Air Namibia a pewa oomiliyona 740

Air Namibia okwa pewa oshipambu shoka, pethimbo Ominista yEmona yaNamibia, Calle Schlettwein ya tseyitha omutengenekwathaneko gwelongitho lyiimaliwa yepangelo, moshikako shomvula yo 2018/19. Oomiliyona 740 ndhoka dha pewa Air Namibia, odha kalela po oopresenda 50 dhiimaliwa mbyoka ya pewa omahangano ngoka ga yama kepangelo.Ehangano lyoTransNamib olya pewa oomiliyona 171 omanga Namibian Broadcasting Corporation a pewa oomiliyona 140.Omahangano gamwe ngoka ga yama kepangelo ongaashi oNamibia Statistics Agency ngoka a pewa oomiliyona 94, Development Bank of Namibia oomiliyona 80, National Youth Service oomiliyona 36, Road Contractor Company oomiliyona 21, National Council for Research, Science and Technology oomiliyona 11, Agro-Marketing and Trade Agency oomiliyona 15, New Era Publications oomiliyona 15, Namibia Press Agency oomiliyona 15 omanga oshikundaneki shomuhanga pokati kepangelo lyaNamibia naZimbabwe (Namzim) sha pewa oomiliyona 10Sho a popi kombinga yegandjo lyiimaliwa kiiputudhilo mbyoka, Ominista yiiputudhilo ya yama kepangelo, Leon Jooste okwa popi kutya onkalo ndjoka oya pumbwa okupandulwa.Okwa popi kutya egandjo lyiimaliwa ndyoka nali dhalapatelwe kukehe, mwakwatelwa iiputudhilo mbyoka opo yi vule okutula po omilandu yo yi kale tayi vulu okwiimonena iiyemo, nokuyambulapo ongushu yomaliko gawo“Iiputudhilo oyindji oyiikolelela owala okumona omayambidhidho okuza kepangelo onga omuniipambuluko omunene na itayi kutha oshinakugwanithwa opo yi kale tayi imonene iiyemo yoyeye,” Jooste a popi. Klaus Schade okwa popi kutya oshindji osha pumbwa okuyelithwa opo oshigwana shuuveko kutya ohaku talwa koshike uuna taku gandja iimaliwa mbyoka komahangano ngoka. Okwa popi kutya epangelo olya pumbwa okukala tali kondolola muule omahangano ngoka opo li kwashilipaleke kutya ogeli tuu pokantu yokugwanitha po shoka giinekelelwa.“Iimaliwa ya kala nokupe omahangano ngoka oya londa pombanda okuza poobiliyona 6.4 mo (2015/16) okuya poobiliyona 12.8 billion (2017/18). Iimaliwa mbyoka okwa tegelelwa yi ye poobiliyona 14.8 momvula yo 2018/19 oshowo okuya poobiliyona 17.4 mo 2020/21, nomwaalu ngoka otagu ka kalela po oopresenda 7.9 dhiiyemo yoshilongo. Osha simana noonkondo opo ku kondololwe iilonga yomahangano ngoka, nokutala kutya oga pumbwa ngaa aluhe iiyemo okuza kepangelo,” Schade a popi.Herbert Jauch, okwa popi kutya okwa li kwa pumbwa okuningwa oonkambadhala nale opo ku shunithwe pevi egandjo lyiimaliwa oyindji noonkondo komahangano ngoka. Okwa popi kutya etetulo lyoondjambi oonene dhaaleli yomahangano ngoka, olya li lya pumbwa okukala lya talika nale oomvula dha piti.Roman Grynberg okuuvite kutya oshikumungu shomahangano ngoka taga pewa iimaliwa kepangelo omvula nomvula, inashi talika nawa.Uuministeli mboka tawu kwatele komeho omahangano ngoka owa pewa oshimaliwa shoobiliyona 1.47 moshikako shomvula ndjika.OGONE TLHAGE

Air Namibia a pewa oomiliyona 740

Comments

Namibian Sun 2025-07-01

Please login to leave a comment

Air Namibia a pewa oomiliyona 740

Comments

Namibian Sun 2025-07-01

Please login to leave a comment

Login