Ailongi AaNamibia taya kambathala okuya ontuku okuza moUkraine

YOLANDA NEL OVENDUKAAailongi yaNamibia mboka ye li moUkraine otaya kambadhala okuthigapo oshilongo shoka sha taalela iikolokosha.Omanga aailongi yamwe ya popi kutya oya kala ya holama momatrelendja konima nkene Russia a ponokele oshilongo shoka mEtine lya piti, ngashiingeyi otaya kambadhala okuthigapo oshilongo shoka ye na oondokumende kehe nenge opaasporta.Pethimbo ya ningwa nayo oonkundathana koNamibia Media Holdings mOlyomakaya omanga ekwatathano inali gwamo mewangandjo, inaku monika we uuyelele wa gwedhwapo kombinga yonkalo yawo.Omunaskola gumwe ngoka e li moUkraine okwa popi kutya ke na iiwaliwa molwaashoka omashina gokunana iimaliwa oga tekapo.“Itatu vulu okumona iimaliwa, oshinima shoka tashi longo natango moshilongo muka oshipangelo owala.”Pahapu dhe, iifuta yohiila moPoland moka taya kambadhala okuya oyi li pooUS$25 mesiku na ke na iimaliwa yolweendo nenge iikulya okuya hoka.Okwa pandula kutya epangelo lyaNamibia sho tali ya kwathele okuza mo moUkraine ihe okweethwa yiipaluthe yoyene miilongo yaantu onkalo odhigu okutaalela.Omanga a li ta popi noshikundaneki shoka, okwa holoka ongendjo ndjoka tayi holola kutya embomo otali vulu okutameka ethimbo kehe.Uudhigu wumwe wa taalela aailongi mboka, poosasiyona dhomashina noombesa, otaku talika tango aakwashigwana yaUkraine aakiintu naanona.Omashina oguudha noonkondo naailongi mboka oya tegelela nomukumo kutya taya mono omahala.Etseyitho li li komalungula oondyoka kutya epangelo lyaNamibia olya indile epangelo lyaPoland li pitithe aakwashigwana yaNamibia oshali pongamba.Poland aniwa okwa gandja omasiku 15 kaailongi mboka opo ya vule okukala moshilongo shoka.Omwiilongi gumwe ngoka a shanga kongundu yoWhatsApp yaailongi AaNamibia moUkraine okwa popi kutya uuna ya thiki moPoland otaya pewa okulya.Okwa popi kutya ope na woo olweendo lwoshali oshowo ehala lyokukala ngele omuntu ota vulu okuulika omukanda gwe ngoka tagu holola okukala moPoland pakathimbo. Uukalata womadhengo goongodhi woshali otawu adhika woo poosasiyona dhomashina.Mokati kaailongi AaNamibia 92, o 38 otaya yambidhidhwa koNamibia Students Financial Assistance Fund (NSFAF).Molyomakaya, ewawa lyaanyasha mongundu yoPopular Democratic Movement (PDM), oya pititha etumwalaka okupitila moshitayi shawo moUnited Kingdom kutya otaya ka kwathela aailongi mboka ya hala okuya koNamibia okupitila moPoland.Omolwa onkalo yiiyemo ewawa ndyoka otali pula woo aakwashigwana mboka ye na ohokwe mokuyambidhidha pashimaliwa ya ninge ekwatathano nonomola yongodhi 081 635 7415.

Ailongi AaNamibia taya kambathala okuya ontuku okuza moUkraine

Comments

Namibian Sun 2025-05-13

Please login to leave a comment

Ailongi AaNamibia taya kambathala okuya ontuku okuza moUkraine

Comments

Namibian Sun 2025-05-13

Please login to leave a comment

Login