dhokomwedhi. Epangelo olya zimina Nangolo onga omukwaniilwa onkene kape na we shilwe shoka tandi vulu okuninga shaaheshi okusimaneka etokolo ndyoka lya ningwa kepangelo. Sha landula etokolo ndyoka onda yi kaaantu yomOniimwandi nokuya lombwela kombinga yetokolo lyepangelo, ndyoka tu na okusimaneka,” Amalwa a popi.
“Ondi shi shi kutya Nangolo okwa ulikwa komukwaniilwa Immanuel onga omulanduli gwe, oshinima shoka shi shiwike woo nokaakwashigwana oyendji mOndonga. Omolwa ombili mOndonga. Onda nyanyukwa woo epangelo sho lya ningi etokolo mokuzimina Nangolo netokolo ndyoka otu na okuli yambidhidha.”
Omanga Elifas a li momwenyo, Amalwa okwa kondjo nookansela mboka ya kuthwa miilonga, ta popi kutya omukwaniilwa oye e ya kutha miilonga. Okwa li woo a ningi eindilo lyompangu moka a pula Ompangu yoPombanda opo yi indike oonakukuthwa miilonga kaa ya longe iilonga yi na sha nelelo lyopamuthigululwakalo mOndonga.
Okwa li popi kutya okwa li a ulikwa omukwaniilwa onga omupeha gwe.
Meindilo ndyoka a ningi momasiku 22 gaMei mo 2018, Amalwa okwa lombwele ompangu kutya aaleli mboka ya hamano ya kuthwa miilonga otaya tsikile nokulonga iilonga yelelo nokudhina etokolo ndyoka lya ningwa komukwaniilwa okuya kutha miilonga.
Amalwa okwa li woo a hala ompangu opo yi kondjithe Mushelenga a kuthe papangelo ookansela mboka. Momvula yo 2-17 okwa lopotwa kutya Elifas okwa tidha miilonga omalenga ge ngashi nakusa Peter Kauluma omupopiliko nale gwOndonga Traditional Authority (OTA) Joseph Asino, John Walenga oshowo ngoloneya nale gwoshitopolwa shaShikoto Vilho Kamanya. Yalwe mboka ya tidhwa oKashona kaMalulu, Tonata Ngulu oshowo Fillemon Nambili. Amalwa okwa popi kutya nale kali a yelithilwa nawa ihe ngashiingeyi okwa yelithilwa nawa na osho sha etitha a tinde okushaina eindilo lyompangu ndyoka lya ningwa ngashiingeyi. Okwa pula oshigwana shi pule komeho noku e tha shoka sha holoka po nomakuziwa, ta popi kutya ombala yaNdonga ngashingeyi oyi li mOnambango.
Ompangu yOpombanda okwa tegelelwa yi ka pulakene oshikumungu moka Kalenga oshowo aaningi yeindilo yalwe yaheyali mwakwatelwa Amalwa taya pataneke etokolo lyaMushelenga okuzimina Nangolo onga omukwaniilwa.
Amalwa okwa li gumwe gwomaaleli yaali mboka ya ziminwa kepangelo mboka ye li oshitopolwa shongundu ndjoka tayi yambidhidha Konis Eino Kalenga onga omukwaniilwa gwaNdonga nomulanduli gwaElifas.
Amalwa okwa ningi oshigongi shaakwashigwana mOlyomakaya ga piti mOniimwandi.
Ina kala poshigongi shoka ihe okwa tumu gumwe gwomaakokele mOniimwandi, Uno Nashandi opo e mu kalelepo nokuthikitha etumwalaka lye moshigwana.
“Onda tumwa kelenga enene Amalwa opo ndi mu tseyithile kutya okwa taambako etokolo ndyoka lya ningwa kepangelo opo li zimine Nangolo onga Omukwaniilwa gwaNdonga. Onkene ote mu pula opo mu yambidhidhe omukwaniilwa Nangolo,” Nashandi a lombwele aakwashigwana.
“Amuhe omwa hiwa koshituthi sho ku mu tula koshipundi shoka tashi ningwa momasiku 29 gaJuni mOnambango.”
Sho a ningilwa omapulo, Amalwa okwa popi kutya okwa kala nontseyo kutya Nangoloo oye uulikwa komukwaniilwa mwene ngoka a hulitha momwedhi Apilili nuumvo, onga omulanduli gwe. Amalwa okwa popi kutya ina yi wa naye moonkundathana kombinga yoshipotha oshipe shoka sha falwa kompangu onkene ina shaina endilo ndyoka lya ningwa kompangu.
“Onga aaleli twa ziminwa kepangelo otwa kutwa kepangelo na oko hatu mono oondjambi dhetu dhokomwedhi. Epangelo olya zimina Nangolo onga omukwaniilwa onkene kape na we shilwe shoka tandi vulu okuninga shaaheshi okusimaneka etokolo ndyoka lya ningwa kepangelo. Sha landula etokolo ndyoka onda yi kaaantu yomOniimwandi nokuya lombwela kombinga yetokolo lyepangelo, ndyoka tu na okusimaneka,” Amalwa a popi.
“Ondi shi shi kutya Nangolo okwa ulikwa komukwaniilwa Immanuel onga omulanduli gwe, oshinima shoka shi shiwike woo nokaakwashigwana oyendji mOndonga. Omolwa ombili mOndonga. Onda nyanyukwa woo epangelo sho lya ningi etokolo mokuzimina Nangolo netokolo ndyoka otu na okuli yambidhidha.”
Omanga Elifas a li momwenyo, Amalwa okwa kondjo nookansela mboka ya kuthwa miilonga, ta popi kutya omukwaniilwa oye e ya kutha miilonga. Okwa li woo a ningi eindilo lyompangu moka a pula Ompangu yoPombanda opo yi indike oonakukuthwa miilonga kaa ya longe iilonga yi na sha nelelo lyopamuthigululwakalo mOndonga.
Okwa li popi kutya okwa li a ulikwa omukwaniilwa onga omupeha gwe.
Meindilo ndyoka a ningi momasiku 22 gaMei mo 2018, Amalwa okwa lombwele ompangu kutya aaleli mboka ya hamano ya kuthwa miilonga otaya tsikile nokulonga iilonga yelelo nokudhina etokolo ndyoka lya ningwa komukwaniilwa okuya kutha miilonga.
Amalwa okwa li woo a hala ompangu opo yi kondjithe Mushelenga a kuthe papangelo ookansela mboka. Momvula yo 2-17 okwa lopotwa kutya Elifas okwa tidha miilonga omalenga ge ngashi nakusa Peter Kauluma omupopiliko nale gwOndonga Traditional Authority (OTA) Joseph Asino, John Walenga oshowo ngoloneya nale gwoshitopolwa shaShikoto Vilho Kamanya. Yalwe mboka ya tidhwa oKashona kaMalulu, Tonata Ngulu oshowo Fillemon Nambili. Amalwa okwa popi kutya nale kali a yelithilwa nawa ihe ngashiingeyi okwa yelithilwa nawa na osho sha etitha a tinde okushaina eindilo lyompangu ndyoka lya ningwa ngashiingeyi. Okwa pula oshigwana shi pule komeho noku e tha shoka sha holoka po nomakuziwa, ta popi kutya ombala yaNdonga ngashingeyi oyi li mOnambango.
Ompangu yOpombanda okwa tegelelwa yi ka pulakene oshikumungu moka Kalenga oshowo aaningi yeindilo yalwe yaheyali mwakwatelwa Amalwa taya pataneke etokolo lyaMushelenga okuzimina Nangolo onga omukwaniilwa.
Comments
Namibian Sun
No comments have been left on this article