Agribank ta yambidhidha omolwa oshikukuta
JEMIMA BEUKES
Ombaanga yoAgribank otayi gandja embilipaleko lyiifuta yomikuli oshowo omikuli dhokuyambidhidha aanafaalama omolwa onkalo yoshikukuta.
Ombaanga oya holola kutya tayi ka gwedhela aanafaalama oomvula mbali opo ya vule okufuta iimaliwa yomikuli dhawo mbyoka ya thigalako komikuli dhoka ye na.
Omunambelewa Omukuluntuwiliko gwombaanga yoAgribank, Sakaria Nghikembua okwa popi kutya shoka otaye shi ningi nomalalakano gokuyambidhidha nokukwathela aanafaalama mbyoka taya mono iihuna ngashiingeyi omolwa oshikukuta.
“Aayakulwa yetu mboka ye na ohokwe okulongitha omayambidhidho ngoka otaya pumbwa okushaina etsokumwe nombaanga. Etulokumwe lyiifuta yomikuli ndhoka dhi li konima oshowo ekuthoko komusholondondo gwoITC otali tulwa miilonga, uuna oopresenda 45 dhomikuli dha futwako.”
Aayakulwa mboka ye wete kutya itaya ka vula okugwanitha po iifuta yawo yomikuli yokomvula, otaya pumbiwa ya fute oopresenda 60 dhomikuli dhawo dhoka dhi li konima, omanga oopresenda 40 tadhi ka tadhi ka tulwa kumwe.
Kiifuta yomikuli, otaku ka gwedhwa oomvula mbali dhokufuta kuule ethimbo lyiifuta yomikuli ndhoka.
Ombaanga oya popi kutya oya dhidhilike aayakulwa yamwe mboka itaya ka vula okufuta ko omikuli dhawo noopresenda 45 palumwe, onkene otaya vulu okufuta ko oopresenda dhoka sigo omomasiku 30 gaSepetemba nuumvo.
Nghikembua okwa popi kutya aayakulwa mboka taya ka adhika komaupyakadhi okugwanitha po iipumbiwa yiifuta yawo, otaya tsuwa omukumo opo ya talele po iitayi yombaanga yi li popepi nayo nokukundathana kombinga yomayakulo ngoka.
Okwa gwedha po kutya ombaanga oyiitulamo kutya aayakulwa ayehe mboka ye na ohokwe otaya ka mona omayambudhidho.
Okwa tsu omuthindo kutya kape na omuyakulwa ta shunithwa ko ngele tashi ya komayakulo ngoka ga tulwa po kombaanga, ihe omuyakulwa nombaanga oya pumbwa okukundathana noku a dha etsokumwe.
Omikuli dhehwepopaleko lyoshikukuta
Omukuli dha nuninwa okuhepopaleka pethimbo lyoshikukuta otadhi ka pewa aanafaalama mboka ya mana okufuta ko oopresenda dhomikuli dhawo dhoka dha tulwa po.
Iimaliwa mbyoka otayi vulu okulongithwa mokuyambidhidha pethimbo ndika miinima ngaashi okulanda iikulya yiimuna, okuhupa oomboola nokulonga oombola oshowo iilonga yilwe ya gwedhwa po.
Pahapu dhe, aanafaalama mboka taya ka mona omikuli dhoka otaya ka pewa efudho lyuule womvula yimwe omanga inaya tameka okufuta omikuli dhawo.
Eshunitho lyomikuli ndhoka konima yomvula yimwe oshowo iishoshelo komikuli dhoka otayi ka endela pamwe nomilandu dhombaanga ndhoka dhili po nale.
Ombaanga oya popi kutya oya taalela omathimbo omadhigu oshowo aanafaalama, onkene oya hala kehe gumwe a hupe pethimbo ndika lyoshikukuta.
Nghikembua okwa popi kutya ekuthopo lyomikuli itali tulwa miilonga pethimbo ndika ihe oyiinekela kutya omayambidhidho ngoka ya tula po otaga ka kwathela aayaakulwa yawo.
Ombaanga yoAgribank otayi gandja embilipaleko lyiifuta yomikuli oshowo omikuli dhokuyambidhidha aanafaalama omolwa onkalo yoshikukuta.
Ombaanga oya holola kutya tayi ka gwedhela aanafaalama oomvula mbali opo ya vule okufuta iimaliwa yomikuli dhawo mbyoka ya thigalako komikuli dhoka ye na.
Omunambelewa Omukuluntuwiliko gwombaanga yoAgribank, Sakaria Nghikembua okwa popi kutya shoka otaye shi ningi nomalalakano gokuyambidhidha nokukwathela aanafaalama mbyoka taya mono iihuna ngashiingeyi omolwa oshikukuta.
“Aayakulwa yetu mboka ye na ohokwe okulongitha omayambidhidho ngoka otaya pumbwa okushaina etsokumwe nombaanga. Etulokumwe lyiifuta yomikuli ndhoka dhi li konima oshowo ekuthoko komusholondondo gwoITC otali tulwa miilonga, uuna oopresenda 45 dhomikuli dha futwako.”
Aayakulwa mboka ye wete kutya itaya ka vula okugwanitha po iifuta yawo yomikuli yokomvula, otaya pumbiwa ya fute oopresenda 60 dhomikuli dhawo dhoka dhi li konima, omanga oopresenda 40 tadhi ka tadhi ka tulwa kumwe.
Kiifuta yomikuli, otaku ka gwedhwa oomvula mbali dhokufuta kuule ethimbo lyiifuta yomikuli ndhoka.
Ombaanga oya popi kutya oya dhidhilike aayakulwa yamwe mboka itaya ka vula okufuta ko omikuli dhawo noopresenda 45 palumwe, onkene otaya vulu okufuta ko oopresenda dhoka sigo omomasiku 30 gaSepetemba nuumvo.
Nghikembua okwa popi kutya aayakulwa mboka taya ka adhika komaupyakadhi okugwanitha po iipumbiwa yiifuta yawo, otaya tsuwa omukumo opo ya talele po iitayi yombaanga yi li popepi nayo nokukundathana kombinga yomayakulo ngoka.
Okwa gwedha po kutya ombaanga oyiitulamo kutya aayakulwa ayehe mboka ye na ohokwe otaya ka mona omayambudhidho.
Okwa tsu omuthindo kutya kape na omuyakulwa ta shunithwa ko ngele tashi ya komayakulo ngoka ga tulwa po kombaanga, ihe omuyakulwa nombaanga oya pumbwa okukundathana noku a dha etsokumwe.
Omikuli dhehwepopaleko lyoshikukuta
Omukuli dha nuninwa okuhepopaleka pethimbo lyoshikukuta otadhi ka pewa aanafaalama mboka ya mana okufuta ko oopresenda dhomikuli dhawo dhoka dha tulwa po.
Iimaliwa mbyoka otayi vulu okulongithwa mokuyambidhidha pethimbo ndika miinima ngaashi okulanda iikulya yiimuna, okuhupa oomboola nokulonga oombola oshowo iilonga yilwe ya gwedhwa po.
Pahapu dhe, aanafaalama mboka taya ka mona omikuli dhoka otaya ka pewa efudho lyuule womvula yimwe omanga inaya tameka okufuta omikuli dhawo.
Eshunitho lyomikuli ndhoka konima yomvula yimwe oshowo iishoshelo komikuli dhoka otayi ka endela pamwe nomilandu dhombaanga ndhoka dhili po nale.
Ombaanga oya popi kutya oya taalela omathimbo omadhigu oshowo aanafaalama, onkene oya hala kehe gumwe a hupe pethimbo ndika lyoshikukuta.
Nghikembua okwa popi kutya ekuthopo lyomikuli itali tulwa miilonga pethimbo ndika ihe oyiinekela kutya omayambidhidho ngoka ya tula po otaga ka kwathela aayaakulwa yawo.
Comments
Namibian Sun
No comments have been left on this article